೯. ಸುಮನತ್ಥೇರಅಪದಾನಂ

೬೨. ‘‘ಸುಮನೋ ನಾಮ ನಾಮೇನ, ಮಾಲಾಕಾರೋ ಅಹಂ ತದಾ;

ಅದ್ದಸಂ ವಿರಜಂ ಬುದ್ಧಂ, ಲೋಕಾಹುತಿಪಟಿಗ್ಗಹಂ.

೬೩. ‘‘ಉಭೋ ಹತ್ಥೇಹಿ ಪಗ್ಗಯ್ಹ, ಸುಮನಂ ಪುಪ್ಫಮುತ್ತಮಂ;

ಬುದ್ಧಸ್ಸ ಅಭಿರೋಪೇಸಿಂ, ಸಿಖಿನೋ ಲೋಕಬನ್ಧುನೋ.

೬೪. ‘‘ಇಮಾಯ ಪುಪ್ಫಪೂಜಾಯ, ಚೇತನಾಪಣಿಧೀಹಿ ಚ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ.

೬೫. ‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಪುಪ್ಫಮಭಿರೋಪಯಿಂ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ [ಪುಪ್ಫಪೂಜಾಯಿದಂ (ಸೀ.)] ಫಲಂ.

೬೬. ‘‘ಛಬ್ಬೀಸತಿಮ್ಹಿ ಕಪ್ಪಮ್ಹಿ, ಚತ್ತಾರೋಸುಂ ಮಹಾಯಸಾ;

ಸತ್ತರತನಸಮ್ಪನ್ನಾ, ರಾಜಾನೋ ಚಕ್ಕವತ್ತಿನೋ.

೬೭. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಸುಮನೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಸುಮನತ್ಥೇರಸ್ಸಾಪದಾನಂ ನವಮಂ.