೩. ಗಯಾಕಸ್ಸಪತ್ಥೇರಅಪದಾನಂ

೩೫. ‘‘ಅಜಿನಚಮ್ಮವತ್ಥೋಹಂ [ಅಜಿನವತ್ತಂ ನಿವತ್ತೋಹಂ (ಸೀ.)], ಖಾರಿಭಾರಧರೋ ತದಾ;

ಖಾರಿಕಂ ಹಾರಯಿತ್ವಾನ, ಕೋಲಂ ಅಹಾಸಿ ಅಸ್ಸಮಂ.

೩೬. ‘‘ಭಗವಾ ತಮ್ಹಿ ಸಮಯೇ, ಏಕೋ ಅದುತಿಯೋ ಜಿನೋ;

ಮಮಸ್ಸಮಂ ಉಪಾಗಚ್ಛಿ, ಜೋತೇನ್ತೋ ಸಬ್ಬಕಾಲಿಕಂ.

೩೭. ‘‘ಸಕಂ ಚಿತ್ತಂ ಪಸಾದೇತ್ವಾ, ಅಭಿವಾದೇತ್ವಾನ ಸುಬ್ಬತಂ;

ಉಭೋ ಹತ್ಥೇಹಿ ಪಗ್ಗಯ್ಹ, ಕೋಲಂ ಬುದ್ಧಸ್ಸದಾಸಹಂ.

೩೮. ‘‘ಏಕತಿಂಸೇ ಇತೋ ಕಪ್ಪೇ, ಯಂ ಫಲಂ ಅದದಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಕೋಲದಾನಸ್ಸಿದಂ ಫಲಂ.

೩೯. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವೋ.

೪೦. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೪೧. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಗಯಾಕಸ್ಸಪೋ ಥೇರೋ ಇಮಾ ಗಾಥಾಯೋ

ಅಭಾಸಿತ್ಥಾತಿ.

ಗಯಾಕಸ್ಸಪತ್ಥೇರಸ್ಸಾಪದಾನಂ ತತಿಯಂ.