೫. ಸುಪಟದಾಯಕತ್ಥೇರಅಪದಾನಂ

೩೧. ‘‘ದಿವಾವಿಹಾರಾ ನಿಕ್ಖನ್ತೋ, ವಿಪಸ್ಸೀ ಲೋಕನಾಯಕೋ;

ಲಹುಂ ಸುಪಟಕಂ [ಸುಪಟಿಕಂ (ಸ್ಯಾ.), ಪೂಪಪವಂ (ಪೀ.)] ದತ್ವಾ, ಕಪ್ಪಂ ಸಗ್ಗಮ್ಹಿ ಮೋದಹಂ.

೩೨. ‘‘ಏಕನವುತಿತೋ ಕಪ್ಪೇ, ಸುಪಟಕಮದಾಸಹಂ;

ದುಗ್ಗತಿಂ ನಾಭಿಜಾನಾಮಿ, ಸುಪಟಸ್ಸ ಇದಂ ಫಲಂ.

೩೩. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವೋ.

೩೪. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೩೫. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಸುಪಟದಾಯಕೋ ಥೇರೋ ಇಮಾ ಗಾಥಾಯೋ

ಅಭಾಸಿತ್ಥಾತಿ.

ಸುಪಟದಾಯಕತ್ಥೇರಸ್ಸಾಪದಾನಂ ಪಞ್ಚಮಂ.