೩. ಸರಣಗಮನಿಯತ್ಥೇರಅಪದಾನಂ

೧೯. ‘‘ಆರುಹಿಮ್ಹ ತದಾ ನಾವಂ, ಭಿಕ್ಖು ಚಾಜೀವಿಕೋ ಚಹಂ;

ನಾವಾಯ ಭಿಜ್ಜಮಾನಾಯ, ಭಿಕ್ಖು ಮೇ ಸರಣಂ ಅದಾ.

೨೦. ‘‘ಏಕತಿಂಸೇ ಇತೋ ಕಪ್ಪೇ, ಯಂ ಸೋ ಮೇ ಸರಣಂ ಅದಾ;

ದುಗ್ಗತಿಂ ನಾಭಿಜಾನಾಮಿ, ಸರಣಗಮನೇ ಫಲಂ.

೨೧. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವೋ.

೨೨. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೨೩. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಸರಣಗಮನಿಯೋ ಥೇರೋ ಇಮಾ ಗಾಥಾಯೋ

ಅಭಾಸಿತ್ಥಾತಿ.

ಸರಣಗಮನಿಯತ್ಥೇರಸ್ಸಾಪದಾನಂ ತತಿಯಂ.