೫. ಸುಮನತಾಲವಣ್ಟಿಯತ್ಥೇರಅಪದಾನಂ

೨೧. ‘‘ಸಿದ್ಧತ್ಥಸ್ಸ ಭಗವತೋ, ತಾಲವಣ್ಟಮದಾಸಹಂ;

ಸುಮನೇಹಿ ಪಟಿಚ್ಛನ್ನಂ, ಧಾರಯಾಮಿ ಮಹಾಯಸಂ.

೨೨. ‘‘ಚತುನ್ನವುತಿತೋ ಕಪ್ಪೇ, ತಾಲವಣ್ಟಮದಾಸಹಂ;

ದುಗ್ಗತಿಂ ನಾಭಿಜಾನಾಮಿ, ತಾಲವಣ್ಟಸ್ಸಿದಂ ಫಲಂ.

೨೩. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವೋ.

೨೪. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೨೫. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಸುಮನತಾಲವಣ್ಟಿಯೋ ಥೇರೋ ಇಮಾ

ಗಾಥಾಯೋ ಅಭಾಸಿತ್ಥಾತಿ.

ಸುಮನತಾಲವಣ್ಟಿಯತ್ಥೇರಸ್ಸಾಪದಾನಂ ಪಞ್ಚಮಂ.