೩. ಚಿತಕನಿಬ್ಬಾಪಕತ್ಥೇರಅಪದಾನಂ

೧೧. ‘‘ದಯ್ಹಮಾನೇ ಸರೀರಮ್ಹಿ, ವೇಸ್ಸಭುಸ್ಸ ಮಹೇಸಿನೋ;

ಗನ್ಧೋದಕಂ ಗಹೇತ್ವಾನ, ಚಿತಂ ನಿಬ್ಬಾಪಯಿಂ ಅಹಂ.

೧೨. ‘‘ಏಕತಿಂಸೇ ಇತೋ ಕಪ್ಪೇ, ಚಿತಂ ನಿಬ್ಬಾಪಯಿಂ ಅಹಂ;

ದುಗ್ಗತಿಂ ನಾಭಿಜಾನಾಮಿ, ಗನ್ಧೋದಕಸ್ಸಿದಂ ಫಲಂ.

೧೩. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವೋ.

೧೪. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೧೫. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಚಿತಕನಿಬ್ಬಾಪಕೋ ಥೇರೋ ಇಮಾ

ಗಾಥಾಯೋ ಅಭಾಸಿತ್ಥಾತಿ.

ಚಿತಕನಿಬ್ಬಾಪಕತ್ಥೇರಸ್ಸಾಪದಾನಂ ತತಿಯಂ.