೬. ವಲ್ಲಿಫಲದಾಯಕತ್ಥೇರಅಪದಾನಂ

೩೧. ‘‘ಸಬ್ಬೇ ಜನಾ ಸಮಾಗಮ್ಮ, ಅಗಮಿಂಸು ವನಂ ತದಾ;

ಫಲಮನ್ವೇಸಮಾನಾ ತೇ, ಅಲಭಿಂಸು ಫಲಂ ತದಾ.

೩೨. ‘‘ತತ್ಥದ್ದಸಾಸಿಂ ಸಮ್ಬುದ್ಧಂ, ಸಯಮ್ಭುಂ ಅಪರಾಜಿತಂ;

ಪಸನ್ನಚಿತ್ತೋ ಸುಮನೋ, ವಲ್ಲಿಫಲಮದಾಸಹಂ.

೩೩. ‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಫಲಮದದಿಂ ತದಾ;

ದುಗ್ಗತಿಂ ನಾಭಿಜಾನಾಮಿ, ಫಲದಾನಸ್ಸಿದಂ ಫಲಂ.

೩೪. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವೋ.

೩೫. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೩೬. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ವಲ್ಲಿಫಲದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ವಲ್ಲಿಫಲದಾಯಕತ್ಥೇರಸ್ಸಾಪದಾನಂ ಛಟ್ಠಂ.