೬. ಗನ್ಧಮುಟ್ಠಿಯತ್ಥೇರಅಪದಾನಂ

೩೩. [ಇಧ ಗಾಥಾದ್ಧಂ ಊನಂ ವಿಯ ದಿಸ್ಸತಿ] ‘‘ಚಿತಕೇ ಕರೀಯಮಾನೇ, ನಾನಾಗನ್ಧೇ ಸಮಾಹತೇ;

ಪಸನ್ನಚಿತ್ತೋ ಸುಮನೋ, ಗನ್ಧಮುಟ್ಠಿಮಪೂಜಯಿಂ.

೩೪. ‘‘ಸತಸಹಸ್ಸಿತೋ ಕಪ್ಪೇ, ಚಿತಕಂ ಯಂ ಅಪೂಜಯಿಂ;

ದುಗ್ಗತಿಂ ನಾಭಿಜಾನಾಮಿ, ಚಿತಪೂಜಾಯಿದಂ ಫಲಂ.

೩೫. ‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ… ವಿಹರಾಮಿ ಅನಾಸವೋ.

೩೬. ‘‘ಸ್ವಾಗತಂ ವತ ಮೇ ಆಸಿ…ಪೇ… ಕತಂ ಬುದ್ಧಸ್ಸ ಸಾಸನಂ.

೩೭. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಗನ್ಧಮುಟ್ಠಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಗನ್ಧಮುಟ್ಠಿಯತ್ಥೇರಸ್ಸಾಪದಾನಂ ಛಟ್ಠಂ.