೮. ಏಕಚಮ್ಪಕಪುಪ್ಫಿಯತ್ಥೇರಅಪದಾನಂ

೨೭. ‘‘ಉಪಸನ್ತೋ ಚ ಸಮ್ಬುದ್ಧೋ, ವಸತೀ ಪಬ್ಬತನ್ತರೇ;

ಏಕಚಮ್ಪಕಮಾದಾಯ, ಉಪಗಚ್ಛಿಂ ನರುತ್ತಮಂ.

೨೮. ‘‘ಪಸನ್ನಚಿತ್ತೋ ಸುಮನೋ, ಪಚ್ಚೇಕಮುನಿಮುತ್ತಮಂ;

ಉಭೋಹತ್ಥೇಹಿ ಪಗ್ಗಯ್ಹ, ಪೂಜಯಿಂ ಅಪರಾಜಿತಂ.

೨೯. ‘‘ಪಞ್ಚಸಟ್ಠಿಮ್ಹಿತೋ ಕಪ್ಪೇ, ಯಂ ಪುಪ್ಫಮಭಿಪೂಜಯಿಂ;

ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ.

೩೦. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಏಕಚಮ್ಪಕಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಏಕಚಮ್ಪಕಪುಪ್ಫಿಯತ್ಥೇರಸ್ಸಾಪದಾನಂ ಅಟ್ಠಮಂ.