೯. ಬುದ್ಧುಪಟ್ಠಾಯಿಕತ್ಥೇರಅಪದಾನಂ

೩೮. ‘‘ವೇಟಮ್ಭಿನೀತಿ [ವೇಟಮ್ಬರೀತಿ (ಸೀ.), ವೇಧಮ್ಭಿನೀತಿ (ಸ್ಯಾ.)] ಮೇ ನಾಮಂ, ಪಿತುಸನ್ತಂ [ಪಿತಾ’ಸನ್ತಂ (?)] ಮಮಂ ತದಾ;

ಮಮ ಹತ್ಥಂ ಗಹೇತ್ವಾನ, ಉಪಾನಯಿ ಮಹಾಮುನಿಂ.

೩೯. ‘‘ಇಮೇಮಂ ಉದ್ದಿಸಿಸ್ಸನ್ತಿ, ಬುದ್ಧಾ ಲೋಕಗ್ಗನಾಯಕಾ;

ತೇಹಂ ಉಪಟ್ಠಿಂ ಸಕ್ಕಚ್ಚಂ, ಪಸನ್ನೋ ಸೇಹಿ ಪಾಣಿಭಿ.

೪೦. ‘‘ಏಕತ್ತಿಂಸೇ ಇತೋ ಕಪ್ಪೇ, ಬುದ್ಧೇ ಉಪಟ್ಠಹಿಂ [ಪರಿಚರಿಂ (ಸೀ. ಸ್ಯಾ.)] ತದಾ;

ದುಗ್ಗತಿಂ ನಾಭಿಜಾನಾಮಿ, ಉಪಟ್ಠಾನಸ್ಸಿದಂ ಫಲಂ.

೪೧. ‘‘ತೇವೀಸಮ್ಹಿ ಇತೋ ಕಪ್ಪೇ, ಚತುರೋ ಆಸು ಖತ್ತಿಯಾ;

ಸಮಣುಪಟ್ಠಾಕಾ ನಾಮ, ಚಕ್ಕವತ್ತೀ ಮಹಬ್ಬಲಾ.

೪೨. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಬುದ್ಧುಪಟ್ಠಾಯಿಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಬುದ್ಧುಪಟ್ಠಾಯಿಕತ್ಥೇರಸ್ಸಾಪದಾನಂ ನವಮಂ.