೨. ನಿಸ್ಸೇಣಿದಾಯಕತ್ಥೇರಅಪದಾನಂ

೯. ‘‘ಕೋಣ್ಡಞ್ಞಸ್ಸ ಭಗವತೋ, ಲೋಕಜೇಟ್ಠಸ್ಸ ತಾದಿನೋ;

ಆರೋಹತ್ಥಾಯ ಪಾಸಾದಂ, ನಿಸ್ಸೇಣೀ ಕಾರಿತಾ ಮಯಾ.

೧೦. ‘‘ತೇನ ಚಿತ್ತಪ್ಪಸಾದೇನ, ಅನುಭೋತ್ವಾನ ಸಮ್ಪದಾ;

ಧಾರೇಮಿ ಅನ್ತಿಮಂ ದೇಹಂ, ಸಮ್ಮಾಸಮ್ಬುದ್ಧಸಾಸನೇ.

೧೧. ‘‘ಏಕತ್ತಿಂಸಮ್ಹಿ ಕಪ್ಪಾನಂ, ಸಹಸ್ಸಮ್ಹಿ ತಯೋ ಅಹುಂ [ಮಹಾ (ಸೀ. ಸ್ಯಾ.)];

ಸಮ್ಬಹುಲಾ ನಾಮ ರಾಜಾನೋ, ಚಕ್ಕವತ್ತೀ ಮಹಬ್ಬಲಾ.

೧೨. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ನಿಸ್ಸೇಣಿದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ನಿಸ್ಸೇಣಿದಾಯಕತ್ಥೇರಸ್ಸಾಪದಾನಂ ದುತಿಯಂ.