೫. ಉಮಾಪುಪ್ಫಿಯತ್ಥೇರಅಪದಾನಂ

೨೧. ‘‘ನಿಬ್ಬುತೇ ಲೋಕಮಹಿತೇ [ಲೋಕನಾಥಮ್ಹಿ (ಸೀ.)], ಆಹುತೀನಂ ಪಟಿಗ್ಗಹೇ;

ಸಿದ್ಧತ್ಥಮ್ಹಿ ಭಗವತಿ, ಮಹಾಥೂಪಮಹೋ ಅಹು.

೨೨. ‘‘ಮಹೇ ಪವತ್ತಮಾನಮ್ಹಿ, ಸಿದ್ಧತ್ಥಸ್ಸ ಮಹೇಸಿನೋ;

ಉಮಾಪುಪ್ಫಂ [ಉಮ್ಮಾಪುಪ್ಫಂ (ಸಬ್ಬತ್ಥ)] ಗಹೇತ್ವಾನ, ಥೂಪಮ್ಹಿ ಅಭಿರೋಪಯಿಂ.

೨೩. ‘‘ಚತುನ್ನವುತಿತೋ ಕಪ್ಪೇ, ಯಂ ಪುಪ್ಫಮಭಿರೋಪಯಿಂ;

ದುಗ್ಗತಿಂ ನಾಭಿಜಾನಾಮಿ, ಥೂಪಪೂಜಾಯಿದಂ [ಪುಪ್ಫಪೂಜಾಯಿದಂ (ಸ್ಯಾ.), ಬುದ್ಧಪೂಜಾಯಿದಂ (ಕ.)] ಫಲಂ.

೨೪. ‘‘ಇತೋ ಚ ನವಮೇ ಕಪ್ಪೇ, ಸೋಮದೇವಸನಾಮಕಾ;

ಪಞ್ಚಾಸೀತಿಸು ರಾಜಾನೋ, ಚಕ್ಕವತ್ತೀ ಮಹಬ್ಬಲಾ.

೨೫. ‘‘ಪಟಿಸಮ್ಭಿದಾ ಚತಸ್ಸೋ…ಪೇ… ಕತಂ ಬುದ್ಧಸ್ಸ ಸಾಸನಂ’’.

ಇತ್ಥಂ ಸುದಂ ಆಯಸ್ಮಾ ಉಮಾಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ.

ಉಮಾಪುಪ್ಫಿಯತ್ಥೇರಸ್ಸಾಪದಾನಂ ಪಞ್ಚಮಂ.