೬. ಚಾಲಾಸುತ್ತವಣ್ಣನಾ

೧೬೭. ಛಟ್ಠೇ ಕೋ ನು ತಂ ಇದಮಾದಪಯೀತಿ ಕೋ ನು ಮನ್ದಬುದ್ಧಿ ಬಾಲೋ ತಂ ಏವಂ ಗಾಹಾಪೇಸಿ? ಪರಿಕ್ಲೇಸನ್ತಿ ಅಞ್ಞಮ್ಪಿ ನಾನಪ್ಪಕಾರಂ ಉಪದ್ದವಂ. ಇದಾನಿ ಯಂ ಮಾರೋ ಆಹ – ‘‘ಕೋ ನು ತಂ ಇದಮಾದಪಯೀ’’ತಿ, ತಂ ಮದ್ದನ್ತೀ – ‘‘ನ ಮಂ ಅನ್ಧಬಾಲೋ ಆದಪೇಸಿ, ಲೋಕೇ ಪನ ಅಗ್ಗಪುಗ್ಗಲೋ ಸತ್ಥಾ ಧಮ್ಮಂ ದೇಸೇಸೀ’’ತಿ ದಸ್ಸೇತುಂ, ಬುದ್ಧೋತಿಆದಿಮಾಹ. ತತ್ಥ ಸಚ್ಚೇ ನಿವೇಸಯೀತಿ ಪರಮತ್ಥಸಚ್ಚೇ ನಿಬ್ಬಾನೇ ನಿವೇಸೇಸಿ. ನಿರೋಧಂ ಅಪ್ಪಜಾನನ್ತಾತಿ ನಿರೋಧಸಚ್ಚಂ ಅಜಾನನ್ತಾ. ಛಟ್ಠಂ.