೭-೯. ಉಡ್ಡಿತಸುತ್ತಾದಿವಣ್ಣನಾ

೬೭. ಸತ್ತಮೇ ತಣ್ಹಾಯ ಉಡ್ಡಿತೋತಿ ತಣ್ಹಾಯ ಉಲ್ಲಙ್ಘಿತೋ. ಚಕ್ಖುಞ್ಹಿ ತಣ್ಹಾರಜ್ಜುನಾ ಆವುನಿತ್ವಾ ರೂಪನಾಗದನ್ತೇ ಉಡ್ಡಿತಂ, ಸೋತಾದೀನಿ ಸದ್ದಾದೀಸೂತಿ ತಣ್ಹಾಯ ಉಡ್ಡಿತೋ ಲೋಕೋ. ಮಚ್ಚುನಾ ಪಿಹಿತೋತಿ ಅನನ್ತರೇ ಅತ್ತಭಾವೇ ಕತಂ ಕಮ್ಮಂ ನ ದೂರಂ ಏಕಚಿತ್ತನ್ತರಂ, ಬಲವತಿಯಾ ಪನ ಮಾರಣನ್ತಿಕವೇದನಾಯ ಪಬ್ಬತೇನ ವಿಯ ಓತ್ಥಟತ್ತಾ ಸತ್ತಾ ತಂ ನ ಬುಜ್ಝನ್ತೀತಿ ‘‘ಮಚ್ಚುನಾ ಪಿಹಿತೋ ಲೋಕೋ’’ತಿ ವುತ್ತಂ. ಸತ್ತಮಂ.

೬೮. ಅಟ್ಠಮೇ ಸ್ವೇವ ಪಞ್ಹೋ ದೇವತಾಯ ಹೇಟ್ಠುಪರಿಯಾಯವಸೇನ ಪುಚ್ಛಿತೋ. ಅಟ್ಠಮಂ.

೬೯. ನವಮೇ ಸಬ್ಬಂ ಉತ್ತಾನಮೇವ. ನವಮಂ.