೩೩. ಉಮಾಪುಪ್ಫಿಯವಗ್ಗೋ

೧-೧೦. ಉಮಾಪುಪ್ಫಿಯತ್ಥೇರಅಪದಾನಾದಿವಣ್ಣನಾ

ತೇತ್ತಿಂಸತಿಮೇ ವಗ್ಗೇ ಪಠಮದುತಿಯತತಿಯಚತುತ್ಥಪಞ್ಚಮಛಟ್ಠಾಪದಾನಾನಿ ಉತ್ತಾನಾನಿಯೇವ.

೫೫. ಸತ್ತಮಾಪದಾನೇ ಸಮಯಂ ಅಗಮಾಸಹನ್ತಿ ಸಮೂಹಂ ಸಮಾಗಮಟ್ಠಾನಂ ಅಹಂ ಅಗಮಾಸಿನ್ತಿ ಅತ್ಥೋ.

೬೨. ಅಬ್ಬುದನಿರಬ್ಬುದಾನೀತಿ ‘‘ಪಕೋಟಿಸತಸಹಸ್ಸಾನಂ ಸತಂ ಅಬ್ಬುದಂ, ಅಬ್ಬುದಸತಸಹಸ್ಸಾನಂ ಸತಂ ನಿರಬ್ಬುದ’’ನ್ತಿ ವುತ್ತತ್ತಾ ಆಯುನಾ ಅಬ್ಬುದನಿರಬ್ಬುದಾನಿ ಗತಮಹಾಆಯುವನ್ತಾ ಮನುಜಾಧಿಪಾ ಚಕ್ಕವತ್ತಿನೋ ಖತ್ತಿಯಾ ಅಟ್ಠ ಅಟ್ಠ ಹುತ್ವಾ ಕಪ್ಪಾನಂ ಪಞ್ಚವೀಸಸಹಸ್ಸಮ್ಹಿ ಆಸಿಂಸು ಅಹೇಸುನ್ತಿ ಅತ್ಥೋ. ಅಟ್ಠಮನವಮದಸಮಾಪದಾನಾನಿ ಪಾಕಟಾನೇವಾತಿ.

ತೇತ್ತಿಂಸತಿಮವಗ್ಗವಣ್ಣನಾ ಸಮತ್ತಾ.