೨. ಕಣವೇರಪುಪ್ಫಿಯತ್ಥೇರಅಪದಾನವಣ್ಣನಾ

ಸಿದ್ಧತ್ಥೋ ನಾಮ ಭಗವಾತಿಆದಿಕಂ ಆಯಸ್ಮತೋ ಕಣವೇರಪುಪ್ಫಿಯತ್ಥೇರಸ್ಸ ಅಪದಾನಂ. ಅಯಮ್ಪಿ ಪುರಿಮಬುದ್ಧೇಸು ಕತಾಧಿಕಾರೋ ಸಿದ್ಧತ್ಥಸ್ಸ ಭಗವತೋ ಕಾಲೇ ಸುದ್ದಕುಲೇ ನಿಬ್ಬತ್ತೋ ವುದ್ಧಿಮನ್ವಾಯ ರಞ್ಞೋ ಅನ್ತೇಪುರಪಾಲಕೋ ಅಹೋಸಿ. ತಸ್ಮಿಂ ಸಮಯೇ ಸಿದ್ಧತ್ಥೋ ಭಗವಾ ಭಿಕ್ಖುಸಙ್ಘಪರಿವುತೋ ರಾಜವೀಥಿಂ ಪಟಿಪಜ್ಜಿ. ಅಥ ಸೋ ಅನ್ತೇಪುರಪಾಲಕೋ ಚರಮಾನಂ ಭಗವನ್ತಂ ದಿಸ್ವಾ ಪಸನ್ನಮಾನಸೋ ಹುತ್ವಾ ಕಣವೇರಪುಪ್ಫೇನ ಭಗವನ್ತಂ ಪೂಜೇತ್ವಾ ನಮಸ್ಸಮಾನೋ ಅಟ್ಠಾಸಿ. ಸೋ ತೇನ ಪುಞ್ಞೇನ ಸುಗತಿಸಮ್ಪತ್ತಿಯೋಯೇವ ಅನುಭವಿತ್ವಾ ಇಮಸ್ಮಿಂ ಬುದ್ಧುಪ್ಪಾದೇ ಏಕಸ್ಮಿಂ ಕುಲೇ ನಿಬ್ಬತ್ತಿತ್ವಾ ವುದ್ಧಿಪ್ಪತ್ತೋ ಸತ್ಥು ಧಮ್ಮದೇಸನಂ ಸುತ್ವಾ ಪಟಿಲದ್ಧಸದ್ಧೋ ಪಬ್ಬಜಿತ್ವಾ ನಚಿರಸ್ಸೇವ ಅರಹಾ ಅಹೋಸಿ.

೭. ಸೋ ಪತ್ತಅಗ್ಗಫಲೋ ಪುಬ್ಬೇ ಕತಕುಸಲಂ ಸರಿತ್ವಾ ಸಞ್ಜಾತಸೋಮನಸ್ಸೋ ಪುಬ್ಬಚರಿತಾಪದಾನಂ ಪಕಾಸೇನ್ತೋ ಸಿದ್ಧತ್ಥೋ ನಾಮ ಭಗವಾತಿಆದಿಮಾಹ. ತಂ ಸಬ್ಬಂ ಹೇಟ್ಠಾ ವುತ್ತತ್ತಾ ಉತ್ತಾನತ್ಥಮೇವಾತಿ.

ಕಣವೇರಪುಪ್ಫಿಯತ್ಥೇರಅಪದಾನವಣ್ಣನಾ ಸಮತ್ತಾ.