೨. ಸುತ್ತಸಾಧನವಣ್ಣನಾ

೨೯೮. ಸುತ್ತಸಾಧನೇ ಪನ ನ ವತ್ತಬ್ಬನ್ತಿ ಪುಚ್ಛಾ ಸಕವಾದಿಸ್ಸ. ತತ್ಥ ನತ್ಥಿ ಚೇತೇತಿ ನತ್ಥಿ ಚ ಏತೇ ಧಮ್ಮಾತಿ ಅತ್ಥೋ. ಖನ್ಧಾದಿಭಾವೇ ಸತಿ ನತ್ಥಿತಂ ಅನಿಚ್ಛನ್ತಸ್ಸ ಆಮನ್ತಾತಿ ಪಟಿಞ್ಞಾ ಪರವಾದಿಸ್ಸ, ಅಥ ನೇಸಂ ನತ್ಥಿಭಾವಸಾಧನತ್ಥಂ ಸುತ್ತಾಹರಣಂ ಸಕವಾದಿಸ್ಸ. ದುತಿಯಪುಚ್ಛಾಪಿ ಪರವಾದಿಸ್ಸ, ಪಟಿಞ್ಞಾ ಸಕವಾದಿಸ್ಸ, ಸುತ್ತಾಹರಣಂ ಪರವಾದಿಸ್ಸ. ತಂ ಪನ ನೇಸಂ ಖನ್ಧಾದಿಭಾವಮೇವ ಸಾಧೇತಿ, ನ ಅತ್ಥಿಭಾವನ್ತಿ ಆಹಟಮ್ಪಿ ಅನಾಹಟಸದಿಸಮೇವಾತಿ.

ಅತೀತಂ ಖನ್ಧಾತಿಆದಿಕಥಾವಣ್ಣನಾ.