೧೦. ನಯಥಾಚಿತ್ತಸ್ಸ ಕಾಯಕಮ್ಮನ್ತಿಕಥಾವಣ್ಣನಾ

೫೬೬-೫೬೭. ಇದಾನಿ ನಯಥಾಚಿತ್ತಸ್ಸ ಕಾಯಕಮ್ಮನ್ತಿಕಥಾ ನಾಮ ಹೋತಿ. ತತ್ಥ ಯಸ್ಮಾ ಕೋಚಿ ಅಞ್ಞತ್ರ ಗಚ್ಛಿಸ್ಸಾಮೀತಿ ಅಞ್ಞತ್ರ ಗಚ್ಛತಿ, ತಸ್ಮಾ ನಯಥಾಚಿತ್ತಸ್ಸ ಕಾಯಕಮ್ಮಂ ಚಿತ್ತಾನುರೂಪಂ ಚಿತ್ತಾನುಗತಿಕಂ ನ ಹೋತಿ, ವಿನಾಪಿ ಚಿತ್ತೇನ ಪವತ್ತತೀತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಪುಬ್ಬಸೇಲಿಯಾನಂಯೇವ, ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ. ಸೇಸಮೇತ್ಥ ಹೇಟ್ಠಾ ವುತ್ತನಯೇನೇವ ವೇದಿತಬ್ಬನ್ತಿ.

ನಯಥಾಚಿತ್ತಸ್ಸ ಕಾಯಕಮ್ಮನ್ತಿಕಥಾವಣ್ಣನಾ.