೧೧. ತಿಕವಗ್ಗೋ

೧. ರಾಗಸುತ್ತವಣ್ಣನಾ

೧೦೭. ಏಕಾದಸಮಸ್ಸ ಪಠಮೇ ಅಸುಭಾತಿ ಅಸುಭಕಮ್ಮಟ್ಠಾನಂ. ಮೇತ್ತಾತಿ ಮೇತ್ತಾಕಮ್ಮಟ್ಠಾನಂ. ಪಞ್ಞಾತಿ ಸಹವಿಪಸ್ಸನಾ ಮಗ್ಗಪಞ್ಞಾ.

೬. ಅಸ್ಸಾದಸುತ್ತವಣ್ಣನಾ

೧೧೨. ಛಟ್ಠೇ ಅಸ್ಸಾದದಿಟ್ಠೀತಿ ಸಸ್ಸತದಿಟ್ಠಿ. ಅತ್ತಾನುದಿಟ್ಠೀತಿ ಅತ್ತಾನಂ ಅನುಗತಾ ವೀಸತಿವತ್ಥುಕಾ ಸಕ್ಕಾಯದಿಟ್ಠಿ. ಮಿಚ್ಛಾದಿಟ್ಠೀತಿ ದ್ವಾಸಟ್ಠಿವಿಧಾಪಿ ದಿಟ್ಠಿ. ಸಮ್ಮಾದಿಟ್ಠೀತಿ ಮಗ್ಗಸಮ್ಮಾದಿಟ್ಠಿ, ನತ್ಥಿ ದಿನ್ನನ್ತಿಆದಿಕಾ ವಾ ಮಿಚ್ಛಾದಿಟ್ಠಿ, ಕಮ್ಮಸ್ಸಕತಞಾಣಂ ಸಮ್ಮಾದಿಟ್ಠಿ.

೭. ಅರತಿಸುತ್ತವಣ್ಣನಾ

೧೧೩. ಸತ್ತಮೇ ಅಧಮ್ಮಚರಿಯಾತಿ ದಸ ಅಕುಸಲಕಮ್ಮಪಥಾ.

೧೦. ಉದ್ಧಚ್ಚಸುತ್ತವಣ್ಣನಾ

೧೧೬. ದಸಮೇ ಅಸಂವರೋತಿ ಅನಧಿವಾಸಕಭಾವೋ. ಸೇಸಂ ಸಬ್ಬತ್ಥ ಉತ್ತಾನಮೇವಾತಿ.

ತಿಕವಗ್ಗೋ ಏಕಾದಸಮೋ.