೧. ಪದಸೋಧನವಾರೋ
(ಕ) ಅನುಲೋಮಂ
೯೪. (ಕ) ಚಕ್ಖು ಚಕ್ಖುನ್ದ್ರಿಯನ್ತಿ?
ದಿಬ್ಬಚಕ್ಖು ಪಞ್ಞಾಚಕ್ಖು ಚಕ್ಖು, ನ ಚಕ್ಖುನ್ದ್ರಿಯಂ. ಚಕ್ಖುನ್ದ್ರಿಯಂ ಚಕ್ಖು ಚೇವ ಚಕ್ಖುನ್ದ್ರಿಯಞ್ಚ.
(ಖ) ಚಕ್ಖುನ್ದ್ರಿಯಂ ಚಕ್ಖೂತಿ? ಆಮನ್ತಾ.
(ಕ) ಸೋತಂ ಸೋತಿನ್ದ್ರಿಯನ್ತಿ?
ದಿಬ್ಬಸೋತಂ ತಣ್ಹಾಸೋತಂ ಸೋತಂ, ನ ಸೋತಿನ್ದ್ರಿಯಂ. ಸೋತಿನ್ದ್ರಿಯಂ ಸೋತಞ್ಚೇವ ಸೋತಿನ್ದ್ರಿಯಞ್ಚ.
(ಖ) ಸೋತಿನ್ದ್ರಿಯಂ ಸೋತನ್ತಿ? ಆಮನ್ತಾ.
(ಕ) ಘಾನಂ ಘಾನಿನ್ದ್ರಿಯನ್ತಿ? ಆಮನ್ತಾ.
(ಖ) ಘಾನಿನ್ದ್ರಿಯಂ ಘಾನನ್ತಿ? ಆಮನ್ತಾ.
(ಕ) ಜಿವ್ಹಾ ಜಿವ್ಹಿನ್ದ್ರಿಯನ್ತಿ? ಆಮನ್ತಾ.
(ಖ) ಜಿವ್ಹಿನ್ದ್ರಿಯಂ ಜಿವ್ಹಾತಿ? ಆಮನ್ತಾ.
(ಕ) ಕಾಯೋ ಕಾಯಿನ್ದ್ರಿಯನ್ತಿ?
ಕಾಯಿನ್ದ್ರಿಯಂ ಠಪೇತ್ವಾ ಅವಸೇಸೋ ಕಾಯೋ [ಅವಸೇಸಾ ಕಾಯೋ (ಸೀ. ಸ್ಯಾ. ಕ.)], ನ ಕಾಯಿನ್ದ್ರಿಯಂ. ಕಾಯಿನ್ದ್ರಿಯಂ ಕಾಯೋ ಚೇವ ಕಾಯಿನ್ದ್ರಿಯಞ್ಚ.
(ಖ) ಕಾಯಿನ್ದ್ರಿಯಂ ಕಾಯೋತಿ? ಆಮನ್ತಾ.
(ಕ) ಮನೋ ಮನಿನ್ದ್ರಿಯನ್ತಿ? ಆಮನ್ತಾ.
(ಖ) ಮನಿನ್ದ್ರಿಯಂ ಮನೋತಿ? ಆಮನ್ತಾ.
(ಕ) ಇತ್ಥೀ ಇತ್ಥಿನ್ದ್ರಿಯನ್ತಿ? ನೋ.
(ಖ) ಇತ್ಥಿನ್ದ್ರಿಯಂ ಇತ್ಥೀತಿ? ನೋ.
(ಕ) ಪುರಿಸೋ ಪುರಿಸಿನ್ದ್ರಿಯನ್ತಿ? ನೋ.
(ಖ) ಪುರಿಸಿನ್ದ್ರಿಯಂ ಪುರಿಸೋತಿ? ನೋ.
(ಕ) ಜೀವಿತಂ ಜೀವಿತಿನ್ದ್ರಿಯನ್ತಿ? ಆಮನ್ತಾ.
(ಖ) ಜೀವಿತಿನ್ದ್ರಿಯಂ ಜೀವಿತನ್ತಿ? ಆಮನ್ತಾ.
(ಕ) ಸುಖಂ ಸುಖಿನ್ದ್ರಿಯನ್ತಿ? ಆಮನ್ತಾ.
(ಖ) ಸುಖಿನ್ದ್ರಿಯಂ ಸುಖನ್ತಿ? ಆಮನ್ತಾ.
(ಕ) ದುಕ್ಖಂ ದುಕ್ಖಿನ್ದ್ರಿಯನ್ತಿ? ಆಮನ್ತಾ.
(ಖ) ದುಕ್ಖಿನ್ದ್ರಿಯಂ ದುಕ್ಖನ್ತಿ? ಆಮನ್ತಾ.
(ಕ) ಸೋಮನಸ್ಸಂ ಸೋಮನಸ್ಸಿನ್ದ್ರಿಯನ್ತಿ? ಆಮನ್ತಾ.
(ಖ) ಸೋಮನಸ್ಸಿನ್ದ್ರಿಯಂ ಸೋಮನಸ್ಸನ್ತಿ? ಆಮನ್ತಾ.
(ಕ) ದೋಮನಸ್ಸಂ ದೋಮನಸ್ಸಿನ್ದ್ರಿಯನ್ತಿ? ಆಮನ್ತಾ.
(ಖ) ದೋಮನಸ್ಸಿನ್ದ್ರಿಯಂ ದೋಮನಸ್ಸನ್ತಿ? ಆಮನ್ತಾ.
(ಕ) ಉಪೇಕ್ಖಾ ಉಪೇಕ್ಖಿನ್ದ್ರಿಯನ್ತಿ?
ಉಪೇಕ್ಖಿನ್ದ್ರಿಯಂ ಠಪೇತ್ವಾ ಅವಸೇಸಾ ಉಪೇಕ್ಖಾ, ನ ಉಪೇಕ್ಖಿನ್ದ್ರಿಯಂ. ಉಪೇಕ್ಖಿನ್ದ್ರಿಯಂ ಉಪೇಕ್ಖಾ ಚೇವ ಉಪೇಕ್ಖಿನ್ದ್ರಿಯಞ್ಚ.
(ಖ) ಉಪೇಕ್ಖಿನ್ದ್ರಿಯಂ ಉಪೇಕ್ಖಾತಿ? ಆಮನ್ತಾ.
(ಕ) ಸದ್ಧಾ ಸದ್ಧಿನ್ದ್ರಿಯನ್ತಿ? ಆಮನ್ತಾ.
(ಖ) ಸದ್ಧಿನ್ದ್ರಿಯಂ ಸದ್ಧಾತಿ? ಆಮನ್ತಾ.
(ಕ) ವೀರಿಯಂ ವೀರಿಯಿನ್ದ್ರಿಯನ್ತಿ? ಆಮನ್ತಾ.
(ಖ) ವೀರಿಯಿನ್ದ್ರಿಯಂ ವೀರಿಯನ್ತಿ? ಆಮನ್ತಾ.
(ಕ) ಸತಿ ಸತಿನ್ದ್ರಿಯನ್ತಿ? ಆಮನ್ತಾ.
(ಖ) ಸತಿನ್ದ್ರಿಯಂ ಸತೀತಿ? ಆಮನ್ತಾ.
(ಕ) ಸಮಾಧಿ ಸಮಾಧಿನ್ದ್ರಿಯನ್ತಿ? ಆಮನ್ತಾ.
(ಖ) ಸಮಾಧಿನ್ದ್ರಿಯಂ ಸಮಾಧೀತಿ? ಆಮನ್ತಾ.
(ಕ) ಪಞ್ಞಾ ಪಞ್ಞಿನ್ದ್ರಿಯನ್ತಿ? ಆಮನ್ತಾ.
(ಖ) ಪಞ್ಞಿನ್ದ್ರಿಯಂ ಪಞ್ಞಾತಿ? ಆಮನ್ತಾ.
(ಕ) ಅನಞ್ಞಾತಞ್ಞಸ್ಸಾಮೀತಿ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯನ್ತಿ? ಆಮನ್ತಾ.
(ಖ) ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ಅನಞ್ಞಾತಞ್ಞಸ್ಸಾಮೀತಿ? ಆಮನ್ತಾ.
(ಕ) ಅಞ್ಞಂ ಅಞ್ಞಿನ್ದ್ರಿಯನ್ತಿ? ಆಮನ್ತಾ.
(ಖ) ಅಞ್ಞಿನ್ದ್ರಿಯಂ ಅಞ್ಞನ್ತಿ? ಆಮನ್ತಾ.
(ಕ) ಅಞ್ಞಾತಾವೀ ಅಞ್ಞಾತಾವಿನ್ದ್ರಿಯನ್ತಿ? ಆಮನ್ತಾ.
(ಖ) ಅಞ್ಞಾತಾವಿನ್ದ್ರಿಯಂ ಅಞ್ಞಾತಾವೀತಿ? ಆಮನ್ತಾ.
(ಖ) ಪಚ್ಚನೀಕಂ
೯೫. (ಕ) ನ ಚಕ್ಖು ನ ಚಕ್ಖುನ್ದ್ರಿಯನ್ತಿ? ಆಮನ್ತಾ.
(ಖ) ನ ಚಕ್ಖುನ್ದ್ರಿಯಂ ನ ಚಕ್ಖೂತಿ?
ದಿಬ್ಬಚಕ್ಖು ಪಞ್ಞಾಚಕ್ಖು ನ ಚಕ್ಖುನ್ದ್ರಿಯಂ, ಚಕ್ಖು. ಚಕ್ಖುಞ್ಚ ಚಕ್ಖುನ್ದ್ರಿಯಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಕ್ಖು ನ ಚ ಚಕ್ಖುನ್ದ್ರಿಯಂ.
(ಕ) ನ ಸೋತಂ ನ ಸೋತಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಸೋತಿನ್ದ್ರಿಯಂ ನ ಸೋತನ್ತಿ?
ದಿಬ್ಬಸೋತಂ ತಣ್ಹಾಸೋತಂ ನ ಸೋತಿನ್ದ್ರಿಯಂ, ಸೋತಂ. ಸೋತಞ್ಚ ಸೋತಿನ್ದ್ರಿಯಞ್ಚ ಠಪೇತ್ವಾ ಅವಸೇಸಾ ನ ಚೇವ ಸೋತಂ ನ ಚ ಸೋತಿನ್ದ್ರಿಯಂ.
(ಕ) ನ ಘಾನಂ ನ ಘಾನಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಘಾನಿನ್ದ್ರಿಯಂ ನ ಘಾನನ್ತಿ? ಆಮನ್ತಾ.
(ಕ) ನ ಜಿವ್ಹಾ ನ ಜಿವ್ಹಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಜಿವ್ಹಿನ್ದ್ರಿಯಂ ನ ಜಿವ್ಹಾತಿ? ಆಮನ್ತಾ.
(ಕ) ನ ಕಾಯೋ ನ ಕಾಯಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಕಾಯಿನ್ದ್ರಿಯಂ ನ ಕಾಯೋತಿ?
ಕಾಯಿನ್ದ್ರಿಯಂ ಠಪೇತ್ವಾ ಅವಸೇಸೋ ನ ಕಾಯಿನ್ದ್ರಿಯಂ, ಕಾಯೋ. ಕಾಯಞ್ಚ ಕಾಯಿನ್ದ್ರಿಯಞ್ಚ ಠಪೇತ್ವಾ ಅವಸೇಸೋ ನ ಚೇವ ಕಾಯೋ ನ ಚ ಕಾಯಿನ್ದ್ರಿಯಂ.
(ಕ) ನ ಮನೋ ನ ಮನಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಮನಿನ್ದ್ರಿಯಂ ನ ಮನೋತಿ? ಆಮನ್ತಾ.
(ಕ) ನ ಇತ್ಥೀ ನ ಇತ್ಥಿನ್ದ್ರಿಯನ್ತಿ?
ಇತ್ಥಿನ್ದ್ರಿಯಂ ನ ಇತ್ಥೀ, ಇತ್ಥಿನ್ದ್ರಿಯಂ. ಇತ್ಥಿಞ್ಚ ಇತ್ಥಿನ್ದ್ರಿಯಞ್ಚ ಠಪೇತ್ವಾ ಅವಸೇಸಾ ನ ಚೇವ ಇತ್ಥೀ ನ ಚ ಇತ್ಥಿನ್ದ್ರಿಯಂ.
(ಖ) ನ ಇತ್ಥಿನ್ದ್ರಿಯಂ ನ ಇತ್ಥೀತಿ?
ಇತ್ಥೀ ನ ಇತ್ಥಿನ್ದ್ರಿಯಂ, ಇತ್ಥೀ. ಇತ್ಥಿಞ್ಚ ಇತ್ಥಿನ್ದ್ರಿಯಞ್ಚ ಠಪೇತ್ವಾ ಅವಸೇಸಾ ನ ಚೇವ ಇತ್ಥೀ ನ ಚ ಇತ್ಥಿನ್ದ್ರಿಯಂ.
(ಕ) ನ ಪುರಿಸೋ ನ ಪುರಿಸಿನ್ದ್ರಿಯನ್ತಿ?
ಪುರಿಸಿನ್ದ್ರಿಯಂ ನ ಪುರಿಸೋ, ಪುರಿಸಿನ್ದ್ರಿಯಂ. ಪುರಿಸಞ್ಚ ಪುರಿಸಿನ್ದ್ರಿಯಞ್ಚ ಠಪೇತ್ವಾ ಅವಸೇಸಾ ನ ಚೇವ ಪುರಿಸೋ ನ ಚ ಪುರಿಸಿನ್ದ್ರಿಯಂ.
(ಖ) ನ ಪುರಿಸಿನ್ದ್ರಿಯಂ ನ ಪುರಿಸೋತಿ?
ಪುರಿಸೋ ನ ಪುರಿಸಿನ್ದ್ರಿಯಂ, ಪುರಿಸೋ. ಪುರಿಸಞ್ಚ ಪುರಿಸಿನ್ದ್ರಿಯಞ್ಚ ಠಪೇತ್ವಾ ಅವಸೇಸಾ ನ ಚೇವ ಪುರಿಸೋ ನ ಚ ಪುರಿಸಿನ್ದ್ರಿಯಂ.
(ಕ) ನ ಜೀವಿತಂ ನ ಜೀವಿತಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಜೀವಿತಿನ್ದ್ರಿಯಂ ನ ಜೀವಿತನ್ತಿ? ಆಮನ್ತಾ.
(ಕ) ನ ಸುಖಂ ನ ಸುಖಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಸುಖಿನ್ದ್ರಿಯಂ ನ ಸುಖನ್ತಿ? ಆಮನ್ತಾ.
(ಕ) ನ ದುಕ್ಖಂ ನ ದುಕ್ಖಿನ್ದ್ರಿಯನ್ತಿ? ಆಮನ್ತಾ.
(ಖ) ನ ದುಕ್ಖಿನ್ದ್ರಿಯಂ ನ ದುಕ್ಖನ್ತಿ? ಆಮನ್ತಾ.
(ಕ) ನ ಸೋಮನಸ್ಸಂ ನ ಸೋಮನಸ್ಸಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಸೋಮನಸ್ಸಿನ್ದ್ರಿಯಂ ನ ಸೋಮನಸ್ಸನ್ತಿ? ಆಮನ್ತಾ.
(ಕ) ನ ದೋಮನಸ್ಸಂ ನ ದೋಮನಸ್ಸಿನ್ದ್ರಿಯನ್ತಿ? ಆಮನ್ತಾ.
(ಖ) ನ ದೋಮನಸ್ಸಿನ್ದ್ರಿಯಂ ನ ದೋಮನಸ್ಸನ್ತಿ? ಆಮನ್ತಾ.
(ಕ) ನ ಉಪೇಕ್ಖಾ ನ ಉಪೇಕ್ಖಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಉಪೇಕ್ಖಿನ್ದ್ರಿಯಂ ನ ಉಪೇಕ್ಖಾತಿ?
ಉಪೇಕ್ಖಿನ್ದ್ರಿಯಂ ಠಪೇತ್ವಾ ಅವಸೇಸಾ ನ ಉಪೇಕ್ಖಿನ್ದ್ರಿಯಂ, ಉಪೇಕ್ಖಾ. ಉಪೇಕ್ಖಞ್ಚ ಉಪೇಕ್ಖಿನ್ದ್ರಿಯಞ್ಚ ಠಪೇತ್ವಾ ಅವಸೇಸಾ ನ ಚೇವ ಉಪೇಕ್ಖಾ ನ ಚ ಉಪೇಕ್ಖಿನ್ದ್ರಿಯಂ.
(ಕ) ನ ಸದ್ಧಾ ನ ಸದ್ಧಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಸದ್ಧಿನ್ದ್ರಿಯಂ ನ ಸದ್ಧಾತಿ? ಆಮನ್ತಾ.
(ಕ) ನ ವೀರಿಯಂ ನ ವೀರಿಯಿನ್ದ್ರಿಯನ್ತಿ? ಆಮನ್ತಾ.
(ಖ) ನ ವೀರಿಯಿನ್ದ್ರಿಯಂ ನ ವೀರಿಯನ್ತಿ? ಆಮನ್ತಾ.
(ಕ) ನ ಸತಿ ನ ಸತಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಸತಿನ್ದ್ರಿಯಂ ನ ಸತೀತಿ? ಆಮನ್ತಾ.
(ಕ) ನ ಸಮಾಧಿ ನ ಸಮಾಧಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಸಮಾಧಿನ್ದ್ರಿಯಂ ನ ಸಮಾಧೀತಿ? ಆಮನ್ತಾ.
(ಕ) ನ ಪಞ್ಞಾ ನ ಪಞ್ಞಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಪಞ್ಞಿನ್ದ್ರಿಯಂ ನ ಪಞ್ಞಾತಿ? ಆಮನ್ತಾ.
(ಕ) ನ ಅನಞ್ಞಾತಞ್ಞಸ್ಸಾಮೀತಿ ನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಅನಞ್ಞಾತಞ್ಞಸ್ಸಾಮೀತಿನ್ದ್ರಿಯಂ ನ ಅನಞ್ಞಾತಞ್ಞಸ್ಸಾಮೀತಿ? ಆಮನ್ತಾ.
(ಕ) ನ ಅಞ್ಞಂ ನ ಅಞ್ಞಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಅಞ್ಞಿನ್ದ್ರಿಯಂ ನ ಅಞ್ಞನ್ತಿ? ಆಮನ್ತಾ.
(ಕ) ನ ಅಞ್ಞಾತಾವೀ ನ ಅಞ್ಞಾತಾವಿನ್ದ್ರಿಯನ್ತಿ? ಆಮನ್ತಾ.
(ಖ) ನ ಅಞ್ಞಾತಾವಿನ್ದ್ರಿಯಂ ನ ಅಞ್ಞಾತಾವೀತಿ? ಆಮನ್ತಾ.