(೩) ಅನಾಗತವಾರೋ

(ಕ) ಅನುಲೋಮಪುಗ್ಗಲೋ

೧೨೩. (ಕ) ಯಸ್ಸ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ. ಇತರೇಸಂ ತೇಸಂ ಕುಸಲಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ ಅಕುಸಲಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ.

(ಖ) ಯಸ್ಸ ವಾ ಪನ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

(ಕ) ಯಸ್ಸ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ತೇಸಂ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ. ಇತರೇಸಂ ತೇಸಂ ಅಬ್ಯಾಕತಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ ಕುಸಲಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ.

೧೨೪. (ಕ) ಯಸ್ಸ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ. ಇತರೇಸಂ ತೇಸಂ ಅಬ್ಯಾಕತಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ ಅಕುಸಲಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ.

(ಖ) ಅನುಲೋಮಓಕಾಸೋ

೧೨೫. ಯತ್ಥ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ ತತ್ಥ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತೀತಿ?…ಪೇ….

(ಗ) ಅನುಲೋಮಪುಗ್ಗಲೋಕಾಸಾ

೧೨೬. (ಕ) ಯಸ್ಸ ಯತ್ಥ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ತತ್ಥ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಕುಸಲಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ ಅಕುಸಲಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ.

(ಖ) ಯಸ್ಸ ವಾ ಪನ ಯತ್ಥ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ತತ್ಥ ಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಅಬ್ಯಾಕತಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ ಕುಸಲಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ.

೧೨೭. (ಕ) ಯಸ್ಸ ಯತ್ಥ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಅಸಞ್ಞಸತ್ತಾನಂ ತೇಸಂ ತತ್ಥ ಅಬ್ಯಾಕತಾ ಧಮ್ಮಾ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ತತ್ಥ ಅಕುಸಲಾ ಧಮ್ಮಾ ನಿರುಜ್ಝಿಸ್ಸನ್ತಿ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಅಬ್ಯಾಕತಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ ಅಕುಸಲಾ ಚ ಧಮ್ಮಾ ನಿರುಜ್ಝಿಸ್ಸನ್ತಿ.

(ಘ) ಪಚ್ಚನೀಕಪುಗ್ಗಲೋ

೧೨೮. (ಕ) ಯಸ್ಸ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ. ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ತೇಸಂ ಅಕುಸಲಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ ಕುಸಲಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ.

(ಕ) ಯಸ್ಸ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ತೇಸಂ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತಿ. ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಕುಸಲಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ.

(ಖ) ಯಸ್ಸ ವಾ ಪನ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

೧೨೯. (ಕ) ಯಸ್ಸ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತಿ. ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ಅಕುಸಲಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ.

(ಖ) ಯಸ್ಸ ವಾ ಪನ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

(ಙ) ಪಚ್ಚನೀಕಓಕಾಸೋ

೧೩೦. ಯತ್ಥ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತತ್ಥ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ?…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೧೩೧. (ಕ) ಯಸ್ಸ ಯತ್ಥ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ತತ್ಥ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ. ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಅಕುಸಲಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ ಕುಸಲಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ.

(ಕ) ಯಸ್ಸ ಯತ್ಥ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತಿ. ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಕುಸಲಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ.

(ಖ) ಯಸ್ಸ ವಾ ಪನ ಯತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ? ಆಮನ್ತಾ.

೧೩೨. (ಕ) ಯಸ್ಸ ಯತ್ಥ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ?

ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಅಸಞ್ಞಸತ್ತಾನಂ ತೇಸಂ ತತ್ಥ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತಿ, ನೋ ಚ ತೇಸಂ ತತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತಿ. ಪಚ್ಛಿಮಚಿತ್ತಸ್ಸ ಭಙ್ಗಕ್ಖಣೇ ತೇಸಂ ತತ್ಥ ಅಕುಸಲಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ ಅಬ್ಯಾಕತಾ ಚ ಧಮ್ಮಾ ನ ನಿರುಜ್ಝಿಸ್ಸನ್ತಿ.

(ಖ) ಯಸ್ಸ ವಾ ಪನ ಯತ್ಥ ಅಬ್ಯಾಕತಾ ಧಮ್ಮಾ ನ ನಿರುಜ್ಝಿಸ್ಸನ್ತಿ ತಸ್ಸ ತತ್ಥ ಅಕುಸಲಾ ಧಮ್ಮಾ ನ ನಿರುಜ್ಝಿಸ್ಸನ್ತೀತಿ? ಆಮನ್ತಾ.