(೬) ಉಪ್ಪಾದನಿರೋಧವಾರೋ

೩೦. (ಕ) ಯಂ ಚಿತ್ತಂ ಉಪ್ಪಜ್ಜತಿ ತಂ ಚಿತ್ತಂ ನಿರುಜ್ಝಿತ್ಥ?

(ಖ) ಯಂ ವಾ ಪನ ಚಿತ್ತಂ ನಿರುಜ್ಝಿತ್ಥ ತಂ ಚಿತ್ತಂ ಉಪ್ಪಜ್ಜತಿ?

(ಕ) ಯಂ ಚಿತ್ತಂ ನ ಉಪ್ಪಜ್ಜತಿ ತಂ ಚಿತ್ತಂ ನ ನಿರುಜ್ಝಿತ್ಥ?

(ಖ) ಯಂ ವಾ ಪನ ಚಿತ್ತಂ ನ ನಿರುಜ್ಝಿತ್ಥ ತಂ ಚಿತ್ತಂ ನ ಉಪ್ಪಜ್ಜತಿ?

೩೧. (ಕ) ಯಂ ಚಿತ್ತಂ ಉಪ್ಪಜ್ಜತಿ ತಂ ಚಿತ್ತಂ ನಿರುಜ್ಝಿಸ್ಸತಿ?

(ಖ) ಯಂ ವಾ ಪನ ಚಿತ್ತಂ ನಿರುಜ್ಝಿಸ್ಸತಿ ತಂ ಚಿತ್ತಂ ಉಪ್ಪಜ್ಜತಿ?

(ಕ) ಯಂ ಚಿತ್ತಂ ನ ಉಪ್ಪಜ್ಜತಿ ತಂ ಚಿತ್ತಂ ನ ನಿರುಜ್ಝಿಸ್ಸತಿ?

(ಖ) ಯಂ ವಾ ಪನ ಚಿತ್ತಂ ನ ನಿರುಜ್ಝಿಸ್ಸತಿ ತಂ ಚಿತ್ತಂ ನ ಉಪ್ಪಜ್ಜತಿ?

೩೨. (ಕ) ಯಂ ಚಿತ್ತಂ ಉಪ್ಪಜ್ಜಿತ್ಥ ತಂ ಚಿತ್ತಂ ನಿರುಜ್ಝಿಸ್ಸತಿ?

(ಖ) ಯಂ ವಾ ಪನ ಚಿತ್ತಂ ನಿರುಜ್ಝಿಸ್ಸತಿ ತಂ ಚಿತ್ತಂ ಉಪ್ಪಜ್ಜಿತ್ಥ?

(ಕ) ಯಂ ಚಿತ್ತಂ ನ ಉಪ್ಪಜ್ಜಿತ್ಥ ತಂ ಚಿತ್ತಂ ನ ನಿರುಜ್ಝಿಸ್ಸತಿ?

(ಖ) ಯಂ ವಾ ಪನ ಚಿತ್ತಂ ನ ನಿರುಜ್ಝಿಸ್ಸತಿ ತಂ ಚಿತ್ತಂ ನ ಉಪ್ಪಜ್ಜಿತ್ಥ?