೬. ಉಪ್ಪಜ್ಜನವಾರೋ

೩೩೦. (ಕ) ಯಸ್ಸ ಕಾಮರಾಗಾನುಸಯೋ ಉಪ್ಪಜ್ಜತಿ ತಸ್ಸ ಪಟಿಘಾನುಸಯೋ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಪಟಿಘಾನುಸಯೋ ಉಪ್ಪಜ್ಜತಿ ತಸ್ಸ ಕಾಮರಾಗಾನುಸಯೋ ಉಪ್ಪಜ್ಜತೀತಿ? ಆಮನ್ತಾ.

(ಕ) ಯಸ್ಸ ಕಾಮರಾಗಾನುಸಯೋ ಉಪ್ಪಜ್ಜತಿ ತಸ್ಸ ಮಾನಾನುಸಯೋ ಉಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಮಾನಾನುಸಯೋ ಉಪ್ಪಜ್ಜತಿ ತಸ್ಸ ಕಾಮರಾಗಾನುಸಯೋ ಉಪ್ಪಜ್ಜತೀತಿ?

ಅನಾಗಾಮಿಸ್ಸ ಮಾನಾನುಸಯೋ ಉಪ್ಪಜ್ಜತಿ, ನೋ ಚ ತಸ್ಸ ಕಾಮರಾಗಾನುಸಯೋ ಉಪ್ಪಜ್ಜತಿ. ತಿಣ್ಣಂ ಪುಗ್ಗಲಾನಂ ಮಾನಾನುಸಯೋ ಚ ಉಪ್ಪಜ್ಜತಿ ಕಾಮರಾಗಾನುಸಯೋ ಚ ಉಪ್ಪಜ್ಜತಿ (ವಿತ್ಥಾರೇತಬ್ಬಂ).

೩೩೧. (ಕ) ಯಸ್ಸ ಕಾಮರಾಗಾನುಸಯೋ ನುಪ್ಪಜ್ಜತಿ ತಸ್ಸ ಪಟಿಘಾನುಸಯೋ ನುಪ್ಪಜ್ಜತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಪಟಿಘಾನುಸಯೋ ನುಪ್ಪಜ್ಜತಿ ತಸ್ಸ ಕಾಮರಾಗಾನುಸಯೋ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯಸ್ಸ ಕಾಮರಾಗಾನುಸಯೋ ನುಪ್ಪಜ್ಜತಿ ತಸ್ಸ ಮಾನಾನುಸಯೋ ನುಪ್ಪಜ್ಜತೀತಿ?

ಅನಾಗಾಮಿಸ್ಸ ಕಾಮರಾಗಾನುಸಯೋ ನುಪ್ಪಜ್ಜತಿ, ನೋ ಚ ತಸ್ಸ ಮಾನಾನುಸಯೋ ನುಪ್ಪಜ್ಜತಿ. ಅರಹತೋ ಕಾಮರಾಗಾನುಸಯೋ ಚ ನುಪ್ಪಜ್ಜತಿ ಮಾನಾನುಸಯೋ ಚ ನುಪ್ಪಜ್ಜತಿ.

(ಖ) ಯಸ್ಸ ವಾ ಪನ ಮಾನಾನುಸಯೋ ನುಪ್ಪಜ್ಜತಿ ತಸ್ಸ ಕಾಮರಾಗಾನುಸಯೋ ನುಪ್ಪಜ್ಜತೀತಿ? ಆಮನ್ತಾ. (ವಿತ್ಥಾರೇತಬ್ಬಂ).

ಉಪ್ಪಜ್ಜನವಾರೋ.