೩. ಸುದ್ಧಸಙ್ಖಾರವಾರೋ

(ಕ) ಅನುಲೋಮಂ

೧೬. (ಕ) ಕಾಯಸಙ್ಖಾರೋ ವಚೀಸಙ್ಖಾರೋತಿ? ನೋ.

(ಖ) ವಚೀಸಙ್ಖಾರೋ ಕಾಯಸಙ್ಖಾರೋತಿ? ನೋ.

(ಕ) ಕಾಯಸಙ್ಖಾರೋ ಚಿತ್ತಸಙ್ಖಾರೋತಿ? ನೋ.

(ಖ) ಚಿತ್ತಸಙ್ಖಾರೋ ಕಾಯಸಙ್ಖಾರೋತಿ? ನೋ.

(ಕ) ವಚೀಸಙ್ಖಾರೋ ಚಿತ್ತಸಙ್ಖಾರೋತಿ? ನೋ.

(ಖ) ಚಿತ್ತಸಙ್ಖಾರೋ ವಚೀಸಙ್ಖಾರೋತಿ? ನೋ.

(ಖ) ಪಚ್ಚನೀಕಂ

೧೭. (ಕ) ನ ಕಾಯಸಙ್ಖಾರೋ ನ ವಚೀಸಙ್ಖಾರೋತಿ?

ವಚೀಸಙ್ಖಾರೋ ನ ಕಾಯಸಙ್ಖಾರೋ, ವಚೀಸಙ್ಖಾರೋ. ಕಾಯಸಙ್ಖಾರಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯಸಙ್ಖಾರೋ ನ ಚ ವಚೀಸಙ್ಖಾರೋ.

(ಖ) ನ ವಚೀಸಙ್ಖಾರೋ ನ ಕಾಯಸಙ್ಖಾರೋತಿ?

ಕಾಯಸಙ್ಖಾರೋ ನ ವಚೀಸಙ್ಖಾರೋ, ಕಾಯಸಙ್ಖಾರೋ. ವಚೀಸಙ್ಖಾರಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀಸಙ್ಖಾರೋ ನ ಚ ಕಾಯಸಙ್ಖಾರೋ.

(ಕ) ನ ಕಾಯಸಙ್ಖಾರೋ ನ ಚಿತ್ತಸಙ್ಖಾರೋತಿ?

ಚಿತ್ತಸಙ್ಖಾರೋ ನ ಕಾಯಸಙ್ಖಾರೋ, ಚಿತ್ತಸಙ್ಖಾರೋ. ಕಾಯಸಙ್ಖಾರಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯಸಙ್ಖಾರೋ ನ ಚ ಚಿತ್ತಸಙ್ಖಾರೋ.

(ಖ) ನ ಚಿತ್ತಸಙ್ಖಾರೋ ನ ಕಾಯಸಙ್ಖಾರೋತಿ?

ಕಾಯಸಙ್ಖಾರೋ ನ ಚಿತ್ತಸಙ್ಖಾರೋ, ಕಾಯಸಙ್ಖಾರೋ. ಚಿತ್ತಸಙ್ಖಾರಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಸಙ್ಖಾರೋ ನ ಚ ಕಾಯಸಙ್ಖಾರೋ.

೧೮. (ಕ) ನ ವಚೀಸಙ್ಖಾರೋ ನ ಚಿತ್ತಸಙ್ಖಾರೋತಿ?

ಚಿತ್ತಸಙ್ಖಾರೋ ನ ವಚೀಸಙ್ಖಾರೋ, ಚಿತ್ತಸಙ್ಖಾರೋ. ವಚೀಸಙ್ಖಾರಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀಸಙ್ಖಾರೋ ನ ಚ ಚಿತ್ತಸಙ್ಖಾರೋ.

(ಖ) ನ ಚಿತ್ತಸಙ್ಖಾರೋ ನ ವಚೀಸಙ್ಖಾರೋತಿ?

ವಚೀಸಙ್ಖಾರೋ ನ ಚಿತ್ತಸಙ್ಖಾರೋ, ವಚೀಸಙ್ಖಾರೋ. ಚಿತ್ತಸಙ್ಖಾರಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಸಙ್ಖಾರೋ ನ ಚ ವಚೀಸಙ್ಖಾರೋ.

ಪಣ್ಣತ್ತಿನಿದ್ದೇಸವಾರೋ.