೧. ಪದಸೋಧನವಾರೋ

(ಕ) ಅನುಲೋಮಂ

೮. (ಕ) ಕಾಯೋ ಕಾಯಸಙ್ಖಾರೋತಿ? ನೋ.

(ಖ) ಕಾಯಸಙ್ಖಾರೋ ಕಾಯೋತಿ? ನೋ.

(ಕ) ವಚೀ ವಚೀಸಙ್ಖಾರೋತಿ? ನೋ.

(ಖ) ವಚೀಸಙ್ಖಾರೋ ವಚೀತಿ? ನೋ.

(ಕ) ಚಿತ್ತಂ ಚಿತ್ತಸಙ್ಖಾರೋತಿ? ನೋ.

(ಖ) ಚಿತ್ತಸಙ್ಖಾರೋ ಚಿತ್ತನ್ತಿ? ನೋ.

(ಖ) ಪಚ್ಚನೀಕಂ

೯. (ಕ) ನ ಕಾಯೋ ನ ಕಾಯಸಙ್ಖಾರೋತಿ?

ಕಾಯಸಙ್ಖಾರೋ ನ ಕಾಯೋ, ಕಾಯಸಙ್ಖಾರೋ. ಕಾಯಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯೋ ನ ಚ ಕಾಯಸಙ್ಖಾರೋ.

(ಖ) ನ ಕಾಯಸಙ್ಖಾರೋ ನ ಕಾಯೋತಿ?

ಕಾಯೋ ನ ಕಾಯಸಙ್ಖಾರೋ, ಕಾಯೋ. ಕಾಯಞ್ಚ ಕಾಯಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಕಾಯೋ ನ ಚ ಕಾಯಸಙ್ಖಾರೋ.

(ಕ) ನ ವಚೀ ನ ವಚೀಸಙ್ಖಾರೋತಿ?

ವಚೀಸಙ್ಖಾರೋ ನ ವಚೀ, ವಚೀಸಙ್ಖಾರೋ. ವಚಿಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀ ನ ಚ ವಚೀಸಙ್ಖಾರೋ.

(ಖ) ನ ವಚೀಸಙ್ಖಾರೋ ನ ವಚೀತಿ?

ವಚೀ ನ ವಚೀಸಙ್ಖಾರೋ, ವಚೀ. ವಚಿಞ್ಚ ವಚೀಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ವಚೀ ನ ಚ ವಚೀಸಙ್ಖಾರೋ.

(ಕ) ನ ಚಿತ್ತಂ ನ ಚಿತ್ತಸಙ್ಖಾರೋತಿ?

ಚಿತ್ತಸಙ್ಖಾರೋ ನ ಚಿತ್ತಂ, ಚಿತ್ತಸಙ್ಖಾರೋ. ಚಿತ್ತಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಂ ನ ಚ ಚಿತ್ತಸಙ್ಖಾರೋ.

(ಖ) ನ ಚಿತ್ತಸಙ್ಖಾರೋ ನ ಚಿತ್ತನ್ತಿ?

ಚಿತ್ತಂ ನ ಚಿತ್ತಸಙ್ಖಾರೋ, ಚಿತ್ತಂ. ಚಿತ್ತಞ್ಚ ಚಿತ್ತಸಙ್ಖಾರಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಿತ್ತಂ ನ ಚ ಚಿತ್ತಸಙ್ಖಾರೋ.