(೧) ಪಚ್ಚುಪ್ಪನ್ನವಾರೋ

(ಕ) ಅನುಲೋಮಪುಗ್ಗಲೋ

೧೩೬. (ಕ) ಯಸ್ಸ ದುಕ್ಖಸಚ್ಚಂ ಉಪ್ಪಜ್ಜತಿ ತಸ್ಸ ಸಮುದಯಸಚ್ಚಂ ನಿರುಜ್ಝತೀತಿ? ನೋ.

(ಖ) ಯಸ್ಸ ವಾ ಪನ ಸಮುದಯಸಚ್ಚಂ ನಿರುಜ್ಝತಿ ತಸ್ಸ ದುಕ್ಖಸಚ್ಚಂ ಉಪ್ಪಜ್ಜತೀತಿ? ನೋ.

(ಕ) ಯಸ್ಸ ದುಕ್ಖಸಚ್ಚಂ ಉಪ್ಪಜ್ಜತಿ ತಸ್ಸ ಮಗ್ಗಸಚ್ಚಂ ನಿರುಜ್ಝತೀತಿ? ನೋ.

(ಖ) ಯಸ್ಸ ವಾ ಪನ ಮಗ್ಗಸಚ್ಚಂ ನಿರುಜ್ಝತಿ ತಸ್ಸ ದುಕ್ಖಸಚ್ಚಂ ಉಪ್ಪಜ್ಜತೀತಿ? ನೋ.

೧೩೭. (ಕ) ಯಸ್ಸ ಸಮುದಯಸಚ್ಚಂ ಉಪ್ಪಜ್ಜತಿ ತಸ್ಸ ಮಗ್ಗಸಚ್ಚಂ ನಿರುಜ್ಝತೀತಿ? ನೋ.

(ಖ) ಯಸ್ಸ ವಾ ಪನ ಮಗ್ಗಸಚ್ಚಂ ನಿರುಜ್ಝತಿ ತಸ್ಸ ಸಮುದಯಸಚ್ಚಂ ಉಪ್ಪಜ್ಜತೀತಿ? ನೋ.

(ಖ) ಅನುಲೋಮಓಕಾಸೋ

೧೩೮. ಯತ್ಥ ದುಕ್ಖಸಚ್ಚಂ ಉಪ್ಪಜ್ಜತಿ ತತ್ಥ ಸಮುದಯಸಚ್ಚಂ ನಿರುಜ್ಝತೀತಿ?

ಅಸಞ್ಞಸತ್ತೇ ತತ್ಥ ದುಕ್ಖಸಚ್ಚಂ ಉಪ್ಪಜ್ಜತಿ, ನೋ ಚ ತತ್ಥ ಸಮುದಯಸಚ್ಚಂ ನಿರುಜ್ಝತಿ…ಪೇ….

(ಯತ್ಥಕಂ ಉಪ್ಪಾದವಾರೇಪಿ ನಿರೋಧವಾರೇಪಿ ಉಪ್ಪಾದನಿರೋಧವಾರೇಪಿ ಸದಿಸಂ ನತ್ಥಿ ನಾನಾಕರಣಂ).

(ಗ) ಅನುಲೋಮಪುಗ್ಗಲೋಕಾಸಾ

೧೩೯. ಯಸ್ಸ ಯತ್ಥ ದುಕ್ಖಸಚ್ಚಂ ಉಪ್ಪಜ್ಜತಿ ತಸ್ಸ ತತ್ಥ ಸಮುದಯಸಚ್ಚಂ ನಿರುಜ್ಝತೀತಿ? ನೋ.

(ಯಸ್ಸಕಮ್ಪಿ ಯಸ್ಸಯತ್ಥಕಮ್ಪಿ ಸದಿಸಂ).

(ಘ) ಪಚ್ಚನೀಕಪುಗ್ಗಲೋ

೧೪೦. (ಕ) ಯಸ್ಸ ದುಕ್ಖಸಚ್ಚಂ ನುಪ್ಪಜ್ಜತಿ ತಸ್ಸ ಸಮುದಯಸಚ್ಚಂ ನ ನಿರುಜ್ಝತೀತಿ?

ತಣ್ಹಾಯ ಭಙ್ಗಕ್ಖಣೇ ತೇಸಂ ದುಕ್ಖಸಚ್ಚಂ ನುಪ್ಪಜ್ಜತಿ, ನೋ ಚ ತೇಸಂ ಸಮುದಯಸಚ್ಚಂ ನ ನಿರುಜ್ಝತಿ. ಸಬ್ಬೇಸಂ ಚವನ್ತಾನಂ ಪವತ್ತೇ ತಣ್ಹಾವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ಅರೂಪೇ ಮಗ್ಗಸ್ಸ ಚ ಫಲಸ್ಸ ಚ ಉಪ್ಪಾದಕ್ಖಣೇ ತೇಸಂ ದುಕ್ಖಸಚ್ಚಞ್ಚ ನುಪ್ಪಜ್ಜತಿ ಸಮುದಯಸಚ್ಚಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಸಮುದಯಸಚ್ಚಂ ನ ನಿರುಜ್ಝತಿ ತಸ್ಸ ದುಕ್ಖಸಚ್ಚಂ ನುಪ್ಪಜ್ಜತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ಸಮುದಯಸಚ್ಚಂ ನ ನಿರುಜ್ಝತಿ, ನೋ ಚ ತೇಸಂ ದುಕ್ಖಸಚ್ಚಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಪವತ್ತೇ ತಣ್ಹಾವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ಅರೂಪೇ ಮಗ್ಗಸ್ಸ ಚ ಫಲಸ್ಸ ಚ ಉಪ್ಪಾದಕ್ಖಣೇ ತೇಸಂ ಸಮುದಯಸಚ್ಚಞ್ಚ ನ ನಿರುಜ್ಝತಿ ದುಕ್ಖಸಚ್ಚಞ್ಚ ನುಪ್ಪಜ್ಜತಿ.

(ಕ) ಯಸ್ಸ ದುಕ್ಖಸಚ್ಚಂ ನುಪ್ಪಜ್ಜತಿ ತಸ್ಸ ಮಗ್ಗಸಚ್ಚಂ ನ ನಿರುಜ್ಝತೀತಿ?

ಮಗ್ಗಸ್ಸ ಭಙ್ಗಕ್ಖಣೇ ತೇಸಂ ದುಕ್ಖಸಚ್ಚಂ ನುಪ್ಪಜ್ಜತಿ, ನೋ ಚ ತೇಸಂ ಮಗ್ಗಸಚ್ಚಂ ನ ನಿರುಜ್ಝತಿ. ಸಬ್ಬೇಸಂ ಚವನ್ತಾನಂ ಪವತ್ತೇ ಮಗ್ಗವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ಅರೂಪೇ ಮಗ್ಗಸ್ಸ ಚ ಫಲಸ್ಸ ಚ ಉಪ್ಪಾದಕ್ಖಣೇ ತೇಸಂ ದುಕ್ಖಸಚ್ಚಞ್ಚ ನುಪ್ಪಜ್ಜತಿ ಮಗ್ಗಸಚ್ಚಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಮಗ್ಗಸಚ್ಚಂ ನ ನಿರುಜ್ಝತಿ ತಸ್ಸ ದುಕ್ಖಸಚ್ಚಂ ನುಪ್ಪಜ್ಜತೀತಿ?

ಸಬ್ಬೇಸಂ ಉಪಪಜ್ಜನ್ತಾನಂ ಪವತ್ತೇ ಚಿತ್ತಸ್ಸ ಉಪ್ಪಾದಕ್ಖಣೇ ತೇಸಂ ಮಗ್ಗಸಚ್ಚಂ ನ ನಿರುಜ್ಝತಿ, ನೋ ಚ ತೇಸಂ ದುಕ್ಖಸಚ್ಚಂ ನುಪ್ಪಜ್ಜತಿ. ಸಬ್ಬೇಸಂ ಚವನ್ತಾನಂ ಪವತ್ತೇ ಮಗ್ಗವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ಅರೂಪೇ ಮಗ್ಗಸ್ಸ ಚ ಫಲಸ್ಸ ಚ ಉಪ್ಪಾದಕ್ಖಣೇ ತೇಸಂ ಮಗ್ಗಸಚ್ಚಞ್ಚ ನ ನಿರುಜ್ಝತಿ ದುಕ್ಖಸಚ್ಚಞ್ಚ ನುಪ್ಪಜ್ಜತಿ.

೧೪೧. (ಕ) ಯಸ್ಸ ಸಮುದಯಸಚ್ಚಂ ನುಪ್ಪಜ್ಜತಿ ತಸ್ಸ ಮಗ್ಗಸಚ್ಚಂ ನ ನಿರುಜ್ಝತೀತಿ?

ಮಗ್ಗಸ್ಸ ಭಙ್ಗಕ್ಖಣೇ ತೇಸಂ ಸಮುದಯಸಚ್ಚಂ ನುಪ್ಪಜ್ಜತಿ, ನೋ ಚ ತೇಸಂ ಮಗ್ಗಸಚ್ಚಂ ನ ನಿರುಜ್ಝತಿ. ತಣ್ಹಾವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ಮಗ್ಗವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಸಮುದಯಸಚ್ಚಞ್ಚ ನುಪ್ಪಜ್ಜತಿ ಮಗ್ಗಸಚ್ಚಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಮಗ್ಗಸಚ್ಚಂ ನ ನಿರುಜ್ಝತಿ ತಸ್ಸ ಸಮುದಯಸಚ್ಚಂ ನುಪ್ಪಜ್ಜತೀತಿ?

ತಣ್ಹಾಯ ಉಪ್ಪಾದಕ್ಖಣೇ ತೇಸಂ ಮಗ್ಗಸಚ್ಚಂ ನ ನಿರುಜ್ಝತಿ, ನೋ ಚ ತೇಸಂ ಸಮುದಯಸಚ್ಚಂ ನುಪ್ಪಜ್ಜತಿ. ಮಗ್ಗವಿಪ್ಪಯುತ್ತಚಿತ್ತಸ್ಸ ಭಙ್ಗಕ್ಖಣೇ ತಣ್ಹಾವಿಪ್ಪಯುತ್ತಚಿತ್ತಸ್ಸ ಉಪ್ಪಾದಕ್ಖಣೇ ನಿರೋಧಸಮಾಪನ್ನಾನಂ ಅಸಞ್ಞಸತ್ತಾನಂ ತೇಸಂ ಮಗ್ಗಸಚ್ಚಞ್ಚ ನ ನಿರುಜ್ಝತಿ ಸಮುದಯಸಚ್ಚಞ್ಚ ನುಪ್ಪಜ್ಜತಿ.

(ಙ) ಪಚ್ಚನೀಕಓಕಾಸೋ

೧೪೨. ಯತ್ಥ ದುಕ್ಖಸಚ್ಚಂ ನುಪ್ಪಜ್ಜತಿ…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೧೪೩. ಯಸ್ಸ ಯತ್ಥ ದುಕ್ಖಸಚ್ಚಂ ನುಪ್ಪಜ್ಜತಿ…ಪೇ….

(ಯಸ್ಸಕಮ್ಪಿ ಯಸ್ಸಯತ್ಥಕಮ್ಪಿ ಸದಿಸಂ, ಯಸ್ಸಯತ್ಥಕೇಪಿ ನಿರೋಧಸಮಾಪನ್ನಾನನ್ತಿ ನ ಕಾತಬ್ಬಂ).