(೬) ಅತೀತಾನಾಗತವಾರೋ
(ಕ) ಅನುಲೋಮಪುಗ್ಗಲೋ
೧೨೬. (ಕ) ಯಸ್ಸ ದುಕ್ಖಸಚ್ಚಂ ನಿರುಜ್ಝಿತ್ಥ ತಸ್ಸ ಸಮುದಯಸಚ್ಚಂ ನಿರುಜ್ಝಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ದುಕ್ಖಸಚ್ಚಂ ನಿರುಜ್ಝಿತ್ಥ, ನೋ ಚ ತೇಸಂ ಸಮುದಯಸಚ್ಚಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ದುಕ್ಖಸಚ್ಚಞ್ಚ ನಿರುಜ್ಝಿತ್ಥ ಸಮುದಯಸಚ್ಚಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ…ಪೇ…? ಆಮನ್ತಾ.
(ಕ) ಯಸ್ಸ ದುಕ್ಖಸಚ್ಚಂ ನಿರುಜ್ಝಿತ್ಥ ತಸ್ಸ ಮಗ್ಗಸಚ್ಚಂ ನಿರುಜ್ಝಿಸ್ಸತೀತಿ?
ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇಸಂ ದುಕ್ಖಸಚ್ಚಂ ನಿರುಜ್ಝಿತ್ಥ, ನೋ ಚ ತೇಸಂ ಮಗ್ಗಸಚ್ಚಂ ನಿರುಜ್ಝಿಸ್ಸತಿ. ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಯೇ ಚಞ್ಞೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ದುಕ್ಖಸಚ್ಚಞ್ಚ ನಿರುಜ್ಝಿತ್ಥ ಮಗ್ಗಸಚ್ಚಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ…ಪೇ…? ಆಮನ್ತಾ.
೧೨೭. (ಕ) ಯಸ್ಸ ಸಮುದಯಸಚ್ಚಂ ನಿರುಜ್ಝಿತ್ಥ ತಸ್ಸ ಮಗ್ಗಸಚ್ಚಂ ನಿರುಜ್ಝಿಸ್ಸತೀತಿ?
ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇಸಂ ಸಮುದಯಸಚ್ಚಂ ನಿರುಜ್ಝಿತ್ಥ, ನೋ ಚ ತೇಸಂ ಮಗ್ಗಸಚ್ಚಂ ನಿರುಜ್ಝಿಸ್ಸತಿ. ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಯೇ ಚಞ್ಞೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಸಮುದಯಸಚ್ಚಞ್ಚ ನಿರುಜ್ಝಿತ್ಥ ಮಗ್ಗಸಚ್ಚಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ…ಪೇ…? ಆಮನ್ತಾ.
(ಖ) ಅನುಲೋಮಓಕಾಸೋ
೧೨೮. ಯತ್ಥ ದುಕ್ಖಸಚ್ಚಂ ನಿರುಜ್ಝಿತ್ಥ…ಪೇ….
(ಗ) ಅನುಲೋಮಪುಗ್ಗಲೋಕಾಸಾ
೧೨೯. (ಕ) ಯಸ್ಸ ಯತ್ಥ ದುಕ್ಖಸಚ್ಚಂ ನಿರುಜ್ಝಿತ್ಥ ತಸ್ಸ ತತ್ಥ ಸಮುದಯಸಚ್ಚಂ ನಿರುಜ್ಝಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಅಸಞ್ಞಸತ್ತಾನಂ ತೇಸಂ ತತ್ಥ ದುಕ್ಖಸಚ್ಚಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಸಮುದಯಸಚ್ಚಂ ನಿರುಜ್ಝಿಸ್ಸತಿ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ದುಕ್ಖಸಚ್ಚಞ್ಚ ನಿರುಜ್ಝಿತ್ಥ ಸಮುದಯಸಚ್ಚಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಸಮುದಯಸಚ್ಚಂ ನಿರುಜ್ಝಿಸ್ಸತಿ ತಸ್ಸ ತತ್ಥ ದುಕ್ಖಸಚ್ಚಂ ನಿರುಜ್ಝಿತ್ಥಾತಿ?
ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಸಮುದಯಸಚ್ಚಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ದುಕ್ಖಸಚ್ಚಂ ನಿರುಜ್ಝಿತ್ಥ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಸಮುದಯಸಚ್ಚಞ್ಚ ನಿರುಜ್ಝಿಸ್ಸತಿ ದುಕ್ಖಸಚ್ಚಞ್ಚ ನಿರುಜ್ಝಿತ್ಥ.
(ಕ) ಯಸ್ಸ ಯತ್ಥ ದುಕ್ಖಸಚ್ಚಂ ನಿರುಜ್ಝಿತ್ಥ ತಸ್ಸ ತತ್ಥ ಮಗ್ಗಸಚ್ಚಂ ನಿರುಜ್ಝಿಸ್ಸತೀತಿ?
ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ಆಪಾಯಿಕಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ದುಕ್ಖಸಚ್ಚಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮಗ್ಗಸಚ್ಚಂ ನಿರುಜ್ಝಿಸ್ಸತಿ. ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಯೇ ಚಞ್ಞೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ದುಕ್ಖಸಚ್ಚಞ್ಚ ನಿರುಜ್ಝಿತ್ಥ ಮಗ್ಗಸಚ್ಚಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮಗ್ಗಸಚ್ಚಂ ನಿರುಜ್ಝಿಸ್ಸತಿ ತಸ್ಸ ತತ್ಥ ದುಕ್ಖಸಚ್ಚಂ ನಿರುಜ್ಝಿತ್ಥಾತಿ?
ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಮಗ್ಗಸಚ್ಚಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ದುಕ್ಖಸಚ್ಚಂ ನಿರುಜ್ಝಿತ್ಥ. ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಯೇ ಚಞ್ಞೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ಮಗ್ಗಸಚ್ಚಞ್ಚ ನಿರುಜ್ಝಿಸ್ಸತಿ ದುಕ್ಖಸಚ್ಚಞ್ಚ ನಿರುಜ್ಝಿತ್ಥ.
೧೩೦. (ಕ) ಯಸ್ಸ ಯತ್ಥ ಸಮುದಯಸಚ್ಚಂ ನಿರುಜ್ಝಿತ್ಥ ತಸ್ಸ ತತ್ಥ ಮಗ್ಗಸಚ್ಚಂ ನಿರುಜ್ಝಿಸ್ಸತೀತಿ?
ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ಆಪಾಯಿಕಾನಂ ತೇಸಂ ತತ್ಥ ಸಮುದಯಸಚ್ಚಂ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮಗ್ಗಸಚ್ಚಂ ನಿರುಜ್ಝಿಸ್ಸತಿ. ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಯೇ ಚಞ್ಞೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ಸಮುದಯಸಚ್ಚಞ್ಚ ನಿರುಜ್ಝಿತ್ಥ ಮಗ್ಗಸಚ್ಚಞ್ಚ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮಗ್ಗಸಚ್ಚಂ ನಿರುಜ್ಝಿಸ್ಸತಿ ತಸ್ಸ ತತ್ಥ ಸಮುದಯಸಚ್ಚಂ ನಿರುಜ್ಝಿತ್ಥಾತಿ.
ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ತೇಸಂ ತತ್ಥ ಮಗ್ಗಸಚ್ಚಂ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಸಮುದಯಸಚ್ಚಂ ನಿರುಜ್ಝಿತ್ಥ. ಅಗ್ಗಮಗ್ಗಸ್ಸ ಉಪ್ಪಾದಕ್ಖಣೇ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಯೇ ಚಞ್ಞೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ಮಗ್ಗಸಚ್ಚಞ್ಚ ನಿರುಜ್ಝಿಸ್ಸತಿ ಸಮುದಯಸಚ್ಚಞ್ಚ ನಿರುಜ್ಝಿತ್ಥ.
(ಘ) ಪಚ್ಚನೀಕಪುಗ್ಗಲೋ
೧೩೧. (ಕ) ಯಸ್ಸ ದುಕ್ಖಸಚ್ಚಂ ನ ನಿರುಜ್ಝಿತ್ಥ ತಸ್ಸ ಸಮುದಯಸಚ್ಚಂ ನ ನಿರುಜ್ಝಿಸ್ಸತೀತಿ? ನತ್ಥಿ.
(ಖ) ಯಸ್ಸ ವಾ ಪನ ಸಮುದಯಸಚ್ಚಂ ನ ನಿರುಜ್ಝಿಸ್ಸತಿ ತಸ್ಸ ದುಕ್ಖಸಚ್ಚಂ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.
(ಕ) ಯಸ್ಸ ದುಕ್ಖಸಚ್ಚಂ ನ ನಿರುಜ್ಝಿತ್ಥ ತಸ್ಸ ಮಗ್ಗಸಚ್ಚಂ ನ ನಿರುಜ್ಝಿಸ್ಸತೀತಿ? ನತ್ಥಿ.
(ಖ) ಯಸ್ಸ ವಾ ಪನ ಮಗ್ಗಸಚ್ಚಂ ನ ನಿರುಜ್ಝಿಸ್ಸತಿ ತಸ್ಸ ದುಕ್ಖಸಚ್ಚಂ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.
೧೩೨. (ಕ) ಯಸ್ಸ ಸಮುದಯಸಚ್ಚಂ ನ ನಿರುಜ್ಝಿತ್ಥ ತಸ್ಸ ಮಗ್ಗಸಚ್ಚಂ ನ ನಿರುಜ್ಝಿಸ್ಸತೀತಿ? ನತ್ಥಿ.
(ಖ) ಯಸ್ಸ ವಾ ಪನ ಮಗ್ಗಸಚ್ಚಂ ನ ನಿರುಜ್ಝಿಸ್ಸತಿ ತಸ್ಸ ಸಮುದಯಸಚ್ಚಂ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.
(ಙ) ಪಚ್ಚನೀಕಓಕಾಸೋ
೧೩೩. ಯತ್ಥ ದುಕ್ಖಸಚ್ಚಂ ನ ನಿರುಜ್ಝಿತ್ಥ…ಪೇ….
(ಚ) ಪಚ್ಚನೀಕಪುಗ್ಗಲೋಕಾಸಾ
೧೩೪. (ಕ) ಯಸ್ಸ ಯತ್ಥ ದುಕ್ಖಸಚ್ಚಂ ನ ನಿರುಜ್ಝಿತ್ಥ ತಸ್ಸ ತತ್ಥ ಸಮುದಯಸಚ್ಚಂ ನ ನಿರುಜ್ಝಿಸ್ಸತೀತಿ? ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಸಮುದಯಸಚ್ಚಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ದುಕ್ಖಸಚ್ಚಂ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.
(ಕ) ಯಸ್ಸ ಯತ್ಥ ದುಕ್ಖಸಚ್ಚಂ ನ ನಿರುಜ್ಝಿತ್ಥ ತಸ್ಸ ತತ್ಥ ಮಗ್ಗಸಚ್ಚಂ ನ ನಿರುಜ್ಝಿಸ್ಸತೀತಿ? ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮಗ್ಗಸಚ್ಚಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ದುಕ್ಖಸಚ್ಚಂ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.
೧೩೫. (ಕ) ಯಸ್ಸ ಯತ್ಥ ಸಮುದಯಸಚ್ಚಂ ನ ನಿರುಜ್ಝಿತ್ಥ ತಸ್ಸ ತತ್ಥ ಮಗ್ಗಸಚ್ಚಂ ನ ನಿರುಜ್ಝಿಸ್ಸತೀತಿ?
ಸುದ್ಧಾವಾಸಾನಂ ದುತಿಯೇ ಚಿತ್ತೇ ವತ್ತಮಾನೇ ತೇಸಂ ತತ್ಥ ಸಮುದಯಸಚ್ಚಂ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಮಗ್ಗಸಚ್ಚಂ ನ ನಿರುಜ್ಝಿಸ್ಸತಿ. ಅಸಞ್ಞಸತ್ತಾನಂ ತೇಸಂ ತತ್ಥ ಸಮುದಯಸಚ್ಚಞ್ಚ ನ ನಿರುಜ್ಝಿತ್ಥ ಮಗ್ಗಸಚ್ಚಞ್ಚ ನ ನಿರುಜ್ಝಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮಗ್ಗಸಚ್ಚಂ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ಸಮುದಯಸಚ್ಚಂ ನ ನಿರುಜ್ಝಿತ್ಥಾತಿ?
ಅಗ್ಗಮಗ್ಗಸ್ಸ ಭಙ್ಗಕ್ಖಣೇ ಅರಹನ್ತಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ಆಪಾಯಿಕಾನಂ ತೇಸಂ ತತ್ಥ ಮಗ್ಗಸಚ್ಚಂ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ಸಮುದಯಸಚ್ಚಂ ನ ನಿರುಜ್ಝಿತ್ಥ. ಅಸಞ್ಞಸತ್ತಾನಂ ತೇಸಂ ತತ್ಥ ಮಗ್ಗಸಚ್ಚಞ್ಚ ನ ನಿರುಜ್ಝಿಸ್ಸತಿ ಸಮುದಯಸಚ್ಚಞ್ಚ ನ ನಿರುಜ್ಝಿತ್ಥ.
ನಿರೋಧವಾರೋ.