(೩) ಅನಾಗತವಾರೋ
(ಕ) ಅನುಲೋಮಪುಗ್ಗಲೋ
೪೮. (ಕ) ಯಸ್ಸ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತಿ ತಸ್ಸ ಸಮುದಯಸಚ್ಚಂ ಉಪ್ಪಜ್ಜಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಸಮುದಯಸಚ್ಚಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ದುಕ್ಖಸಚ್ಚಞ್ಚ ಉಪ್ಪಜ್ಜಿಸ್ಸತಿ ಸಮುದಯಸಚ್ಚಞ್ಚ ಉಪ್ಪಜ್ಜಿಸ್ಸತಿ.
(ಖ) ಯಸ್ಸ ವಾ ಪನ…ಪೇ…? ಆಮನ್ತಾ.
(ಕ) ಯಸ್ಸ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತಿ ತಸ್ಸ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇಸಂ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತಿ. ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಯೇ ಚಞ್ಞೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ದುಕ್ಖಸಚ್ಚಞ್ಚ ಉಪ್ಪಜ್ಜಿಸ್ಸತಿ ಮಗ್ಗಸಚ್ಚಞ್ಚ ಉಪ್ಪಜ್ಜಿಸ್ಸತಿ.
(ಖ) ಯಸ್ಸ ವಾ ಪನ…ಪೇ… ಉಪ್ಪಜ್ಜಿಸ್ಸತೀತಿ? ಆಮನ್ತಾ.
೪೯. (ಕ) ಯಸ್ಸ ಸಮುದಯಸಚ್ಚಂ ಉಪ್ಪಜ್ಜಿಸ್ಸತಿ ತಸ್ಸ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತೀತಿ?
ಯೇ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇಸಂ ಸಮುದಯಸಚ್ಚಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತಿ. ಯೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಸಮುದಯಸಚ್ಚಞ್ಚ ಉಪ್ಪಜ್ಜಿಸ್ಸತಿ ಮಗ್ಗಸಚ್ಚಞ್ಚ ಉಪ್ಪಜ್ಜಿಸ್ಸತಿ.
(ಖ) ಯಸ್ಸ ವಾ ಪನ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತಿ ತಸ್ಸ ಸಮುದಯಸಚ್ಚಂ ಉಪ್ಪಜ್ಜಿಸ್ಸತೀತಿ?
ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ಸಮುದಯಸಚ್ಚಂ ಉಪ್ಪಜ್ಜಿಸ್ಸತಿ. ಯೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಮಗ್ಗಸಚ್ಚಞ್ಚ ಉಪ್ಪಜ್ಜಿಸ್ಸತಿ ಸಮುದಯಸಚ್ಚಞ್ಚ ಉಪ್ಪಜ್ಜಿಸ್ಸತಿ.
(ಖ) ಅನುಲೋಮಓಕಾಸೋ
೫೦. ಯತ್ಥ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತಿ…ಪೇ….
(ಗ) ಅನುಲೋಮಪುಗ್ಗಲೋಕಾಸಾ
೫೧. (ಕ) ಯಸ್ಸ ಯತ್ಥ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಸಮುದಯಸಚ್ಚಂ ಉಪ್ಪಜ್ಜಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಅಸಞ್ಞಸತ್ತಾನಂ ತೇಸಂ ತತ್ಥ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಸಮುದಯಸಚ್ಚಂ ಉಪ್ಪಜ್ಜಿಸ್ಸತಿ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ದುಕ್ಖಸಚ್ಚಞ್ಚ ಉಪ್ಪಜ್ಜಿಸ್ಸತಿ ಸಮುದಯಸಚ್ಚಞ್ಚ ಉಪ್ಪಜ್ಜಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಸಮುದಯಸಚ್ಚಂ ಉಪ್ಪಜ್ಜಿಸ್ಸತಿ…ಪೇ… ಉಪ್ಪಜ್ಜಿಸ್ಸತೀತಿ? ಆಮನ್ತಾ.
(ಕ) ಯಸ್ಸ ಯತ್ಥ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ಆಪಾಯಿಕಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತಿ. ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ, ಯೇ ಚಞ್ಞೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ದುಕ್ಖಸಚ್ಚಞ್ಚ ಉಪ್ಪಜ್ಜಿಸ್ಸತಿ ಮಗ್ಗಸಚ್ಚಞ್ಚ ಉಪ್ಪಜ್ಜಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ದುಕ್ಖಸಚ್ಚಂ ಉಪ್ಪಜ್ಜಿಸ್ಸತೀತಿ? ಆಮನ್ತಾ.
೫೨. (ಕ) ಯಸ್ಸ ಯತ್ಥ ಸಮುದಯಸಚ್ಚಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತೀತಿ?
ಆಪಾಯಿಕಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇಸಂ ತತ್ಥ ಸಮುದಯಸಚ್ಚಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತಿ. ಯೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ಸಮುದಯಸಚ್ಚಞ್ಚ ಉಪ್ಪಜ್ಜಿಸ್ಸತಿ ಮಗ್ಗಸಚ್ಚಞ್ಚ ಉಪ್ಪಜ್ಜಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಸಮುದಯಸಚ್ಚಂ ಉಪ್ಪಜ್ಜಿಸ್ಸತೀತಿ?
ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ಮಗ್ಗಸಚ್ಚಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಸಮುದಯಸಚ್ಚಂ ಉಪ್ಪಜ್ಜಿಸ್ಸತಿ. ಯೇ ಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ಮಗ್ಗಸಚ್ಚಞ್ಚ ಉಪ್ಪಜ್ಜಿಸ್ಸತಿ ಸಮುದಯಸಚ್ಚಞ್ಚ ಉಪ್ಪಜ್ಜಿಸ್ಸತಿ.
(ಘ) ಪಚ್ಚನೀಕಪುಗ್ಗಲೋ
೫೩. (ಕ) ಯಸ್ಸ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ಸಮುದಯಸಚ್ಚಂ ನುಪ್ಪಜ್ಜಿಸ್ಸತೀತಿ? ಆಮನ್ತಾ.
(ಖ) ಯಸ್ಸ ವಾ ಪನ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತಿ. ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ಸಮುದಯಸಚ್ಚಞ್ಚ ನುಪ್ಪಜ್ಜಿಸ್ಸತಿ ದುಕ್ಖಸಚ್ಚಞ್ಚ ನುಪ್ಪಜ್ಜಿಸ್ಸತಿ.
(ಕ) ಯಸ್ಸ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತೀತಿ? ಆಮನ್ತಾ.
(ಖ) ಯಸ್ಸ ವಾ ಪನ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇಸಂ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತಿ. ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ಮಗ್ಗಸಚ್ಚಞ್ಚ ನುಪ್ಪಜ್ಜಿಸ್ಸತಿ ದುಕ್ಖಸಚ್ಚಞ್ಚ ನುಪ್ಪಜ್ಜಿಸ್ಸತಿ.
೫೪. (ಕ) ಯಸ್ಸ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತೀತಿ?
ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ. ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ತೇಸಂ ಸಮುದಯಸಚ್ಚಞ್ಚ ನುಪ್ಪಜ್ಜಿಸ್ಸತಿ ಮಗ್ಗಸಚ್ಚಞ್ಚ ನುಪ್ಪಜ್ಜಿಸ್ಸತಿ.
(ಖ) ಯಸ್ಸ ವಾ ಪನ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ಸಮುದಯಸಚ್ಚಂ ನುಪ್ಪಜ್ಜಿಸ್ಸತೀತಿ?
ಯೇ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇಸಂ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ. ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ತೇಸಂ ಮಗ್ಗಸಚ್ಚಞ್ಚ ನುಪ್ಪಜ್ಜಿಸ್ಸತಿ ಸಮುದಯಸಚ್ಚಞ್ಚ ನುಪ್ಪಜ್ಜಿಸ್ಸತಿ.
(ಙ) ಪಚ್ಚನೀಕಓಕಾಸೋ
೫೫. ಯತ್ಥ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತಿ…ಪೇ….
(ಚ) ಪಚ್ಚನೀಕಪುಗ್ಗಲೋಕಾಸಾ
೫೬. (ಕ) ಯಸ್ಸ ಯತ್ಥ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಸಮುದಯಸಚ್ಚಂ ನುಪ್ಪಜ್ಜಿಸ್ಸತೀತಿ? ಆಮನ್ತಾ.
(ಖ) ಯಸ್ಸ ವಾ ಪನ ಯತ್ಥ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ಅಸಞ್ಞಸತ್ತಾನಂ ತೇಸಂ ತತ್ಥ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತಿ. ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ತತ್ಥ ಸಮುದಯಸಚ್ಚಞ್ಚ ನುಪ್ಪಜ್ಜಿಸ್ಸತಿ ದುಕ್ಖಸಚ್ಚಞ್ಚ ನುಪ್ಪಜ್ಜಿಸ್ಸತಿ.
(ಕ) ಯಸ್ಸ ಯತ್ಥ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತೀತಿ? ಆಮನ್ತಾ.
(ಖ) ಯಸ್ಸ ವಾ ಪನ ಯತ್ಥ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತೀತಿ?
ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ಆಪಾಯಿಕಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ದುಕ್ಖಸಚ್ಚಂ ನುಪ್ಪಜ್ಜಿಸ್ಸತಿ. ಪಚ್ಛಿಮಚಿತ್ತಸಮಙ್ಗೀನಂ ತೇಸಂ ತತ್ಥ ಮಗ್ಗಸಚ್ಚಞ್ಚ ನುಪ್ಪಜ್ಜಿಸ್ಸತಿ ದುಕ್ಖಸಚ್ಚಞ್ಚ ನುಪ್ಪಜ್ಜಿಸ್ಸತಿ.
೫೭. (ಕ) ಯಸ್ಸ ಯತ್ಥ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತೀತಿ?
ಯಸ್ಸ ಚಿತ್ತಸ್ಸ ಅನನ್ತರಾ ಅಗ್ಗಮಗ್ಗಂ ಪಟಿಲಭಿಸ್ಸನ್ತಿ ತೇಸಂ ತತ್ಥ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ. ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಸಮುದಯಸಚ್ಚಞ್ಚ ನುಪ್ಪಜ್ಜಿಸ್ಸತಿ ಮಗ್ಗಸಚ್ಚಞ್ಚ ನುಪ್ಪಜ್ಜಿಸ್ಸತಿ.
(ಖ) ಯಸ್ಸ ವಾ ಪನ ಯತ್ಥ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಸಮುದಯಸಚ್ಚಂ ನುಪ್ಪಜ್ಜಿಸ್ಸತೀತಿ?
ಆಪಾಯಿಕಾನಂ ಯೇ ಚ ಪುಥುಜ್ಜನಾ ಮಗ್ಗಂ ನ ಪಟಿಲಭಿಸ್ಸನ್ತಿ ತೇಸಂ ತತ್ಥ ಮಗ್ಗಸಚ್ಚಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಸಮುದಯಸಚ್ಚಂ ನುಪ್ಪಜ್ಜಿಸ್ಸತಿ. ಅಗ್ಗಮಗ್ಗಸಮಙ್ಗೀನಂ ಅರಹನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮಗ್ಗಸಚ್ಚಞ್ಚ ನುಪ್ಪಜ್ಜಿಸ್ಸತಿ ಸಮುದಯಸಚ್ಚಞ್ಚ ನುಪ್ಪಜ್ಜಿಸ್ಸತಿ.