೧. ಪದಸೋಧನವಾರೋ

(ಕ) ಅನುಲೋಮಂ

೧೦. (ಕ) ಚಕ್ಖು ಚಕ್ಖಾಯತನನ್ತಿ?

ದಿಬ್ಬಚಕ್ಖು ಪಞ್ಞಾಚಕ್ಖು ಚಕ್ಖು, ನ ಚಕ್ಖಾಯತನಂ. ಚಕ್ಖಾಯತನಂ ಚಕ್ಖು ಚೇವ ಚಕ್ಖಾಯತನಞ್ಚ.

(ಖ) ಚಕ್ಖಾಯತನಂ ಚಕ್ಖೂತಿ? ಆಮನ್ತಾ.

(ಕ) ಸೋತಂ ಸೋತಾಯತನನ್ತಿ?

ದಿಬ್ಬಸೋತಂ ತಣ್ಹಾಸೋತಂ ಸೋತಂ, ನ ಸೋತಾಯತನಂ. ಸೋತಾಯತನಂ ಸೋತಞ್ಚೇವ ಸೋತಾಯತನಞ್ಚ.

(ಖ) ಸೋತಾಯತನಂ ಸೋತನ್ತಿ? ಆಮನ್ತಾ.

(ಕ) ಘಾನಂ ಘಾನಾಯತನನ್ತಿ? ಆಮನ್ತಾ.

(ಖ) ಘಾನಾಯತನಂ ಘಾನನ್ತಿ? ಆಮನ್ತಾ.

(ಕ) ಜಿವ್ಹಾ ಜಿವ್ಹಾಯತನನ್ತಿ? ಆಮನ್ತಾ.

(ಖ) ಜಿವ್ಹಾಯತನಂ ಜಿವ್ಹಾತಿ? ಆಮನ್ತಾ.

(ಕ) ಕಾಯೋ ಕಾಯಾಯತನನ್ತಿ?

ಕಾಯಾಯತನಂ ಠಪೇತ್ವಾ ಅವಸೇಸೋ ಕಾಯೋ, ನ ಕಾಯಾಯತನಂ. ಕಾಯಾಯತನಂ ಕಾಯೋ ಚೇವ ಕಾಯಾಯತನಞ್ಚ.

(ಖ) ಕಾಯಾಯತನಂ ಕಾಯೋತಿ? ಆಮನ್ತಾ.

(ಕ) ರೂಪಂ ರೂಪಾಯತನನ್ತಿ?

ರೂಪಾಯತನಂ ಠಪೇತ್ವಾ ಅವಸೇಸಂ ರೂಪಂ, ನ ರೂಪಾಯತನಂ. ರೂಪಾಯತನಂ ರೂಪಞ್ಚೇವ ರೂಪಾಯತನಞ್ಚ.

(ಖ) ರೂಪಾಯತನಂ ರೂಪನ್ತಿ? ಆಮನ್ತಾ.

(ಕ) ಸದ್ದೋ ಸದ್ದಾಯತನನ್ತಿ? ಆಮನ್ತಾ.

(ಖ) ಸದ್ದಾಯತನಂ ಸದ್ದೋತಿ? ಆಮನ್ತಾ.

(ಕ) ಗನ್ಧೋ ಗನ್ಧಾಯತನನ್ತಿ?

ಸೀಲಗನ್ಧೋ ಸಮಾಧಿಗನ್ಧೋ ಪಞ್ಞಾಗನ್ಧೋ ಗನ್ಧೋ, ನ ಗನ್ಧಾಯತನಂ. ಗನ್ಧಾಯತನಂ ಗನ್ಧೋ ಚೇವ ಗನ್ಧಾಯತನಞ್ಚ.

(ಖ) ಗನ್ಧಾಯತನಂ ಗನ್ಧೋತಿ? ಆಮನ್ತಾ.

(ಕ) ರಸೋ ರಸಾಯತನನ್ತಿ?

ಅತ್ಥರಸೋ ಧಮ್ಮರಸೋ ವಿಮುತ್ತಿರಸೋ ರಸೋ, ನ ರಸಾಯತನಂ. ರಸಾಯತನಂ ರಸೋ ಚೇವ ರಸಾಯತನಞ್ಚ.

(ಖ) ರಸಾಯತನಂ ರಸೋತಿ? ಆಮನ್ತಾ.

(ಕ) ಫೋಟ್ಠಬ್ಬೋ ಫೋಟ್ಠಬ್ಬಾಯತನನ್ತಿ? ಆಮನ್ತಾ.

(ಖ) ಫೋಟ್ಠಬ್ಬಾಯತನಂ ಫೋಟ್ಠಬ್ಬೋತಿ? ಆಮನ್ತಾ.

(ಕ) ಮನೋ ಮನಾಯತನನ್ತಿ? ಆಮನ್ತಾ.

(ಖ) ಮನಾಯತನಂ ಮನೋತಿ? ಆಮನ್ತಾ.

(ಕ) ಧಮ್ಮೋ ಧಮ್ಮಾಯತನನ್ತಿ?

ಧಮ್ಮಾಯತನಂ ಠಪೇತ್ವಾ ಅವಸೇಸೋ ಧಮ್ಮೋ, ನ ಧಮ್ಮಾಯತನಂ. ಧಮ್ಮಾಯತನಂ ಧಮ್ಮೋ ಚೇವ ಧಮ್ಮಾಯತನಞ್ಚ.

(ಖ) ಧಮ್ಮಾಯತನಂ ಧಮ್ಮೋತಿ? ಆಮನ್ತಾ.

(ಖ) ಪಚ್ಚನೀಕಂ

೧೧. (ಕ) ನ ಚಕ್ಖು ನ ಚಕ್ಖಾಯತನನ್ತಿ? ಆಮನ್ತಾ.

(ಖ) ನ ಚಕ್ಖಾಯತನಂ ನ ಚಕ್ಖೂತಿ?

ದಿಬ್ಬಚಕ್ಖು ಪಞ್ಞಾಚಕ್ಖು ನ ಚಕ್ಖಾಯತನಂ, ಚಕ್ಖು. ಚಕ್ಖುಞ್ಚ ಚಕ್ಖಾಯತನಞ್ಚ ಠಪೇತ್ವಾ ಅವಸೇಸಂ [ಅವಸೇಸಾ (ಸ್ಯಾ. ಪೀ.)] ನ ಚೇವ ಚಕ್ಖು ನ ಚ ಚಕ್ಖಾಯತನಂ.

(ಕ) ನ ಸೋತಂ ನ ಸೋತಾಯತನನ್ತಿ? ಆಮನ್ತಾ.

(ಖ) ನ ಸೋತಾಯತನಂ ನ ಸೋತನ್ತಿ?

ದಿಬ್ಬಸೋತಂ ತಣ್ಹಾಸೋತಂ ನ ಸೋತಾಯತನಂ, ಸೋತಂ. ಸೋತಞ್ಚ ಸೋತಾಯತನಞ್ಚ ಠಪೇತ್ವಾ ಅವಸೇಸಂ ನ ಚೇವ ಸೋತಂ ನ ಚ ಸೋತಾಯತನಂ.

(ಕ) ನ ಘಾನಂ ನ ಘಾನಾಯತನನ್ತಿ? ಆಮನ್ತಾ.

(ಖ) ನ ಘಾನಾಯತನಂ ನ ಘಾನನ್ತಿ? ಆಮನ್ತಾ.

(ಕ) ನ ಜಿವ್ಹಾ ನ ಜಿವ್ಹಾಯತನನ್ತಿ? ಆಮನ್ತಾ.

(ಖ) ನ ಜಿವ್ಹಾಯತನಂ ನ ಜಿವ್ಹಾತಿ? ಆಮನ್ತಾ.

(ಕ) ನ ಕಾಯೋ ನ ಕಾಯಾಯತನನ್ತಿ? ಆಮನ್ತಾ.

(ಖ) ನ ಕಾಯಾಯತನಂ ನ ಕಾಯೋತಿ?

ಕಾಯಾಯತನಂ ಠಪೇತ್ವಾ ಅವಸೇಸೋ ನ ಕಾಯಾಯತನಂ, ಕಾಯೋ. ಕಾಯಞ್ಚ ಕಾಯಾಯತನಞ್ಚ ಠಪೇತ್ವಾ ಅವಸೇಸಂ [ಅವಸೇಸೋ (ಸ್ಯಾ.)] ನ ಚೇವ ಕಾಯೋ ನ ಚ ಕಾಯಾಯತನಂ.

(ಕ) ನ ರೂಪಂ ನ ರೂಪಾಯತನನ್ತಿ? ಆಮನ್ತಾ.

(ಖ) ನ ರೂಪಾಯತನಂ ನ ರೂಪನ್ತಿ?

ರೂಪಾಯತನಂ ಠಪೇತ್ವಾ ಅವಸೇಸಂ ನ ರೂಪಾಯತನಂ, ರೂಪಂ. ರೂಪಞ್ಚ ರೂಪಾಯತನಞ್ಚ ಠಪೇತ್ವಾ ಅವಸೇಸಂ ನ ಚೇವ ರೂಪಂ ನ ಚ ರೂಪಾಯತನಂ.

(ಕ) ನ ಸದ್ದೋ ನ ಸದ್ದಾಯತನನ್ತಿ? ಆಮನ್ತಾ.

(ಖ) ನ ಸದ್ದಾಯತನಂ ನ ಸದ್ದೋತಿ? ಆಮನ್ತಾ.

(ಕ) ನ ಗನ್ಧೋ ನ ಗನ್ಧಾಯತನನ್ತಿ? ಆಮನ್ತಾ.

(ಖ) ನ ಗನ್ಧಾಯತನಂ ನ ಗನ್ಧೋತಿ?

ಸೀಲಗನ್ಧೋ ಸಮಾಧಿಗನ್ಧೋ ಪಞ್ಞಾಗನ್ಧೋ ನ ಗನ್ಧಾಯತನಂ, ಗನ್ಧೋ. ಗನ್ಧಞ್ಚ ಗನ್ಧಾಯತನಞ್ಚ ಠಪೇತ್ವಾ ಅವಸೇಸಂ [ಅವಸೇಸಾ (ಸ್ಯಾ.)] ನ ಚೇವ ಗನ್ಧೋ ನ ಚ ಗನ್ಧಾಯತನಂ.

(ಕ) ನ ರಸೋ ನ ರಸಾಯತನನ್ತಿ? ಆಮನ್ತಾ.

(ಖ) ನ ರಸಾಯತನಂ ನ ರಸೋತಿ?

ಅತ್ಥರಸೋ ಧಮ್ಮರಸೋ ವಿಮುತ್ತಿರಸೋ ನ ರಸಾಯತನಂ, ರಸೋ. ರಸಞ್ಚ ರಸಾಯತನಞ್ಚ ಠಪೇತ್ವಾ ಅವಸೇಸಂ ನ ಚೇವ ರಸೋ ನ ಚ ರಸಾಯತನಂ.

(ಕ) ನ ಫೋಟ್ಠಬ್ಬೋ ನ ಫೋಟ್ಠಬ್ಬಾಯತನನ್ತಿ? ಆಮನ್ತಾ.

(ಖ) ನ ಫೋಟ್ಠಬ್ಬಾಯತನಂ ನ ಫೋಟ್ಠಬ್ಬೋತಿ? ಆಮನ್ತಾ.

(ಕ) ನ ಮನೋ ನ ಮನಾಯತನನ್ತಿ? ಆಮನ್ತಾ.

(ಖ) ನ ಮನಾಯತನಂ ನ ಮನೋತಿ? ಆಮನ್ತಾ.

(ಕ) ನ ಧಮ್ಮೋ ನ ಧಮ್ಮಾಯತನನ್ತಿ? ಆಮನ್ತಾ.

(ಖ) ನ ಧಮ್ಮಾಯತನಂ ನ ಧಮ್ಮೋತಿ?

ಧಮ್ಮಾಯತನಂ ಠಪೇತ್ವಾ ಅವಸೇಸೋ ನ ಧಮ್ಮಾಯತನಂ, ಧಮ್ಮೋ. ಧಮ್ಮಞ್ಚ ಧಮ್ಮಾಯತನಞ್ಚ ಠಪೇತ್ವಾ ಅವಸೇಸಂ ನ ಚೇವ ಧಮ್ಮೋ ನ ಚ ಧಮ್ಮಾಯತನಂ.