(೬) ಅತೀತಾನಾಗತವಾರೋ

(ಕ) ಅನುಲೋಮಪುಗ್ಗಲೋ

೨೪೮. (ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ಸೋತಾಯತನಂ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅರೂಪೇ ಪಚ್ಛಿಮಭವಿಕಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚವನ್ತಾನಂ ತೇಸಂ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಸೋತಾಯತನಂ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ಸೋತಾಯತನಞ್ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಸೋತಾಯತನಂ ನಿರುಜ್ಝಿಸ್ಸತಿ ತಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಯಥಾ ನಿರೋಧವಾರೇ ಅತೀತಾನಾಗತಾ [ಅತೀತೇನಾನಾಗತಾ (ಸ್ಯಾ.)] ಪುಚ್ಛಾ ಯಸ್ಸಕಮ್ಪಿ ಯತ್ಥಕಮ್ಪಿ ಯಸ್ಸಯತ್ಥಕಮ್ಪಿ ಅನುಲೋಮಮ್ಪಿ ಪಚ್ಚನೀಕಮ್ಪಿ ವಿಭತ್ತಂ, ಏವಂ ಉಪ್ಪಾದನಿರೋಧೇಪಿ ಅತೀತಾನಾಗತಾ ಪುಚ್ಛಾ ವಿಭಜಿತಬ್ಬಾ.)

ಉಪ್ಪಾದನಿರೋಧವಾರೋ.

ಪವತ್ತಿವಾರೋ ನಿಟ್ಠಿತೋ.