(೧) ಪಚ್ಚುಪ್ಪನ್ನವಾರೋ

(ಕ) ಅನುಲೋಮಪುಗ್ಗಲೋ

೧೨೦. (ಕ) ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ಸೋತಾಯತನಂ ನಿರುಜ್ಝತೀತಿ?

ಸಚಕ್ಖುಕಾನಂ ಅಸೋತಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ಸೋತಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಸಸೋತಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನಿರುಜ್ಝತಿ ಸೋತಾಯತನಞ್ಚ ನಿರುಜ್ಝತಿ.

(ಖ) ಯಸ್ಸ ವಾ ಪನ ಸೋತಾಯತನಂ ನಿರುಜ್ಝತಿ ತಸ್ಸ ಚಕ್ಖಾಯತನಂ ನಿರುಜ್ಝತೀತಿ?

ಸಸೋತಕಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಸೋತಾಯತನಂ ನಿರುಜ್ಝತಿ, ನೋ ಚ ತೇಸಂ ಚಕ್ಖಾಯತನಂ ನಿರುಜ್ಝತಿ. ಸಸೋತಕಾನಂ ಸಚಕ್ಖುಕಾನಂ ಚವನ್ತಾನಂ ತೇಸಂ ಸೋತಾಯತನಞ್ಚ ನಿರುಜ್ಝತಿ ಚಕ್ಖಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ಘಾನಾಯತನಂ ನಿರುಜ್ಝತೀತಿ?

ಸಚಕ್ಖುಕಾನಂ ಅಘಾನಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನಿರುಜ್ಝತಿ, ನೋ ಚ ತೇಸಂ ಘಾನಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಸಘಾನಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನಿರುಜ್ಝತಿ ಘಾನಾಯತನಞ್ಚ ನಿರುಜ್ಝತಿ.

(ಖ) ಯಸ್ಸ ವಾ ಪನ ಘಾನಾಯತನಂ ನಿರುಜ್ಝತಿ ತಸ್ಸ ಚಕ್ಖಾಯತನಂ ನಿರುಜ್ಝತೀತಿ?

ಸಘಾನಕಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಘಾನಾಯತನಂ ನಿರುಜ್ಝತಿ, ನೋ ಚ ತೇಸಂ ಚಕ್ಖಾಯತನಂ ನಿರುಜ್ಝತಿ. ಸಘಾನಕಾನಂ ಸಚಕ್ಖುಕಾನಂ ಚವನ್ತಾನಂ ತೇಸಂ ಘಾನಾಯತನಞ್ಚ ನಿರುಜ್ಝತಿ ಚಕ್ಖಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ರೂಪಾಯತನಂ ನಿರುಜ್ಝತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ರೂಪಾಯತನಂ ನಿರುಜ್ಝತಿ ತಸ್ಸ ಚಕ್ಖಾಯತನಂ ನಿರುಜ್ಝತೀತಿ?

ಸರೂಪಕಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ರೂಪಾಯತನಂ ನಿರುಜ್ಝತಿ, ನೋ ಚ ತೇಸಂ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ರೂಪಾಯತನಞ್ಚ ನಿರುಜ್ಝತಿ ಚಕ್ಖಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ಮನಾಯತನಂ ನಿರುಜ್ಝತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಮನಾಯತನಂ ನಿರುಜ್ಝತಿ ತಸ್ಸ ಚಕ್ಖಾಯತನಂ ನಿರುಜ್ಝತೀತಿ?

ಸಚಿತ್ತಕಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಮನಾಯತನಂ ನಿರುಜ್ಝತಿ, ನೋ ಚ ತೇಸಂ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ಮನಾಯತನಞ್ಚ ನಿರುಜ್ಝತಿ ಚಕ್ಖಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಚಕ್ಖಾಯತನಂ ನಿರುಜ್ಝತಿ ತಸ್ಸ ಧಮ್ಮಾಯತನಂ ನಿರುಜ್ಝತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝತಿ ತಸ್ಸ ಚಕ್ಖಾಯತನಂ ನಿರುಜ್ಝತೀತಿ?

ಅಚಕ್ಖುಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝತಿ, ನೋ ಚ ತೇಸಂ ಚಕ್ಖಾಯತನಂ ನಿರುಜ್ಝತಿ. ಸಚಕ್ಖುಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝತಿ ಚಕ್ಖಾಯತನಞ್ಚ ನಿರುಜ್ಝತಿ. (ಚಕ್ಖಾಯತನಮೂಲಕಂ)

೧೨೧. (ಕ) ಯಸ್ಸ ಘಾನಾಯತನಂ ನಿರುಜ್ಝತಿ ತಸ್ಸ ರೂಪಾಯತನಂ ನಿರುಜ್ಝತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ರೂಪಾಯತನಂ ನಿರುಜ್ಝತಿ ತಸ್ಸ ಘಾನಾಯತನಂ ನಿರುಜ್ಝತೀತಿ?

ಸರೂಪಕಾನಂ ಅಘಾನಕಾನಂ ಚವನ್ತಾನಂ ತೇಸಂ ರೂಪಾಯತನಂ ನಿರುಜ್ಝತಿ, ನೋ ಚ ತೇಸಂ ಘಾನಾಯತನಂ ನಿರುಜ್ಝತಿ. ಸಘಾನಕಾನಂ ಚವನ್ತಾನಂ ತೇಸಂ ರೂಪಾಯತನಞ್ಚ ನಿರುಜ್ಝತಿ ಘಾನಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಘಾನಾಯತನಂ ನಿರುಜ್ಝತಿ ತಸ್ಸ ಮನಾಯತನಂ ನಿರುಜ್ಝತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಮನಾಯತನಂ ನಿರುಜ್ಝತಿ ತಸ್ಸ ಘಾನಾಯತನಂ ನಿರುಜ್ಝತೀತಿ?

ಸಚಿತ್ತಕಾನಂ ಅಘಾನಕಾನಂ ಚವನ್ತಾನಂ ತೇಸಂ ಮನಾಯತನಂ ನಿರುಜ್ಝತಿ, ನೋ ಚ ತೇಸಂ ಘಾನಾಯತನಂ ನಿರುಜ್ಝತಿ. ಸಘಾನಕಾನಂ ಚವನ್ತಾನಂ ತೇಸಂ ಮನಾಯತನಞ್ಚ ನಿರುಜ್ಝತಿ ಘಾನಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ಘಾನಾಯತನಂ ನಿರುಜ್ಝತಿ ತಸ್ಸ ಧಮ್ಮಾಯತನಂ ನಿರುಜ್ಝತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝತಿ ತಸ್ಸ ಘಾನಾಯತನಂ ನಿರುಜ್ಝತೀತಿ?

ಅಘಾನಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝತಿ, ನೋ ಚ ತೇಸಂ ಘಾನಾಯತನಂ ನಿರುಜ್ಝತಿ. ಸಘಾನಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝತಿ ಘಾನಾಯತನಞ್ಚ ನಿರುಜ್ಝತಿ. (ಘಾನಾಯತನಮೂಲಕಂ)

೧೨೨. (ಕ) ಯಸ್ಸ ರೂಪಾಯತನಂ ನಿರುಜ್ಝತಿ ತಸ್ಸ ಮನಾಯತನಂ ನಿರುಜ್ಝತೀತಿ?

ಅಚಿತ್ತಕಾನಂ ಚವನ್ತಾನಂ ತೇಸಂ ರೂಪಾಯತನಂ ನಿರುಜ್ಝತಿ, ನೋ ಚ ತೇಸಂ ಮನಾಯತನಂ ನಿರುಜ್ಝತಿ. ಸರೂಪಕಾನಂ ಸಚಿತ್ತಕಾನಂ ಚವನ್ತಾನಂ ತೇಸಂ ರೂಪಾಯತನಞ್ಚ ನಿರುಜ್ಝತಿ ಮನಾಯತನಞ್ಚ ನಿರುಜ್ಝತಿ.

(ಖ) ಯಸ್ಸ ವಾ ಪನ ಮನಾಯತನಂ ನಿರುಜ್ಝತಿ ತಸ್ಸ ರೂಪಾಯತನಂ ನಿರುಜ್ಝತೀತಿ?

ಅರೂಪಕಾನಂ ಚವನ್ತಾನಂ ತೇಸಂ ಮನಾಯತನಂ ನಿರುಜ್ಝತಿ, ನೋ ಚ ತೇಸಂ ರೂಪಾಯತನಂ ನಿರುಜ್ಝತಿ. ಸರೂಪಕಾನಂ ಸಚಿತ್ತಕಾನಂ ಚವನ್ತಾನಂ ತೇಸಂ ಮನಾಯತನಞ್ಚ ನಿರುಜ್ಝತಿ ರೂಪಾಯತನಞ್ಚ ನಿರುಜ್ಝತಿ.

(ಕ) ಯಸ್ಸ ರೂಪಾಯತನಂ ನಿರುಜ್ಝತಿ ತಸ್ಸ ಧಮ್ಮಾಯತನಂ ನಿರುಜ್ಝತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝತಿ ತಸ್ಸ ರೂಪಾಯತನಂ ನಿರುಜ್ಝತೀತಿ?

ಅರೂಪಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝತಿ, ನೋ ಚ ತೇಸಂ ರೂಪಾಯತನಂ ನಿರುಜ್ಝತಿ. ಸರೂಪಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝತಿ ರೂಪಾಯತನಞ್ಚ ನಿರುಜ್ಝತಿ.

೧೨೩. (ಕ) ಯಸ್ಸ ಮನಾಯತನಂ ನಿರುಜ್ಝತಿ ತಸ್ಸ ಧಮ್ಮಾಯತನಂ ನಿರುಜ್ಝತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನಿರುಜ್ಝತಿ ತಸ್ಸ ಮನಾಯತನಂ ನಿರುಜ್ಝತೀತಿ?

ಅಚಿತ್ತಕಾನಂ ಚವನ್ತಾನಂ ತೇಸಂ ಧಮ್ಮಾಯತನಂ ನಿರುಜ್ಝತಿ, ನೋ ಚ ತೇಸಂ ಮನಾಯತನಂ ನಿರುಜ್ಝತಿ. ಸಚಿತ್ತಕಾನಂ ಚವನ್ತಾನಂ ತೇಸಂ ಧಮ್ಮಾಯತನಞ್ಚ ನಿರುಜ್ಝತಿ ಮನಾಯತನಞ್ಚ ನಿರುಜ್ಝತಿ.

(ಖ) ಅನುಲೋಮಓಕಾಸೋ

೧೨೪. ಯತ್ಥ ಚಕ್ಖಾಯತನಂ ನಿರುಜ್ಝತಿ…ಪೇ… (ಉಪ್ಪಾದೇಪಿ ನಿರೋಧೇಪಿ ಉಪ್ಪಾದನಿರೋಧೇಪಿ ಯತ್ಥಕಂ ಸಬ್ಬತ್ಥ ಸದಿಸಂ).

(ಗ) ಅನುಲೋಮಪುಗ್ಗಲೋಕಾಸಾ

೧೨೫. ಯಸ್ಸ ಯತ್ಥ ಚಕ್ಖಾಯತನಂ ನಿರುಜ್ಝತಿ ತಸ್ಸ ತತ್ಥ ಸೋತಾಯತನಂ ನಿರುಜ್ಝತೀತಿ…ಪೇ… ಘಾನಾಯತನಂ… ರೂಪಾಯತನಂ… ಮನಾಯತನಂ… ಧಮ್ಮಾಯತನಂ ನಿರುಜ್ಝತೀತಿ? (ಯಸ್ಸ ಯತ್ಥಕಮ್ಪಿ ಸದಿಸಂ ವಿತ್ಥಾರೇತಬ್ಬಂ).

(ಘ) ಪಚ್ಚನೀಕಪುಗ್ಗಲೋ

೧೨೬. (ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ಸೋತಾಯತನಂ ನ ನಿರುಜ್ಝತೀತಿ?

ಅಚಕ್ಖುಕಾನಂ ಸಸೋತಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಸೋತಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಅಸೋತಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝತಿ ಸೋತಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಸೋತಾಯತನಂ ನ ನಿರುಜ್ಝತಿ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ?

ಅಸೋತಕಾನಂ ಸಚಕ್ಖುಕಾನಂ ಚವನ್ತಾನಂ ತೇಸಂ ಸೋತಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಚಕ್ಖಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ಅಸೋತಕಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಸೋತಾಯತನಞ್ಚ ನ ನಿರುಜ್ಝತಿ ಚಕ್ಖಾಯತನಞ್ಚ ನ ನಿರುಜ್ಝತಿ.

(ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ಘಾನಾಯತನಂ ನ ನಿರುಜ್ಝತೀತಿ?

ಅಚಕ್ಖುಕಾನಂ ಸಘಾನಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಘಾನಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ಅಚಕ್ಖುಕಾನಂ ಅಘಾನಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝತಿ ಘಾನಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಘಾನಾಯತನಂ ನ ನಿರುಜ್ಝತಿ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ?

ಅಘಾನಕಾನಂ ಸಚಕ್ಖುಕಾನಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಚಕ್ಖಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ಅಘಾನಕಾನಂ ಅಚಕ್ಖುಕಾನಂ ಚವನ್ತಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝತಿ ಚಕ್ಖಾಯತನಞ್ಚ ನ ನಿರುಜ್ಝತಿ.

(ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ರೂಪಾಯತನಂ ನ ನಿರುಜ್ಝತೀತಿ?

ಅಚಕ್ಖುಕಾನಂ ಸರೂಪಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ರೂಪಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ಅರೂಪಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝತಿ ರೂಪಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ರೂಪಾಯತನಂ ನ ನಿರುಜ್ಝತಿ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ಮನಾಯತನಂ ನ ನಿರುಜ್ಝತೀತಿ?

ಅಚಕ್ಖುಕಾನಂ ಸಚಿತ್ತಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಮನಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ಅಚಿತ್ತಕಾನಂ ಚವನ್ತಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝತಿ ಮನಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಮನಾಯತನಂ ನ ನಿರುಜ್ಝತಿ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ಧಮ್ಮಾಯತನಂ ನ ನಿರುಜ್ಝತೀತಿ?

ಅಚಕ್ಖುಕಾನಂ ಚವನ್ತಾನಂ ತೇಸಂ ಚಕ್ಖಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ಚಕ್ಖಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝತಿ ತಸ್ಸ ಚಕ್ಖಾಯತನಂ ನ ನಿರುಜ್ಝತೀತಿ? ಆಮನ್ತಾ. (ಚಕ್ಖಾಯತನಮೂಲಕಂ)

೧೨೭. (ಕ) ಯಸ್ಸ ಘಾನಾಯತನಂ ನ ನಿರುಜ್ಝತಿ ತಸ್ಸ ರೂಪಾಯತನಂ ನ ನಿರುಜ್ಝತೀತಿ?

ಅಘಾನಕಾನಂ ಸರೂಪಕಾನಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ರೂಪಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ಅರೂಪಕಾನಂ ಚವನ್ತಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝತಿ ರೂಪಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ರೂಪಾಯತನಂ ನ ನಿರುಜ್ಝತಿ ತಸ್ಸ ಘಾನಾಯತನಂ ನ ನಿರುಜ್ಝತೀತಿ? ಆಮನ್ತಾ.

(ಕ) ಯಸ್ಸ ಘಾನಾಯತನಂ ನ ನಿರುಜ್ಝತಿ ತಸ್ಸ ಮನಾಯತನಂ ನ ನಿರುಜ್ಝತೀತಿ?

ಅಘಾನಕಾನಂ ಸಚಿತ್ತಕಾನಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಮನಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ಅಚಿತ್ತಕಾನಂ ಚವನ್ತಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝತಿ ಮನಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಮನಾಯತನಂ ನ ನಿರುಜ್ಝತಿ ತಸ್ಸ ಘಾನಾಯತನಂ ನ ನಿರುಜ್ಝತೀತಿ? ಆಮನ್ತಾ.

(ಕ) ಯಸ್ಸ ಘಾನಾಯತನಂ ನ ನಿರುಜ್ಝತಿ ತಸ್ಸ ಧಮ್ಮಾಯತನಂ ನ ನಿರುಜ್ಝತೀತಿ?

ಅಘಾನಕಾನಂ ಚವನ್ತಾನಂ ತೇಸಂ ಘಾನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ಘಾನಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝತಿ ತಸ್ಸ ಘಾನಾಯತನಂ ನ ನಿರುಜ್ಝತೀತಿ? ಆಮನ್ತಾ. (ಘಾನಾಯತನಮೂಲಕಂ)

೧೨೮. (ಕ) ಯಸ್ಸ ರೂಪಾಯತನಂ ನ ನಿರುಜ್ಝತಿ ತಸ್ಸ ಮನಾಯತನಂ ನ ನಿರುಜ್ಝತೀತಿ?

ಅರೂಪಕಾನಂ ಚವನ್ತಾನಂ ತೇಸಂ ರೂಪಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಮನಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಞ್ಚ ನ ನಿರುಜ್ಝತಿ ಮನಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಮನಾಯತನಂ ನ ನಿರುಜ್ಝತಿ ತಸ್ಸ ರೂಪಾಯತನಂ ನ ನಿರುಜ್ಝತೀತಿ?

ಅಚಿತ್ತಕಾನಂ ಚವನ್ತಾನಂ ತೇಸಂ ಮನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ರೂಪಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ಮನಾಯತನಞ್ಚ ನ ನಿರುಜ್ಝತಿ ರೂಪಾಯತನಞ್ಚ ನ ನಿರುಜ್ಝತಿ.

(ಕ) ಯಸ್ಸ ರೂಪಾಯತನಂ ನ ನಿರುಜ್ಝತಿ ತಸ್ಸ ಧಮ್ಮಾಯತನಂ ನ ನಿರುಜ್ಝತೀತಿ?

ಅರೂಪಕಾನಂ ಚವನ್ತಾನಂ ತೇಸಂ ರೂಪಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ರೂಪಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝತಿ ತಸ್ಸ ರೂಪಾಯತನಂ ನ ನಿರುಜ್ಝತೀತಿ? ಆಮನ್ತಾ. (ರೂಪಾಯತನಮೂಲಕಂ)

೧೨೯. (ಕ) ಯಸ್ಸ ಮನಾಯತನಂ ನ ನಿರುಜ್ಝತಿ ತಸ್ಸ ಧಮ್ಮಾಯತನಂ ನ ನಿರುಜ್ಝತೀತಿ?

ಅಚಿತ್ತಕಾನಂ ಚವನ್ತಾನಂ ತೇಸಂ ಮನಾಯತನಂ ನ ನಿರುಜ್ಝತಿ, ನೋ ಚ ತೇಸಂ ಧಮ್ಮಾಯತನಂ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ಮನಾಯತನಞ್ಚ ನ ನಿರುಜ್ಝತಿ ಧಮ್ಮಾಯತನಞ್ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ನ ನಿರುಜ್ಝತಿ ತಸ್ಸ ಮನಾಯತನಂ ನ ನಿರುಜ್ಝತೀತಿ? ಆಮನ್ತಾ.

(ಙ) ಪಚ್ಚನೀಕಓಕಾಸೋ

೧೩೦. ಯತ್ಥ ಚಕ್ಖಾಯತನಂ ನ ನಿರುಜ್ಝತಿ…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೧೩೧. ಯಸ್ಸ ಯತ್ಥ ಚಕ್ಖಾಯತನಂ ನ ನಿರುಜ್ಝತಿ ತಸ್ಸ ತತ್ಥ ಸೋತಾಯತನಂ ನ ನಿರುಜ್ಝತೀ ತಿ…ಪೇ… (ಯಸ್ಸ ಯತ್ಥಕಮ್ಪಿ ಯಸ್ಸಕಸದಿಸಂ).