(೬) ಅತೀತಾನಾಗತವಾರೋ

(ಕ) ಅನುಲೋಮಪುಗ್ಗಲೋ

೧೦೪. (ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ಸೋತಾಯತನಂ ಉಪ್ಪಜ್ಜಿಸ್ಸತೀತಿ?

ಪಚ್ಛಿಮಭವಿಕಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಸೋತಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ಸೋತಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಸೋತಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ಘಾನಾಯತನಂ ಉಪ್ಪಜ್ಜಿಸ್ಸತೀತಿ?

ಪಚ್ಛಿಮಭವಿಕಾನಂ ಯೇ ಚ ರೂಪಾವಚರಂ ಅರೂಪಾವಚರಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಘಾನಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ…ಪೇ… ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ರೂಪಾಯತನಂ ಉಪ್ಪಜ್ಜಿಸ್ಸತೀತಿ?

ಪಚ್ಛಿಮಭವಿಕಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ರೂಪಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ರೂಪಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ…ಪೇ… ಉಪ್ಪಜ್ಜಿತ್ಥಾತಿ? ಆಮನ್ತಾ.

ಯಸ್ಸ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ಉಪ್ಪಜ್ಜಿಸ್ಸತೀತಿ?

ಪಚ್ಛಿಮಭವಿಕಾನಂ ತೇಸಂ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ. ಯಸ್ಸ ವಾ ಪನ…ಪೇ… ಉಪ್ಪಜ್ಜಿತ್ಥಾತಿ? ಆಮನ್ತಾ. (ಚಕ್ಖಾಯತನಮೂಲಕಂ)

೧೦೫. (ಕ) ಯಸ್ಸ ಘಾನಾಯತನಂ ಉಪ್ಪಜ್ಜಿತ್ಥ ತಸ್ಸ ರೂಪಾಯತನಂ ಉಪ್ಪಜ್ಜಿಸ್ಸತೀತಿ?

ಪಚ್ಛಿಮಭವಿಕಾನಂ ಯೇ ಚ ಅರೂಪಂ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ ತೇಸಂ ಘಾನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ರೂಪಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ಘಾನಾಯತನಞ್ಚ ಉಪ್ಪಜ್ಜಿತ್ಥ ರೂಪಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ…ಪೇ… ಉಪ್ಪಜ್ಜಿತ್ಥಾತಿ? ಆಮನ್ತಾ.

ಯಸ್ಸ ಘಾನಾಯತನಂ ಉಪ್ಪಜ್ಜಿತ್ಥ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ಉಪ್ಪಜ್ಜಿಸ್ಸತೀತಿ?

ಪಚ್ಛಿಮಭವಿಕಾನಂ ತೇಸಂ ಘಾನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ಘಾನಾಯತನಞ್ಚ ಉಪ್ಪಜ್ಜಿತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ.

ಯಸ್ಸ ವಾ ಪನ ಧಮ್ಮಾಯತನಂ…ಪೇ… ಉಪ್ಪಜ್ಜಿತ್ಥಾತಿ? ಆಮನ್ತಾ.

೧೦೬. ಯಸ್ಸ ರೂಪಾಯತನಂ ಉಪ್ಪಜ್ಜಿತ್ಥ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ಉಪ್ಪಜ್ಜಿಸ್ಸತೀತಿ?

ಪಚ್ಛಿಮಭವಿಕಾನಂ ತೇಸಂ ರೂಪಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ರೂಪಾಯತನಞ್ಚ ಉಪ್ಪಜ್ಜಿತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ.

ಯಸ್ಸ ವಾ ಪನ…ಪೇ… ಉಪ್ಪಜ್ಜಿತ್ಥಾತಿ? ಆಮನ್ತಾ.

೧೦೭. (ಕ) ಯಸ್ಸ ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ಧಮ್ಮಾಯತನಂ ಉಪ್ಪಜ್ಜಿಸ್ಸತೀತಿ?

ಪಚ್ಛಿಮಭವಿಕಾನಂ ತೇಸಂ ಮನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ತೇಸಂ ಮನಾಯತನಞ್ಚ ಉಪ್ಪಜ್ಜಿತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ಮನಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಅನುಲೋಮಓಕಾಸೋ

೧೦೮. ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ…ಪೇ….

(ಗ) ಅನುಲೋಮಪುಗ್ಗಲೋಕಾಸಾ

೧೦೯. (ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಸೋತಾಯತನಂ ಉಪ್ಪಜ್ಜಿಸ್ಸತೀತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಸೋತಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ಸೋತಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜಿಸ್ಸತೀತಿ?

ಕಾಮಾವಚರೇ ಪಚ್ಛಿಮಭವಿಕಾನಂ ರೂಪಾವಚರಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ…ಪೇ… ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿಸ್ಸತೀತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ರೂಪಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜಿಸ್ಸತಿ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿಸ್ಸತೀತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ಮನಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ?

ಅರೂಪಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜಿಸ್ಸತಿ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತೀತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ ಚಕ್ಖಾಯತನಞ್ಚ ಉಪ್ಪಜ್ಜಿತ್ಥ. (ಚಕ್ಖಾಯತನಮೂಲಕಂ)

೧೧೦. (ಕ) ಯಸ್ಸ ಯತ್ಥ ಘಾನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿಸ್ಸತೀತಿ?

ಕಾಮಾವಚರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಘಾನಾಯತನಞ್ಚ ಉಪ್ಪಜ್ಜಿತ್ಥ ರೂಪಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥಾತಿ?

ರೂಪಾವಚರಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ. ಕಾಮಾವಚರಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜಿಸ್ಸತಿ ಘಾನಾಯತನಞ್ಚ ಉಪ್ಪಜ್ಜಿತ್ಥ.

ಯಸ್ಸ ಯತ್ಥ ಘಾನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ…ಪೇ… ಧಮ್ಮಾಯತನಂ ಉಪ್ಪಜ್ಜಿಸ್ಸತೀತಿ?

ಕಾಮಾವಚರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಕಾಮಾವಚರಾನಂ ತೇಸಂ ತತ್ಥ ಘಾನಾಯತನಞ್ಚ ಉಪ್ಪಜ್ಜಿತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ.

ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥಾತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ. ಕಾಮಾವಚರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ ಘಾನಾಯತನಞ್ಚ ಉಪ್ಪಜ್ಜಿತ್ಥ. (ಘಾನಾಯತನಮೂಲಕಂ)

೧೧೧. (ಕ) ಯಸ್ಸ ಯತ್ಥ ರೂಪಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿಸ್ಸತೀತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜಿತ್ಥ ಮನಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥಾತಿ?

ಅರೂಪಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜಿಸ್ಸತಿ ರೂಪಾಯತನಞ್ಚ ಉಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ರೂಪಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತೀತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜಿತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥಾತಿ?

ಅರೂಪಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ. ಪಞ್ಚವೋಕಾರಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ ರೂಪಾಯತನಞ್ಚ ಉಪ್ಪಜ್ಜಿತ್ಥ. (ರೂಪಾಯತನಮೂಲಕಂ)

೧೧೨. (ಕ) ಯಸ್ಸ ಯತ್ಥ ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತೀತಿ?

ಪಚ್ಛಿಮಭವಿಕಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜಿತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿತ್ಥಾತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ. ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿಸ್ಸತಿ ಮನಾಯತನಞ್ಚ ಉಪ್ಪಜ್ಜಿತ್ಥ. (ಮನಾಯತನಮೂಲಕಂ)

(ಘ) ಪಚ್ಚನೀಕಪುಗ್ಗಲೋ

೧೧೩. (ಕ) ಯಸ್ಸ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ಸೋತಾಯತನಂ ನುಪ್ಪಜ್ಜಿಸ್ಸತೀತಿ? ನತ್ಥಿ.

(ಖ) ಯಸ್ಸ ವಾ ಪನ ಸೋತಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ.

ಯಸ್ಸ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ಘಾನಾಯತನಂ…ಪೇ… ರೂಪಾಯತನಂ… ಮನಾಯತನಂ… ಧಮ್ಮಾಯತನಂ ನುಪ್ಪಜ್ಜಿಸ್ಸತೀತಿ? ನತ್ಥಿ.

ಯಸ್ಸ ವಾ ಪನ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ.

೧೧೪. ಯಸ್ಸ ಘಾನಾಯತನಂ…ಪೇ… ರೂಪಾಯತನಂ… ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ಧಮ್ಮಾಯತನಂ ನುಪ್ಪಜ್ಜಿಸ್ಸತೀತಿ? ನತ್ಥಿ. ಯಸ್ಸ ವಾ ಪನ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ಮನಾಯತನಂ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ.

(ಙ) ಪಚ್ಚನೀಕಓಕಾಸೋ

೧೧೫. ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೧೧೬. (ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಸೋತಾಯತನಂ ನುಪ್ಪಜ್ಜಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಸೋತಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಸೋತಾಯತನಞ್ಚ ನುಪ್ಪಜ್ಜಿಸ್ಸತಿ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜಿಸ್ಸತೀತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ?

ಕಾಮಾವಚರೇ ಪಚ್ಛಿಮಭವಿಕಾನಂ ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜಿಸ್ಸತಿ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿಸ್ಸತೀತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿಸ್ಸತಿ. ಸುದ್ಧಾವಾಸಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ ರೂಪಾಯತನಞ್ಚ ನುಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಞ್ಚ ನುಪ್ಪಜ್ಜಿಸ್ಸತಿ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿಸ್ಸತೀತಿ?

ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿಸ್ಸತಿ. ಸುದ್ಧಾವಾಸಾನಂ ಅರೂಪೇ ಪಚ್ಛಿಮಭವಿಕಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ ಮನಾಯತನಞ್ಚ ನುಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅರೂಪೇ ಪಚ್ಛಿಮಭವಿಕಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜಿಸ್ಸತಿ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತೀತಿ?

ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ. ಸುದ್ಧಾವಾಸಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿಸ್ಸತಿ ಚಕ್ಖಾಯತನಞ್ಚ ನುಪ್ಪಜ್ಜಿತ್ಥ. (ಚಕ್ಖಾಯತನಮೂಲಕಂ)

೧೧೭. (ಕ) ಯಸ್ಸ ಯತ್ಥ ಘಾನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿಸ್ಸತೀತಿ?

ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿಸ್ಸತಿ. ರೂಪಾವಚರೇ ಪಚ್ಛಿಮಭವಿಕಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜಿತ್ಥ ರೂಪಾಯತನಞ್ಚ ನುಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥಾತಿ?

ಕಾಮಾವಚರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ. ರೂಪಾವಚರೇ ಪಚ್ಛಿಮಭವಿಕಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಞ್ಚ ನುಪ್ಪಜ್ಜಿಸ್ಸತಿ ಘಾನಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಘಾನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿಸ್ಸತೀತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿಸ್ಸತಿ. ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜಿತ್ಥ ಮನಾಯತನಞ್ಚ ನುಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥಾತಿ?

ಕಾಮಾವಚರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ. ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜಿಸ್ಸತಿ ಘಾನಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ ಯತ್ಥ ಘಾನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತೀತಿ?

ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ. ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜಿತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥಾತಿ?

ಕಾಮಾವಚರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ. ರೂಪಾವಚರೇ ಅರೂಪಾವಚರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿಸ್ಸತಿ ಘಾನಾಯತನಞ್ಚ ನುಪ್ಪಜ್ಜಿತ್ಥ. (ಘಾನಾಯತನಮೂಲಕಂ)

೧೧೮. (ಕ) ಯಸ್ಸ ಯತ್ಥ ರೂಪಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿಸ್ಸತೀತಿ?

ಅರೂಪಾನಂ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿಸ್ಸತಿ. ಸುದ್ಧಾವಾಸಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ತತ್ಥ ರೂಪಾಯತನಞ್ಚ ನುಪ್ಪಜ್ಜಿತ್ಥ ಮನಾಯತನಞ್ಚ ನುಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜಿಸ್ಸತಿ ರೂಪಾಯತನಞ್ಚ ನುಪ್ಪಜ್ಜಿತ್ಥ.

(ಕ) ಯಸ್ಸ =೯೩ ಯತ್ಥ ರೂಪಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತೀತಿ?

ಅರೂಪಾನಂ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ. ಸುದ್ಧಾವಾಸಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ತತ್ಥ ರೂಪಾಯತನಞ್ಚ ನುಪ್ಪಜ್ಜಿತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅರೂಪೇ ಪಚ್ಛಿಮಭವಿಕಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿಸ್ಸತಿ ರೂಪಾಯತನಞ್ಚ ನುಪ್ಪಜ್ಜಿತ್ಥ. (ರೂಪಾಯತನಮೂಲಕಂ)

೧೧೯. (ಕ) ಯಸ್ಸ ಯತ್ಥ ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತೀತಿ?

ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ. ಸುದ್ಧಾವಾಸಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜಿತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿತ್ಥಾತಿ?

ಪಚ್ಛಿಮಭವಿಕಾನಂ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿಸ್ಸತಿ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿಸ್ಸತಿ ಮನಾಯತನಞ್ಚ ನುಪ್ಪಜ್ಜಿತ್ಥ.

ಉಪ್ಪಾದವಾರೋ.