(೪) ಪಚ್ಚುಪ್ಪನ್ನಾತೀತವಾರೋ

(ಕ) ಅನುಲೋಮಪುಗ್ಗಲೋ

೭೦. (ಕ) ಯಸ್ಸ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ಸೋತಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಸೋತಾಯತನಂ ಉಪ್ಪಜ್ಜಿತ್ಥ ತಸ್ಸ ಚಕ್ಖಾಯತನಂ ಉಪ್ಪಜ್ಜತೀತಿ?

ಸಬ್ಬೇಸಂ ಚವನ್ತಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಸೋತಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಸೋತಾಯತನಞ್ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ.

ಯಸ್ಸ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ಘಾನಾಯತನಂ…ಪೇ… ರೂಪಾಯತನಂ… ಮನಾಯತನಂ… ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ಚಕ್ಖಾಯತನಂ ಉಪ್ಪಜ್ಜತೀತಿ?

ಸಬ್ಬೇಸಂ ಚವನ್ತಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ. (ಚಕ್ಖಾಯತನಮೂಲಕಂ)

೭೧. ಯಸ್ಸ ಘಾನಾಯತನಂ ಉಪ್ಪಜ್ಜತಿ ತಸ್ಸ ರೂಪಾಯತನಂ…ಪೇ… ಮನಾಯತನಂ… ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ಘಾನಾಯತನಂ ಉಪ್ಪಜ್ಜತೀತಿ?

ಸಬ್ಬೇಸಂ ಚವನ್ತಾನಂ ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಘಾನಾಯತನಂ ಉಪ್ಪಜ್ಜತಿ. ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜತಿ. (ಘಾನಾಯತನಮೂಲಕಂ)

೭೨. ಯಸ್ಸ ರೂಪಾಯತನಂ ಉಪ್ಪಜ್ಜತಿ ತಸ್ಸ ಮನಾಯತನಂ…ಪೇ… ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ರೂಪಾಯತನಂ ಉಪ್ಪಜ್ಜತೀತಿ?

ಸಬ್ಬೇಸಂ ಚವನ್ತಾನಂ ಅರೂಪಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ರೂಪಾಯತನಂ ಉಪ್ಪಜ್ಜತಿ. ಸರೂಪಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ರೂಪಾಯತನಞ್ಚ ಉಪ್ಪಜ್ಜತಿ. (ರೂಪಾಯತನಮೂಲಕಂ)

೭೩. (ಕ) ಯಸ್ಸ ಮನಾಯತನಂ ಉಪ್ಪಜ್ಜತಿ ತಸ್ಸ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ಮನಾಯತನಂ ಉಪ್ಪಜ್ಜತೀತಿ?

ಸಬ್ಬೇಸಂ ಚವನ್ತಾನಂ ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ಮನಾಯತನಂ ಉಪ್ಪಜ್ಜತಿ. ಸಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ಮನಾಯತನಞ್ಚ ಉಪ್ಪಜ್ಜತಿ. (ಮನಾಯತನಮೂಲಕಂ)

(ಖ) ಅನುಲೋಮಓಕಾಸೋ

೭೪. ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತತ್ಥ ಸೋತಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.…ಪೇ….

(ಗ) ಅನುಲೋಮಪುಗ್ಗಲೋಕಾಸಾ

೭೫. (ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಸೋತಾಯತನಂ ಉಪ್ಪಜ್ಜಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಸೋತಾಯತನಂ ಉಪ್ಪಜ್ಜಿತ್ಥ. ಇತರೇಸಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ ಸೋತಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ?

ಪಞ್ಚವೋಕಾರಾ ಚವನ್ತಾನಂ ಅಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ತೇಸಂ ತತ್ಥ ಸೋತಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಸೋತಾಯತನಞ್ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥಾತಿ?

ರೂಪಾವಚರಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ. ಸಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ ಘಾನಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ?

ಕಾಮಾವಚರಾ ಚವನ್ತಾನಂ ಅಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ತೇಸಂ ತತ್ಥ ಘಾನಾಯತನಞ್ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ. ಇತರೇಸಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ ರೂಪಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ?

ಪಞ್ಚವೋಕಾರಾ ಚವನ್ತಾನಂ ಅಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ. ಇತರೇಸಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ ಮನಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ?

ಪಞ್ಚವೋಕಾರಾ ಚವನ್ತಾನಂ ಅಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ. ಇತರೇಸಂ ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ಉಪ್ಪಜ್ಜತೀತಿ?

ಸಬ್ಬೇಸಂ ಚವನ್ತಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ಉಪ್ಪಜ್ಜತಿ. ಸಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ಚಕ್ಖಾಯತನಞ್ಚ ಉಪ್ಪಜ್ಜತಿ. (ಚಕ್ಖಾಯತನಮೂಲಕಂ)

೭೬. (ಕ) ಯಸ್ಸ ಯತ್ಥ ಘಾನಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜತೀತಿ?

ಕಾಮಾವಚರಾ ಚವನ್ತಾನಂ ಅಘಾನಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ರೂಪಾವಚರಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜತಿ. ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಯತ್ಥ ಘಾನಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜತೀತಿ?

ಕಾಮಾವಚರಾ ಚವನ್ತಾನಂ ಅಘಾನಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜತಿ. ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಯತ್ಥ ಘಾನಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ? ಆಮನ್ತಾ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ಉಪ್ಪಜ್ಜತೀತಿ?

ಸಬ್ಬೇಸಂ ಚವನ್ತಾನಂ ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಘಾನಾಯತನಂ ಉಪ್ಪಜ್ಜತಿ. ಸಘಾನಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ಘಾನಾಯತನಞ್ಚ ಉಪ್ಪಜ್ಜತಿ. (ಘಾನಾಯತನಮೂಲಕಂ)

೭೭. (ಕ) ಯಸ್ಸ ಯತ್ಥ ರೂಪಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ. ಇತರೇಸಂ ಪಞ್ಚವೋಕಾರಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜತಿ ಮನಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜತೀತಿ?

ಪಞ್ಚವೋಕಾರಾ ಚವನ್ತಾನಂ ಅರೂಪಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜತಿ. ಪಞ್ಚವೋಕಾರಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜಿತ್ಥ ರೂಪಾಯತನಞ್ಚ ಉಪ್ಪಜ್ಜತಿ.

(ಕ) ಯಸ್ಸ ಯತ್ಥ ರೂಪಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ. ಇತರೇಸಂ ಸರೂಪಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ಉಪ್ಪಜ್ಜತಿ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ಉಪ್ಪಜ್ಜತೀತಿ?

ಸಬ್ಬೇಸಂ ಚವನ್ತಾನಂ ಅರೂಪಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ಉಪ್ಪಜ್ಜತಿ. ಸರೂಪಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ರೂಪಾಯತನಞ್ಚ ಉಪ್ಪಜ್ಜತಿ. (ರೂಪಾಯತನಮೂಲಕಂ)

೭೮. (ಕ) ಯಸ್ಸ ಯತ್ಥ ಮನಾಯತನಂ ಉಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಂ ಉಪ್ಪಜ್ಜತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ. ಇತರೇಸಂ ಸಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಞ್ಚ ಉಪ್ಪಜ್ಜತಿ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ಉಪ್ಪಜ್ಜತೀತಿ?

ಸಬ್ಬೇಸಂ ಚವನ್ತಾನಂ ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಂ ಉಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ಉಪ್ಪಜ್ಜತಿ. ಸಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ಉಪ್ಪಜ್ಜಿತ್ಥ ಮನಾಯತನಞ್ಚ ಉಪ್ಪಜ್ಜತಿ. (ಮನಾಯತನಮೂಲಕಂ)

(ಘ) ಪಚ್ಚನೀಕಪುಗ್ಗಲೋ

೭೯. (ಕ) ಯಸ್ಸ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ಸೋತಾಯತನಂ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಸೋತಾಯತನಂ ನುಪ್ಪಜ್ಜಿತ್ಥ ತಸ್ಸ ಚಕ್ಖಾಯತನಂ ನುಪ್ಪಜ್ಜತೀತಿ? ನತ್ಥಿ.

ಯಸ್ಸ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ಘಾನಾಯತನಂ…ಪೇ… ರೂಪಾಯತನಂ… ಮನಾಯತನಂ… ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ.

ಯಸ್ಸ ವಾ ಪನ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ಚಕ್ಖಾಯತನಂ ನುಪ್ಪಜ್ಜತೀತಿ? ನತ್ಥಿ.

೮೦. ಯಸ್ಸ ಘಾನಾಯತನಂ…ಪೇ… ರೂಪಾಯತನಂ… ಮನಾಯತನಂ ನುಪ್ಪಜ್ಜತಿ ತಸ್ಸ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ? ಉಪ್ಪಜ್ಜಿತ್ಥ.

ಯಸ್ಸ ವಾ ಪನ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ಮನಾಯತನಂ ನುಪ್ಪಜ್ಜತೀತಿ? ನತ್ಥಿ.

(ಙ) ಪಚ್ಚನೀಕಓಕಾಸೋ

೮೧. ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೮೨. (ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಸೋತಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರಾ ಚವನ್ತಾನಂ ಅಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಸೋತಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ ಸೋತಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಸೋತಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಸೋತಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಸೋತಾಯತನಞ್ಚ ನುಪ್ಪಜ್ಜಿತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥಾತಿ?

ಕಾಮಾವಚರಾ ಚವನ್ತಾನಂ ಅಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ. ರೂಪಾವಚರಾ ಚವನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ ಘಾನಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಘಾನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ?

ರೂಪಾವಚರಂ ಉಪಪಜ್ಜನ್ತಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ. ರೂಪಾವಚರಾ ಚವನ್ತಾನಂ ಅಸಞ್ಞಸತ್ತಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜಿತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರಾ ಚವನ್ತಾನಂ ಅಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ ರೂಪಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಞ್ಚ ನುಪ್ಪಜ್ಜಿತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರಾ ಚವನ್ತಾನಂ ಅಚಕ್ಖುಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ ಮನಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜಿತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ.

(ಕ) ಯಸ್ಸ ಯತ್ಥ ಚಕ್ಖಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ?

ಸಬ್ಬೇಸಂ ಚವನ್ತಾನಂ ಅಚಕ್ಖುಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಚಕ್ಖಾಯತನಂ ನುಪ್ಪಜ್ಜತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಚಕ್ಖಾಯತನಂ ನುಪ್ಪಜ್ಜತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ ಚಕ್ಖಾಯತನಞ್ಚ ನುಪ್ಪಜ್ಜತಿ. (ಚಕ್ಖಾಯತನಮೂಲಕಂ)

೮೩. (ಕ) ಯಸ್ಸ ಯತ್ಥ ಘಾನಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥಾತಿ?

ಕಾಮಾವಚರಾ ಚವನ್ತಾನಂ ಅಘಾನಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅರೂಪಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜತಿ ರೂಪಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ರೂಪಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಘಾನಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿತ್ಥಾತಿ?

ಕಾಮಾವಚರಾ ಚವನ್ತಾನಂ ಅಘಾನಕಾನಂ ಕಾಮಾವಚರಂ ಉಪಪಜ್ಜನ್ತಾನಂ ರೂಪಾವಚರಾನಂ ಅರೂಪಾವಚರಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜತಿ ಮನಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜತೀತಿ? ಆಮನ್ತಾ.

(ಕ) ಯಸ್ಸ ಯತ್ಥ ಘಾನಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ?

ಸಬ್ಬೇಸಂ ಚವನ್ತಾನಂ ಅಘಾನಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಘಾನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸಾನಂ ತೇಸಂ ತತ್ಥ ಘಾನಾಯತನಞ್ಚ ನುಪ್ಪಜ್ಜತಿ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಘಾನಾಯತನಂ ನುಪ್ಪಜ್ಜತೀತಿ? ಆಮನ್ತಾ. (ಘಾನಾಯತನಮೂಲಕಂ)

೮೪. (ಕ) ಯಸ್ಸ ಯತ್ಥ ರೂಪಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜಿತ್ಥಾತಿ?

ಪಞ್ಚವೋಕಾರಾ ಚವನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾ ಚವನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನುಪ್ಪಜ್ಜತಿ ಮನಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಮನಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅಸಞ್ಞಸತ್ತಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾ ಚವನ್ತಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜಿತ್ಥ ರೂಪಾಯತನಞ್ಚ ನುಪ್ಪಜ್ಜತಿ.

(ಕ) ಯಸ್ಸ ಯತ್ಥ ರೂಪಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ?

ಸಬ್ಬೇಸಂ ಚವನ್ತಾನಂ ಅರೂಪಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಾಯತನಞ್ಚ ನುಪ್ಪಜ್ಜತಿ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ರೂಪಾಯತನಂ ನುಪ್ಪಜ್ಜತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ರೂಪಾಯತನಂ ನುಪ್ಪಜ್ಜತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ ರೂಪಾಯತನಞ್ಚ ನುಪ್ಪಜ್ಜತಿ. (ರೂಪಾಯತನಮೂಲಕಂ)

೮೫. (ಕ) ಯಸ್ಸ ಯತ್ಥ ಮನಾಯತನಂ ನುಪ್ಪಜ್ಜತಿ ತಸ್ಸ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥಾತಿ?

ಸಬ್ಬೇಸಂ ಚವನ್ತಾನಂ ಅಚಿತ್ತಕಾನಂ ಉಪಪಜ್ಜನ್ತಾನಂ ತೇಸಂ ತತ್ಥ ಮನಾಯತನಂ ನುಪ್ಪಜ್ಜತಿ, ನೋ ಚ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಮನಾಯತನಞ್ಚ ನುಪ್ಪಜ್ಜತಿ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ.

(ಖ) ಯಸ್ಸ ವಾ ಪನ ಯತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ ತಸ್ಸ ತತ್ಥ ಮನಾಯತನಂ ನುಪ್ಪಜ್ಜತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಧಮ್ಮಾಯತನಂ ನುಪ್ಪಜ್ಜಿತ್ಥ, ನೋ ಚ ತೇಸಂ ತತ್ಥ ಮನಾಯತನಂ ನುಪ್ಪಜ್ಜತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ತೇಸಂ ತತ್ಥ ಧಮ್ಮಾಯತನಞ್ಚ ನುಪ್ಪಜ್ಜಿತ್ಥ ಮನಾಯತನಞ್ಚ ನುಪ್ಪಜ್ಜತಿ. (ಮನಾಯತನಮೂಲಕಂ)