೧. ಪದಸೋಧನವಾರೋ

(ಕ) ಅನುಲೋಮಂ

೨೬. (ಕ) ರೂಪಂ ರೂಪಕ್ಖನ್ಧೋತಿ?

ಪಿಯರೂಪಂ ಸಾತರೂಪಂ ರೂಪಂ, ನ ರೂಪಕ್ಖನ್ಧೋ. ರೂಪಕ್ಖನ್ಧೋ ರೂಪಞ್ಚೇವ ರೂಪಕ್ಖನ್ಧೋ ಚ.

(ಖ) ರೂಪಕ್ಖನ್ಧೋ ರೂಪನ್ತಿ? ಆಮನ್ತಾ.

(ಕ) ವೇದನಾ ವೇದನಾಕ್ಖನ್ಧೋತಿ? ಆಮನ್ತಾ.

(ಖ) ವೇದನಾಕ್ಖನ್ಧೋ ವೇದನಾತಿ? ಆಮನ್ತಾ.

(ಕ) ಸಞ್ಞಾ ಸಞ್ಞಾಕ್ಖನ್ಧೋತಿ?

ದಿಟ್ಠಿಸಞ್ಞಾ ಸಞ್ಞಾ, ನ ಸಞ್ಞಾಕ್ಖನ್ಧೋ. ಸಞ್ಞಾಕ್ಖನ್ಧೋ ಸಞ್ಞಾ ಚೇವ ಸಞ್ಞಾಕ್ಖನ್ಧೋ ಚ.

(ಖ) ಸಞ್ಞಾಕ್ಖನ್ಧೋ ಸಞ್ಞಾತಿ? ಆಮನ್ತಾ.

(ಕ) ಸಙ್ಖಾರಾ ಸಙ್ಖಾರಕ್ಖನ್ಧೋತಿ?

ಸಙ್ಖಾರಕ್ಖನ್ಧಂ ಠಪೇತ್ವಾ ಅವಸೇಸಾ ಸಙ್ಖಾರಾ [ಅವಸೇಸಾ ಸಙ್ಖಾರಾ ಸಙ್ಖಾರಾ (ಸ್ಯಾ.)], ನ ಸಙ್ಖಾರಕ್ಖನ್ಧೋ. ಸಙ್ಖಾರಕ್ಖನ್ಧೋ ಸಙ್ಖಾರಾ ಚೇವ ಸಙ್ಖಾರಕ್ಖನ್ಧೋ ಚ.

(ಖ) ಸಙ್ಖಾರಕ್ಖನ್ಧೋ ಸಙ್ಖಾರಾತಿ? ಆಮನ್ತಾ.

(ಕ) ವಿಞ್ಞಾಣಂ ವಿಞ್ಞಾಣಕ್ಖನ್ಧೋತಿ? ಆಮನ್ತಾ.

(ಖ) ವಿಞ್ಞಾಣಕ್ಖನ್ಧೋ ವಿಞ್ಞಾಣನ್ತಿ? ಆಮನ್ತಾ.

(ಖ) ಪಚ್ಚನೀಕಂ

೨೭. (ಕ) ನ ರೂಪಂ ನ ರೂಪಕ್ಖನ್ಧೋತಿ? ಆಮನ್ತಾ.

(ಖ) ನ ರೂಪಕ್ಖನ್ಧೋ ನ ರೂಪನ್ತಿ?

ಪಿಯರೂಪಂ ಸಾತರೂಪಂ ನ ರೂಪಕ್ಖನ್ಧೋ, ರೂಪಂ. ರೂಪಞ್ಚ ರೂಪಕ್ಖನ್ಧಞ್ಚ ಠಪೇತ್ವಾ ಅವಸೇಸಾ ನ ಚೇವ ರೂಪಂ ನ ಚ ರೂಪಕ್ಖನ್ಧೋ.

(ಕ) ನ ವೇದನಾ ನ ವೇದನಾಕ್ಖನ್ಧೋತಿ? ಆಮನ್ತಾ.

(ಖ) ನ ವೇದನಾಕ್ಖನ್ಧೋ ನ ವೇದನಾತಿ? ಆಮನ್ತಾ.

(ಕ) ನ ಸಞ್ಞಾ ನ ಸಞ್ಞಾಕ್ಖನ್ಧೋತಿ? ಆಮನ್ತಾ.

(ಖ) ನ ಸಞ್ಞಾಕ್ಖನ್ಧೋ ನ ಸಞ್ಞಾತಿ?

ದಿಟ್ಠಿಸಞ್ಞಾ ನ ಸಞ್ಞಾಕ್ಖನ್ಧೋ, ಸಞ್ಞಾ. ಸಞ್ಞಞ್ಚ ಸಞ್ಞಾಕ್ಖನ್ಧಞ್ಚ ಠಪೇತ್ವಾ ಅವಸೇಸಾ ನ ಚೇವ ಸಞ್ಞಾ ನ ಚ ಸಞ್ಞಾಕ್ಖನ್ಧೋ.

(ಕ) ನ ಸಙ್ಖಾರಾ ನ ಸಙ್ಖಾರಕ್ಖನ್ಧೋತಿ? ಆಮನ್ತಾ.

(ಖ) ನ ಸಙ್ಖಾರಕ್ಖನ್ಧೋ ನ ಸಙ್ಖಾರಾತಿ?

ಸಙ್ಖಾರಕ್ಖನ್ಧಂ ಠಪೇತ್ವಾ ಅವಸೇಸಾ ನ ಸಙ್ಖಾರಕ್ಖನ್ಧೋ, ಸಙ್ಖಾರಾ. ಸಙ್ಖಾರೇ ಚ ಸಙ್ಖಾರಕ್ಖನ್ಧಞ್ಚ ಠಪೇತ್ವಾ ಅವಸೇಸಾ ನ ಚೇವ ಸಙ್ಖಾರಾ ನ ಚ ಸಙ್ಖಾರಕ್ಖನ್ಧೋ.

(ಕ) ನ ವಿಞ್ಞಾಣಂ ನ ವಿಞ್ಞಾಣಕ್ಖನ್ಧೋತಿ? ಆಮನ್ತಾ.

(ಖ) ನ ವಿಞ್ಞಾಣಕ್ಖನ್ಧೋ ನ ವಿಞ್ಞಾಣನ್ತಿ? ಆಮನ್ತಾ.