೪. ಪಚ್ಚುಪ್ಪನ್ನಾತೀತವಾರೋ

೨೦೯. (ಕ) ಯೋ ರೂಪಕ್ಖನ್ಧಂ ಪರಿಜಾನಾತಿ ಸೋ ವೇದನಾಕ್ಖನ್ಧಂ ಪರಿಜಾನಿತ್ಥಾತಿ? ನೋ.

(ಖ) ಯೋ ವಾ ಪನ ವೇದನಾಕ್ಖನ್ಧಂ ಪರಿಜಾನಿತ್ಥ ಸೋ ರೂಪಕ್ಖನ್ಧಂ ಪರಿಜಾನಾತೀತಿ? ನೋ.

(ಕ) ಯೋ ರೂಪಕ್ಖನ್ಧಂ ನ ಪರಿಜಾನಾತಿ ಸೋ ವೇದನಾಕ್ಖನ್ಧಂ ನ ಪರಿಜಾನಿತ್ಥಾತಿ?

ಅರಹಾ ರೂಪಕ್ಖನ್ಧಂ ನ ಪರಿಜಾನಾತಿ, ನೋ ಚ ವೇದನಾಕ್ಖನ್ಧಂ ನ ಪರಿಜಾನಿತ್ಥ. ಅಗ್ಗಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ರೂಪಕ್ಖನ್ಧಞ್ಚ ನ ಪರಿಜಾನನ್ತಿ ವೇದನಾಕ್ಖನ್ಧಞ್ಚ ನ ಪರಿಜಾನಿತ್ಥ.

(ಖ) ಯೋ ವಾ ಪನ ವೇದನಾಕ್ಖನ್ಧಂ ನ ಪರಿಜಾನಿತ್ಥ ಸೋ ರೂಪಕ್ಖನ್ಧಂ ನ ಪರಿಜಾನಾತೀತಿ?

ಅಗ್ಗಮಗ್ಗಸಮಙ್ಗೀ ವೇದನಾಕ್ಖನ್ಧಂ ನ ಪರಿಜಾನಿತ್ಥ, ನೋ ಚ ರೂಪಕ್ಖನ್ಧಂ ನ ಪರಿಜಾನಾತಿ. ಅಗ್ಗಮಗ್ಗಸಮಙ್ಗಿಞ್ಚ ಅರಹನ್ತಞ್ಚ ಠಪೇತ್ವಾ ಅವಸೇಸಾ ಪುಗ್ಗಲಾ ವೇದನಾಕ್ಖನ್ಧಞ್ಚ ನ ಪರಿಜಾನಿತ್ಥ ರೂಪಕ್ಖನ್ಧಞ್ಚ ನ ಪರಿಜಾನನ್ತಿ.