(೬) ಅತೀತಾನಾಗತವಾರೋ

(ಕ) ಅನುಲೋಮಪುಗ್ಗಲೋ

೧೪೩. (ಕ) ಯಸ್ಸ ರೂಪಕ್ಖನ್ಧೋ ನಿರುಜ್ಝಿತ್ಥ ತಸ್ಸ ವೇದನಾಕ್ಖನ್ಧೋ ನಿರುಜ್ಝಿಸ್ಸತೀತಿ?

ಪರಿನಿಬ್ಬನ್ತಾನಂ ತೇಸಂ ರೂಪಕ್ಖನ್ಧೋ ನಿರುಜ್ಝಿತ್ಥ, ನೋ ಚ ತೇಸಂ ವೇದನಾಕ್ಖನ್ಧೋ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ರೂಪಕ್ಖನ್ಧೋ ಚ ನಿರುಜ್ಝಿತ್ಥ ವೇದನಾಕ್ಖನ್ಧೋ ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ವೇದನಾಕ್ಖನ್ಧೋ ನಿರುಜ್ಝಿಸ್ಸತಿ ತಸ್ಸ ರೂಪಕ್ಖನ್ಧೋ ನಿರುಜ್ಝಿತ್ಥಾತಿ? ಆಮನ್ತಾ.

೧೪೪. (ಕ) ಯಸ್ಸ ವೇದನಾಕ್ಖನ್ಧೋ ನಿರುಜ್ಝಿತ್ಥ ತಸ್ಸ ಸಞ್ಞಾಕ್ಖನ್ಧೋ ನಿರುಜ್ಝಿಸ್ಸತೀತಿ?

ಪರಿನಿಬ್ಬನ್ತಾನಂ ತೇಸಂ ವೇದನಾಕ್ಖನ್ಧೋ ನಿರುಜ್ಝಿತ್ಥ, ನೋ ಚ ತೇಸಂ ಸಞ್ಞಾಕ್ಖನ್ಧೋ ನಿರುಜ್ಝಿಸ್ಸತಿ. ಇತರೇಸಂ ತೇಸಂ ವೇದನಾಕ್ಖನ್ಧೋ ಚ ನಿರುಜ್ಝಿತ್ಥ ಸಞ್ಞಾಕ್ಖನ್ಧೋ ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಸಞ್ಞಾಕ್ಖನ್ಧೋ ನಿರುಜ್ಝಿಸ್ಸತಿ ತಸ್ಸ ವೇದನಾಕ್ಖನ್ಧೋ ನಿರುಜ್ಝಿತ್ಥಾತಿ? ಆಮನ್ತಾ.

(ಖ) ಅನುಲೋಮಓಕಾಸೋ

೧೪೫. ಯತ್ಥ ರೂಪಕ್ಖನ್ಧೋ ನಿರುಜ್ಝಿತ್ಥ…ಪೇ….

(ಗ) ಅನುಲೋಮಪುಗ್ಗಲೋಕಾಸಾ

೧೪೬. (ಕ) ಯಸ್ಸ ಯತ್ಥ ರೂಪಕ್ಖನ್ಧೋ ನಿರುಜ್ಝಿತ್ಥ ತಸ್ಸ ತತ್ಥ ವೇದನಾಕ್ಖನ್ಧೋ ನಿರುಜ್ಝಿಸ್ಸತೀತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ರೂಪಕ್ಖನ್ಧೋ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ವೇದನಾಕ್ಖನ್ಧೋ ನಿರುಜ್ಝಿಸ್ಸತಿ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ರೂಪಕ್ಖನ್ಧೋ ಚ ನಿರುಜ್ಝಿತ್ಥ ವೇದನಾಕ್ಖನ್ಧೋ ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ವೇದನಾಕ್ಖನ್ಧೋ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಕ್ಖನ್ಧೋ ನಿರುಜ್ಝಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ವೇದನಾಕ್ಖನ್ಧೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಕ್ಖನ್ಧೋ ನಿರುಜ್ಝಿತ್ಥ. ಇತರೇಸಂ ಪಞ್ಚವೋಕಾರಾನಂ ತೇಸಂ ತತ್ಥ ವೇದನಾಕ್ಖನ್ಧೋ ಚ ನಿರುಜ್ಝಿಸ್ಸತಿ ರೂಪಕ್ಖನ್ಧೋ ಚ ನಿರುಜ್ಝಿತ್ಥ.

೧೪೭. (ಕ) ಯಸ್ಸ ಯತ್ಥ ವೇದನಾಕ್ಖನ್ಧೋ ನಿರುಜ್ಝಿತ್ಥ ತಸ್ಸ ತತ್ಥ ಸಞ್ಞಾಕ್ಖನ್ಧೋ ನಿರುಜ್ಝಿಸ್ಸತೀತಿ?

ಪರಿನಿಬ್ಬನ್ತಾನಂ ತೇಸಂ ತತ್ಥ ವೇದನಾಕ್ಖನ್ಧೋ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಸಞ್ಞಾಕ್ಖನ್ಧೋ ನಿರುಜ್ಝಿಸ್ಸತಿ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ವೇದನಾಕ್ಖನ್ಧೋ ಚ ನಿರುಜ್ಝಿತ್ಥ ಸಞ್ಞಾಕ್ಖನ್ಧೋ ಚ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಸಞ್ಞಾಕ್ಖನ್ಧೋ ನಿರುಜ್ಝಿಸ್ಸತಿ ತಸ್ಸ ತತ್ಥ ವೇದನಾಕ್ಖನ್ಧೋ ನಿರುಜ್ಝಿತ್ಥಾತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ಸಞ್ಞಾಕ್ಖನ್ಧೋ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವೇದನಾಕ್ಖನ್ಧೋ ನಿರುಜ್ಝಿತ್ಥ. ಇತರೇಸಂ ಚತುವೋಕಾರಾನಂ ಪಞ್ಚವೋಕಾರಾನಂ ತೇಸಂ ತತ್ಥ ಸಞ್ಞಾಕ್ಖನ್ಧೋ ಚ ನಿರುಜ್ಝಿಸ್ಸತಿ ವೇದನಾಕ್ಖನ್ಧೋ ಚ ನಿರುಜ್ಝಿತ್ಥ.

(ಘ) ಪಚ್ಚನೀಕಪುಗ್ಗಲೋ

೧೪೮. (ಕ) ಯಸ್ಸ ರೂಪಕ್ಖನ್ಧೋ ನ ನಿರುಜ್ಝಿತ್ಥ ತಸ್ಸ ವೇದನಾಕ್ಖನ್ಧೋ ನ ನಿರುಜ್ಝಿಸ್ಸತೀತಿ? ನತ್ಥಿ.

(ಖ) ಯಸ್ಸ ವಾ ಪನ ವೇದನಾಕ್ಖನ್ಧೋ ನ ನಿರುಜ್ಝಿಸ್ಸತಿ ತಸ್ಸ ರೂಪಕ್ಖನ್ಧೋ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.

೧೪೯. (ಕ) ಯಸ್ಸ ವೇದನಾಕ್ಖನ್ಧೋ ನ ನಿರುಜ್ಝಿತ್ಥ ತಸ್ಸ ಸಞ್ಞಾಕ್ಖನ್ಧೋ ನ ನಿರುಜ್ಝಿಸ್ಸತೀತಿ? ನತ್ಥಿ.

(ಖ) ಯಸ್ಸ ವಾ ಪನ ಸಞ್ಞಾಕ್ಖನ್ಧೋ ನ ನಿರುಜ್ಝಿಸ್ಸತಿ ತಸ್ಸ ವೇದನಾಕ್ಖನ್ಧೋ ನ ನಿರುಜ್ಝಿತ್ಥಾತಿ? ನಿರುಜ್ಝಿತ್ಥ.

(ಙ) ಪಚ್ಚನೀಕಓಕಾಸೋ

೧೫೦. ಯತ್ಥ ರೂಪಕ್ಖನ್ಧೋ ನ ನಿರುಜ್ಝಿತ್ಥ…ಪೇ….

(ಚ) ಪಚ್ಚನೀಕಪುಗ್ಗಲೋಕಾಸಾ

೧೫೧. (ಕ) ಯಸ್ಸ ಯತ್ಥ ರೂಪಕ್ಖನ್ಧೋ ನ ನಿರುಜ್ಝಿತ್ಥ ತಸ್ಸ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝಿಸ್ಸತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ಅರೂಪಾನಂ ತೇಸಂ ತತ್ಥ ರೂಪಕ್ಖನ್ಧೋ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝಿಸ್ಸತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ರೂಪಕ್ಖನ್ಧೋ ಚ ನ ನಿರುಜ್ಝಿತ್ಥ, ವೇದನಾಕ್ಖನ್ಧೋ ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ವೇದನಾಕ್ಖನ್ಧೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ರೂಪಕ್ಖನ್ಧೋ ನ ನಿರುಜ್ಝಿತ್ಥಾತಿ?

ಪಞ್ಚವೋಕಾರೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ರೂಪಕ್ಖನ್ಧೋ ನ ನಿರುಜ್ಝಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅರೂಪೇ ಪರಿನಿಬ್ಬನ್ತಾನಂ ತೇಸಂ ತತ್ಥ ವೇದನಾಕ್ಖನ್ಧೋ ಚ ನ ನಿರುಜ್ಝಿಸ್ಸತಿ ರೂಪಕ್ಖನ್ಧೋ ಚ ನ ನಿರುಜ್ಝಿತ್ಥ.

೧೫೨. (ಕ) ಯಸ್ಸ ಯತ್ಥ ವೇದನಾಕ್ಖನ್ಧೋ ನ ನಿರುಜ್ಝಿತ್ಥ ತಸ್ಸ ತತ್ಥ ಸಞ್ಞಾಕ್ಖನ್ಧೋ ನ ನಿರುಜ್ಝಿಸ್ಸತೀತಿ?

ಸುದ್ಧಾವಾಸಂ ಉಪಪಜ್ಜನ್ತಾನಂ ತೇಸಂ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝಿತ್ಥ, ನೋ ಚ ತೇಸಂ ತತ್ಥ ಸಞ್ಞಾಕ್ಖನ್ಧೋ ನ ನಿರುಜ್ಝಿಸ್ಸತಿ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ವೇದನಾಕ್ಖನ್ಧೋ ಚ ನ ನಿರುಜ್ಝಿತ್ಥ ಸಞ್ಞಾಕ್ಖನ್ಧೋ ಚ ನ ನಿರುಜ್ಝಿಸ್ಸತಿ.

(ಖ) ಯಸ್ಸ ವಾ ಪನ ಯತ್ಥ ಸಞ್ಞಾಕ್ಖನ್ಧೋ ನ ನಿರುಜ್ಝಿಸ್ಸತಿ ತಸ್ಸ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝಿತ್ಥಾತಿ?

ಪರಿನಿಬ್ಬನ್ತಾನಂ ತೇಸಂ ತತ್ಥ ಸಞ್ಞಾಕ್ಖನ್ಧೋ ನ ನಿರುಜ್ಝಿಸ್ಸತಿ, ನೋ ಚ ತೇಸಂ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝಿತ್ಥ. ಸುದ್ಧಾವಾಸೇ ಪರಿನಿಬ್ಬನ್ತಾನಂ ಅಸಞ್ಞಸತ್ತಾನಂ ತೇಸಂ ತತ್ಥ ಸಞ್ಞಾಕ್ಖನ್ಧೋ ಚ ನ ನಿರುಜ್ಝಿಸ್ಸತಿ ವೇದನಾಕ್ಖನ್ಧೋ ಚ ನ ನಿರುಜ್ಝಿತ್ಥ.

ನಿರೋಧವಾರೋ.