(೧) ಪಚ್ಚುಪ್ಪನ್ನವಾರೋ

(ಕ) ಅನುಲೋಮಪುಗ್ಗಲೋ

೧೦೪. (ಕ) ಯಸ್ಸ ರೂಪಕ್ಖನ್ಧೋ ನಿರುಜ್ಝತಿ ತಸ್ಸ ವೇದನಾಕ್ಖನ್ಧೋ ನಿರುಜ್ಝತೀತಿ?

ಅಸಞ್ಞಸತ್ತಾ ಚವನ್ತಾನಂ ತೇಸಂ ರೂಪಕ್ಖನ್ಧೋ ನಿರುಜ್ಝತಿ, ನೋ ಚ ತೇಸಂ ವೇದನಾಕ್ಖನ್ಧೋ ನಿರುಜ್ಝತಿ. ಪಞ್ಚವೋಕಾರಾ ಚವನ್ತಾನಂ ತೇಸಂ ರೂಪಕ್ಖನ್ಧೋ ಚ ನಿರುಜ್ಝತಿ ವೇದನಾಕ್ಖನ್ಧೋ ಚ ನಿರುಜ್ಝತಿ.

(ಖ) ಯಸ್ಸ ವಾ ಪನ ವೇದನಾಕ್ಖನ್ಧೋ ನಿರುಜ್ಝತಿ ತಸ್ಸ ರೂಪಕ್ಖನ್ಧೋ ನಿರುಜ್ಝತೀತಿ?

ಅರೂಪಾ ಚವನ್ತಾನಂ ತೇಸಂ ವೇದನಾಕ್ಖನ್ಧೋ ನಿರುಜ್ಝತಿ, ನೋ ಚ ತೇಸಂ ರೂಪಕ್ಖನ್ಧೋ ನಿರುಜ್ಝತಿ. ಪಞ್ಚವೋಕಾರಾ ಚವನ್ತಾನಂ ತೇಸಂ ವೇದನಾಕ್ಖನ್ಧೋ ಚ ನಿರುಜ್ಝತಿ ರೂಪಕ್ಖನ್ಧೋ ಚ ನಿರುಜ್ಝತಿ.

(ಖ) ಅನುಲೋಮಓಕಾಸೋ

೧೦೫. (ಕ) ಯತ್ಥ ರೂಪಕ್ಖನ್ಧೋ ನಿರುಜ್ಝತಿ ತತ್ಥ ವೇದನಾಕ್ಖನ್ಧೋ ನಿರುಜ್ಝತೀತಿ?

ಅಸಞ್ಞಸತ್ತೇ ತತ್ಥ ರೂಪಕ್ಖನ್ಧೋ ನಿರುಜ್ಝತಿ, ನೋ ಚ ತತ್ಥ ವೇದನಾಕ್ಖನ್ಧೋ ನಿರುಜ್ಝತಿ. ಪಞ್ಚವೋಕಾರೇ ತತ್ಥ ರೂಪಕ್ಖನ್ಧೋ ಚ ನಿರುಜ್ಝತಿ ವೇದನಾಕ್ಖನ್ಧೋ ಚ ನಿರುಜ್ಝತಿ.

(ಖ) ಯತ್ಥ ವಾ ಪನ ವೇದನಾಕ್ಖನ್ಧೋ ನಿರುಜ್ಝತಿ ತತ್ಥ ರೂಪಕ್ಖನ್ಧೋ ನಿರುಜ್ಝತೀತಿ?

ಅರೂಪೇ ತತ್ಥ ವೇದನಾಕ್ಖನ್ಧೋ ನಿರುಜ್ಝತಿ, ನೋ ಚ ತತ್ಥ ರೂಪಕ್ಖನ್ಧೋ ನಿರುಜ್ಝತಿ. ಪಞ್ಚವೋಕಾರೇ ತತ್ಥ ವೇದನಾಕ್ಖನ್ಧೋ ಚ ನಿರುಜ್ಝತಿ ರೂಪಕ್ಖನ್ಧೋ ಚ ನಿರುಜ್ಝತಿ.

(ಗ) ಅನುಲೋಮಪುಗ್ಗಲೋಕಾಸಾ

೧೦೬. (ಕ) ಯಸ್ಸ ಯತ್ಥ ರೂಪಕ್ಖನ್ಧೋ ನಿರುಜ್ಝತಿ ತಸ್ಸ ತತ್ಥ ವೇದನಾಕ್ಖನ್ಧೋ ನಿರುಜ್ಝತೀತಿ?

ಅಸಞ್ಞಸತ್ತಾ ಚವನ್ತಾನಂ ತೇಸಂ ತತ್ಥ ರೂಪಕ್ಖನ್ಧೋ ನಿರುಜ್ಝತಿ, ನೋ ಚ ತೇಸಂ ತತ್ಥ ವೇದನಾಕ್ಖನ್ಧೋ ನಿರುಜ್ಝತಿ. ಪಞ್ಚವೋಕಾರಾ ಚವನ್ತಾನಂ ತೇಸಂ ತತ್ಥ ರೂಪಕ್ಖನ್ಧೋ ಚ ನಿರುಜ್ಝತಿ ವೇದನಾಕ್ಖನ್ಧೋ ಚ ನಿರುಜ್ಝತಿ.

(ಖ) ಯಸ್ಸ ವಾ ಪನ ಯತ್ಥ ವೇದನಾಕ್ಖನ್ಧೋ ನಿರುಜ್ಝತಿ ತಸ್ಸ ತತ್ಥ ರೂಪಕ್ಖನ್ಧೋ ನಿರುಜ್ಝತೀತಿ?

ಅರೂಪಾ ಚವನ್ತಾನಂ ತೇಸಂ ತತ್ಥ ವೇದನಾಕ್ಖನ್ಧೋ ನಿರುಜ್ಝತಿ, ನೋ ಚ ತೇಸಂ ತತ್ಥ ರೂಪಕ್ಖನ್ಧೋ ನಿರುಜ್ಝತಿ. ಪಞ್ಚವೋಕಾರಾ ಚವನ್ತಾನಂ ತೇಸಂ ತತ್ಥ ವೇದನಾಕ್ಖನ್ಧೋ ಚ ನಿರುಜ್ಝತಿ ರೂಪಕ್ಖನ್ಧೋ ಚ ನಿರುಜ್ಝತಿ.

(ಘ) ಪಚ್ಚನೀಕಪುಗ್ಗಲೋ

೧೦೭. (ಕ) ಯಸ್ಸ ರೂಪಕ್ಖನ್ಧೋ ನ ನಿರುಜ್ಝತಿ ತಸ್ಸ ವೇದನಾಕ್ಖನ್ಧೋ ನ ನಿರುಜ್ಝತೀತಿ?

ಅರೂಪಾ ಚವನ್ತಾನಂ ತೇಸಂ ರೂಪಕ್ಖನ್ಧೋ ನ ನಿರುಜ್ಝತಿ, ನೋ ಚ ತೇಸಂ ವೇದನಾಕ್ಖನ್ಧೋ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ರೂಪಕ್ಖನ್ಧೋ ಚ ನ ನಿರುಜ್ಝತಿ ವೇದನಾಕ್ಖನ್ಧೋ ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ವೇದನಾಕ್ಖನ್ಧೋ ನ ನಿರುಜ್ಝತಿ ತಸ್ಸ ರೂಪಕ್ಖನ್ಧೋ ನ ನಿರುಜ್ಝತೀತಿ?

ಅಸಞ್ಞಸತ್ತಾ ಚವನ್ತಾನಂ ತೇಸಂ ವೇದನಾಕ್ಖನ್ಧೋ ನ ನಿರುಜ್ಝತಿ, ನೋ ಚ ತೇಸಂ ರೂಪಕ್ಖನ್ಧೋ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ವೇದನಾಕ್ಖನ್ಧೋ ಚ ನ ನಿರುಜ್ಝತಿ ರೂಪಕ್ಖನ್ಧೋ ಚ ನ ನಿರುಜ್ಝತಿ.

(ಙ) ಪಚ್ಚನೀಕಓಕಾಸೋ

೧೦೮. (ಕ) ಯತ್ಥ ರೂಪಕ್ಖನ್ಧೋ ನ ನಿರುಜ್ಝತಿ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝತೀತಿ? ನಿರುಜ್ಝತಿ.

(ಖ) ಯತ್ಥ ವಾ ಪನ ವೇದನಾಕ್ಖನ್ಧೋ ನ ನಿರುಜ್ಝತಿ ತತ್ಥ ರೂಪಕ್ಖನ್ಧೋ ನ ನಿರುಜ್ಝತೀತಿ? ನಿರುಜ್ಝತಿ.

(ಚ) ಪಚ್ಚನೀಕಪುಗ್ಗಲೋಕಾಸಾ

೧೦೯. (ಕ) ಯಸ್ಸ ಯತ್ಥ ರೂಪಕ್ಖನ್ಧೋ ನ ನಿರುಜ್ಝತಿ ತಸ್ಸ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝತೀತಿ?

ಅರೂಪಾ ಚವನ್ತಾನಂ ತೇಸಂ ತತ್ಥ ರೂಪಕ್ಖನ್ಧೋ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ತತ್ಥ ರೂಪಕ್ಖನ್ಧೋ ಚ ನ ನಿರುಜ್ಝತಿ ವೇದನಾಕ್ಖನ್ಧೋ ಚ ನ ನಿರುಜ್ಝತಿ.

(ಖ) ಯಸ್ಸ ವಾ ಪನ ಯತ್ಥ ವೇದನಾಕ್ಖನ್ಧೋ ನ ನಿರುಜ್ಝತಿ ತಸ್ಸ ತತ್ಥ ರೂಪಕ್ಖನ್ಧೋ ನ ನಿರುಜ್ಝತೀತಿ?

ಅಸಞ್ಞಸತ್ತಾ ಚವನ್ತಾನಂ ತೇಸಂ ತತ್ಥ ವೇದನಾಕ್ಖನ್ಧೋ ನ ನಿರುಜ್ಝತಿ, ನೋ ಚ ತೇಸಂ ತತ್ಥ ರೂಪಕ್ಖನ್ಧೋ ನ ನಿರುಜ್ಝತಿ. ಸಬ್ಬೇಸಂ ಉಪಪಜ್ಜನ್ತಾನಂ ತೇಸಂ ತತ್ಥ ವೇದನಾಕ್ಖನ್ಧೋ ಚ ನ ನಿರುಜ್ಝತಿ ರೂಪಕ್ಖನ್ಧೋ ಚ ನ ನಿರುಜ್ಝತಿ.