೪. ಪರಿಯಾಪನ್ನಾಪರಿಯಾಪನ್ನಂ

೧೦೦೫. ಪಞ್ಚನ್ನಂ ಖನ್ಧಾನಂ ಕತಿ ಪರಿಯಾಪನ್ನಾ, ಕತಿ ಅಪರಿಯಾಪನ್ನಾ…ಪೇ… ಸತ್ತನ್ನಂ ಚಿತ್ತಾನಂ ಕತಿ ಪರಿಯಾಪನ್ನಾ, ಕತಿ ಅಪರಿಯಾಪನ್ನಾ?

೧೦೦೬. ರೂಪಕ್ಖನ್ಧೋ ಪರಿಯಾಪನ್ನೋ; ಚತ್ತಾರೋ ಖನ್ಧಾ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ.

ದಸಾಯತನಾ ಪರಿಯಾಪನ್ನಾ; ದ್ವೇ ಆಯತನಾ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ.

ಸೋಳಸ ಧಾತುಯೋ ಪರಿಯಾಪನ್ನಾ; ದ್ವೇ ಧಾತುಯೋ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ.

ದ್ವೇ ಸಚ್ಚಾ ಪರಿಯಾಪನ್ನಾ; ದ್ವೇ ಸಚ್ಚಾ ಅಪರಿಯಾಪನ್ನಾ.

ದಸಿನ್ದ್ರಿಯಾ ಪರಿಯಾಪನ್ನಾ, ತೀಣಿನ್ದ್ರಿಯಾ ಅಪರಿಯಾಪನ್ನಾ; ನವಿನ್ದ್ರಿಯಾ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ.

ತಯೋ ಅಕುಸಲಹೇತೂ ಪರಿಯಾಪನ್ನಾ; ಛ ಹೇತೂ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ.

ಕಬಳೀಕಾರೋ ಆಹಾರೋ ಪರಿಯಾಪನ್ನೋ; ತಯೋ ಆಹಾರಾ ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ.

ಛ ಫಸ್ಸಾ ಪರಿಯಾಪನ್ನಾ; ಮನೋವಿಞ್ಞಾಣಧಾತುಸಮ್ಫಸ್ಸೋ ಸಿಯಾ ಪರಿಯಾಪನ್ನೋ, ಸಿಯಾ ಅಪರಿಯಾಪನ್ನೋ.

ಛ ವೇದನಾ…ಪೇ… ಛ ಸಞ್ಞಾ… ಛ ಚೇತನಾ… ಛ ಚಿತ್ತಾ ಪರಿಯಾಪನ್ನಾ; ಮನೋವಿಞ್ಞಾಣಧಾತು ಸಿಯಾ ಪರಿಯಾಪನ್ನಾ, ಸಿಯಾ ಅಪರಿಯಾಪನ್ನಾ.