(೧) ರೂಪದುಕಂ

೧೦೪೩. ಪಞ್ಚನ್ನಂ ಖನ್ಧಾನಂ ಕತಿ ರೂಪಾ, ಕತಿ ಅರೂಪಾ…ಪೇ… ಸತ್ತನ್ನಂ ಚಿತ್ತಾನಂ ಕತಿ ರೂಪಾ, ಕತಿ ಅರೂಪಾ?

ರೂಪಕ್ಖನ್ಧೋ ರೂಪಂ. ಚತ್ತಾರೋ ಖನ್ಧಾ ಅರೂಪಾ. ದಸಾಯತನಾ ರೂಪಾ. ಮನಾಯತನಂ ಅರೂಪಂ. ಧಮ್ಮಾಯತನಂ ಸಿಯಾ ರೂಪಂ, ಸಿಯಾ ಅರೂಪಂ. ದಸ ಧಾತುಯೋ ರೂಪಾ. ಸತ್ತ ಧಾತುಯೋ ಅರೂಪಾ. ಧಮ್ಮಧಾತು ಸಿಯಾ ರೂಪಾ, ಸಿಯಾ ಅರೂಪಾ. ತೀಣಿ ಸಚ್ಚಾನಿ ಅರೂಪಾ. ದುಕ್ಖಸಚ್ಚಂ ಸಿಯಾ ರೂಪಂ, ಸಿಯಾ ಅರೂಪಂ. ಸತ್ತಿನ್ದ್ರಿಯಾ ರೂಪಾ. ಚುದ್ದಸಿನ್ದ್ರಿಯಾ ಅರೂಪಾ. ಜೀವಿತಿನ್ದ್ರಿಯಂ ಸಿಯಾ ರೂಪಂ, ಸಿಯಾ ಅರೂಪಂ. ನವ ಹೇತೂ ಅರೂಪಾ. ಕಬಳೀಕಾರೋ ಆಹಾರೋ ರೂಪಂ. ತಯೋ ಆಹಾರಾ ಅರೂಪಾ. ಸತ್ತ ಫಸ್ಸಾ ಅರೂಪಾ. ಸತ್ತ ವೇದನಾ… ಸತ್ತ ಸಞ್ಞಾ… ಸತ್ತ ಚೇತನಾ ಸತ್ತ ಚಿತ್ತಾ ಅರೂಪಾ.