೨. ದುಕಉದ್ದೇಸೋ

೮. ದ್ವೇ ಪುಗ್ಗಲಾ –

(೧) ಕೋಧನೋ ಚ, ಉಪನಾಹೀ ಚ.

(೨) ಮಕ್ಖೀ ಚ, ಪಳಾಸೀ [ಪಲಾಸೀ (ಸ್ಯಾ. ಕ.)] ಚ.

(೩) ಇಸ್ಸುಕೀ ಚ, ಮಚ್ಛರೀ ಚ.

(೪) ಸಠೋ ಚ, ಮಾಯಾವೀ ಚ.

(೫) ಅಹಿರಿಕೋ ಚ, ಅನೋತ್ತಪ್ಪೀ ಚ.

(೬) ದುಬ್ಬಚೋ ಚ, ಪಾಪಮಿತ್ತೋ ಚ.

(೭) ಇನ್ದ್ರಿಯೇಸು ಅಗುತ್ತದ್ವಾರೋ ಚ, ಭೋಜನೇ ಅಮತ್ತಞ್ಞೂ ಚ.

(೮) ಮುಟ್ಠಸ್ಸತಿ ಚ, ಅಸಮ್ಪಜಾನೋ ಚ.

(೯) ಸೀಲವಿಪನ್ನೋ ಚ, ದಿಟ್ಠಿವಿಪನ್ನೋ ಚ.

(೧೦) ಅಜ್ಝತ್ತಸಂಯೋಜನೋ ಚ, ಬಹಿದ್ಧಾಸಂಯೋಜನೋ ಚ.

(೧೧) ಅಕ್ಕೋಧನೋ ಚ, ಅನುಪನಾಹೀ ಚ.

(೧೨) ಅಮಕ್ಖೀ ಚ, ಅಪಳಾಸೀ ಚ.

(೧೩) ಅನಿಸ್ಸುಕೀ ಚ, ಅಮಚ್ಛರೀ ಚ.

(೧೪) ಅಸಠೋ ಚ, ಅಮಾಯಾವೀ ಚ.

(೧೫) ಹಿರಿಮಾ ಚ, ಓತ್ತಪ್ಪೀ ಚ.

(೧೬) ಸುವಚೋ ಚ, ಕಲ್ಯಾಣಮಿತ್ತೋ ಚ.

(೧೭) ಇನ್ದ್ರಿಯೇಸು ಗುತ್ತದ್ವಾರೋ ಚ, ಭೋಜನೇ ಮತ್ತಞ್ಞೂ ಚ.

(೧೮) ಉಪಟ್ಠಿತಸ್ಸತಿ ಚ, ಸಮ್ಪಜಾನೋ ಚ.

(೧೯) ಸೀಲಸಮ್ಪನ್ನೋ ಚ, ದಿಟ್ಠಿಸಮ್ಪನ್ನೋ ಚ.

(೨೦) ದ್ವೇ ಪುಗ್ಗಲಾ ದುಲ್ಲಭಾ ಲೋಕಸ್ಮಿಂ.

(೨೧) ದ್ವೇ ಪುಗ್ಗಲಾ ದುತ್ತಪ್ಪಯಾ.

(೨೨) ದ್ವೇ ಪುಗ್ಗಲಾ ಸುತಪ್ಪಯಾ.

(೨೩) ದ್ವಿನ್ನಂ ಪುಗ್ಗಲಾನಂ ಆಸವಾ ವಡ್ಢನ್ತಿ.

(೨೪) ದ್ವಿನ್ನಂ ಪುಗ್ಗಲಾನಂ ಆಸವಾ ನ ವಡ್ಢನ್ತಿ.

(೨೫) ಹೀನಾಧಿಮುತ್ತೋ ಚ, ಪಣೀತಾಧಿಮುತ್ತೋ ಚ.

(೨೬) ತಿತ್ತೋ ಚ, ತಪ್ಪೇತಾ ಚ.

ದುಕಂ.