೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೩೧. ನೀವರಣವಿಪ್ಪಯುತ್ತಂ ನೀವರಣಿಯಂ ಕುಸಲಂ ಧಮ್ಮಂ ಪಟಿಚ್ಚ ನೀವರಣವಿಪ್ಪಯುತ್ತೋ ನೀವರಣಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನೀವರಣವಿಪ್ಪಯುತ್ತಂ ಅನೀವರಣಿಯಂ ಕುಸಲಂ ಧಮ್ಮಂ ಪಟಿಚ್ಚ ನೀವರಣವಿಪ್ಪಯುತ್ತೋ ಅನೀವರಣಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೩೨. ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ).

(ಸಹಜಾತವಾರೋಪಿ…ಪೇ… ಪಞ್ಹಾವಾರೋಪಿ ವಿತ್ಥಾರೇತಬ್ಬಾ.)

೩೩. ನೀವರಣವಿಪ್ಪಯುತ್ತಂ ನೀವರಣಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನೀವರಣವಿಪ್ಪಯುತ್ತೋ ನೀವರಣಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನೀವರಣವಿಪ್ಪಯುತ್ತಂ ಅನೀವರಣಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನೀವರಣವಿಪ್ಪಯುತ್ತೋ ಅನೀವರಣಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನೀವರಣವಿಪ್ಪಯುತ್ತಂ ನೀವರಣಿಯಂ ಅಬ್ಯಾಕತಞ್ಚ ನೀವರಣವಿಪ್ಪಯುತ್ತಂ ಅನೀವರಣಿಯಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನೀವರಣವಿಪ್ಪಯುತ್ತೋ ನೀವರಣಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೩೪. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ…ಪೇ… ವಿಪಾಕೇ ಪಞ್ಚ (ಸಂಖಿತ್ತಂ).

(ಸಹಜಾತವಾರೇಪಿ …ಪೇ… ಪಞ್ಹಾವಾರೇಪಿ ಸಬ್ಬತ್ಥ ವಿತ್ಥಾರೇತಬ್ಬಂ.)

ನೀವರಣಗೋಚ್ಛಕಕುಸಲತ್ತಿಕಂ ನಿಟ್ಠಿತಂ.