೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೨೪. ಗನ್ಥನಿಯಞ್ಚೇವ ನೋ ಚ ಗನ್ಥಂ ಕುಸಲಂ ಧಮ್ಮಂ ಪಟಿಚ್ಚ ಗನ್ಥನಿಯೋ ಚೇವ ನೋ ಚ ಗನ್ಥೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೨೫. ಹೇತುಯಾ ಏಕಂ, ಆರಮ್ಮಣೇ ಏಕಂ, ಅವಿಗತೇ ಏಕಂ.

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೨೬. ಗನ್ಥಞ್ಚೇವ ಗನ್ಥನಿಯಞ್ಚ ಅಕುಸಲಂ ಧಮ್ಮಂ ಪಟಿಚ್ಚ ಗನ್ಥೋ ಚೇವ ಗನ್ಥನಿಯೋ ಚ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಗನ್ಥನಿಯಞ್ಚೇವ ನೋ ಚ ಗನ್ಥಂ ಅಕುಸಲಂ ಧಮ್ಮಂ ಪಟಿಚ್ಚ ಗನ್ಥನಿಯೋ ಚೇವ ನೋ ಚ ಗನ್ಥೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಗನ್ಥಞ್ಚೇವ ಗನ್ಥನಿಯಂ ಅಕುಸಲಞ್ಚ ಗನ್ಥನಿಯಞ್ಚೇವ ನೋ ಚ ಗನ್ಥಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಗನ್ಥೋ ಚೇವ ಗನ್ಥನಿಯೋ ಚ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೨೭. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತುಯಾ ಏಕಂ, ನಅಧಿಪತಿಯಾ ನವ…ಪೇ… ನಕಮ್ಮೇ ತೀಣಿ…ಪೇ… ನವಿಪ್ಪಯುತ್ತೇ ನವ (ಸಂಖಿತ್ತಂ).

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ ವಿತ್ಥಾರೇತಬ್ಬಂ.)

೨೮. ಗನ್ಥೋ ಚೇವ ಗನ್ಥನಿಯೋ ಚ ಅಕುಸಲೋ ಧಮ್ಮೋ ಗನ್ಥಸ್ಸ ಚೇವ ಗನ್ಥನಿಯಸ್ಸ ಚ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೨೯. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಕಮ್ಮೇ ಆಹಾರೇ ಇನ್ದ್ರಿಯೇ ಝಾನೇ ತೀಣಿ…ಪೇ… ಅವಿಗತೇ ನವ (ಸಂಖಿತ್ತಂ).

೩೦. ನಹೇತುಯಾ ನವ, ನಆರಮ್ಮಣೇ ನವ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ನವ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಮ್ಪಿ ಪಚ್ಚನೀಯಮ್ಪಿ ಅನುಲೋಮಪಚ್ಚನೀಯಮ್ಪಿ ಪಚ್ಚನೀಯಾನುಲೋಮಮ್ಪಿ ಗಣಿತಂ, ಏವಂ ಗಣೇತಬ್ಬಂ.)

೩೧. ಗನ್ಥನಿಯಞ್ಚೇವ ನೋ ಚ ಗನ್ಥಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಗನ್ಥನಿಯೋ ಚೇವ ನೋ ಚ ಗನ್ಥೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೩೨. ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)