೨೦-೧. ಸಞ್ಞೋಜನದುಕ-ಕುಸಲತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧. ನೋಸಞ್ಞೋಜನಂ ಕುಸಲಂ ಧಮ್ಮಂ ಪಟಿಚ್ಚ ನೋಸಞ್ಞೋಜನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೨. ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೩. ಸಞ್ಞೋಜನಂ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸಞ್ಞೋಜನಂ ಅಕುಸಲಂ ಧಮ್ಮಂ ಪಟಿಚ್ಚ ನೋಸಞ್ಞೋಜನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸಞ್ಞೋಜನಂ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಅಕುಸಲೋ ಚ ನೋಸಞ್ಞೋಜನೋ ಅಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩) (ಸಂಖಿತ್ತಂ.)

೪. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತುಯಾ ತೀಣಿ, ನಅಧಿಪತಿಯಾ ನವ…ಪೇ… ನಕಮ್ಮೇ ತೀಣಿ…ಪೇ… ನವಿಪ್ಪಯುತ್ತೇ ನವ (ಸಂಖಿತ್ತಂ).

(ಸಹಜಾತವಾರೋಪಿ…ಪೇ… ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)

೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೫. ಸಞ್ಞೋಜನೋ ಅಕುಸಲೋ ಧಮ್ಮೋ ಸಞ್ಞೋಜನಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೬. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಉಪನಿಸ್ಸಯೇ ಆಸೇವನೇ ನವ, ಕಮ್ಮೇ ತೀಣಿ, ಆಹಾರೇ ಇನ್ದ್ರಿಯೇ ಝಾನೇ ತೀಣಿ, ಮಗ್ಗೇ ಸಮ್ಪಯುತ್ತೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

೭. ನಹೇತುಯಾ ನವ, ನಆರಮ್ಮಣೇ ನವ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಮ್ಪಿ ಪಚ್ಚನೀಯಮ್ಪಿ ಅನುಲೋಮಪಚ್ಚನೀಯಮ್ಪಿ ಪಚ್ಚನೀಯಾನುಲೋಮಮ್ಪಿ ಗಣಿತಂ, ಏವಂ ಗಣೇತಬ್ಬಂ.)

ಅಬ್ಯಾಕತಪದಂ

ಹೇತುಪಚ್ಚಯೋ

೮. ನೋಸಞ್ಞೋಜನಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನೋಸಞ್ಞೋಜನೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೯. ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೨೧-೧. ಸಞ್ಞೋಜನಿಯದುಕ-ಕುಸಲತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧೦. ಸಞ್ಞೋಜನಿಯಂ ಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಸಞ್ಞೋಜನಿಯಂ ಕುಸಲಂ ಧಮ್ಮಂ ಪಟಿಚ್ಚ ಅಸಞ್ಞೋಜನಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೧೧. ಹೇತುಯಾ ದ್ವೇ, ಆರಮ್ಮಣೇ ದ್ವೇ (ಸಂಖಿತ್ತಂ).

(ಯಥಾ ಚೂಳನ್ತರದುಕೇ ಲೋಕಿಯದುಕಗಮನಂ, ಏವಂ ಇಮಮ್ಪಿ ಞಾತಬ್ಬಂ. ಸಹಜಾತವಾರೋಪಿ…ಪೇ… ಪಞ್ಹಾವಾರೋಪಿ ವಿತ್ಥಾರೇತಬ್ಬಾ.)

೧೨. ಸಞ್ಞೋಜನಿಯಂ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೧೩. ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

ಅಬ್ಯಾಕತಪದಂ

ಹೇತುಪಚ್ಚಯೋ

೧೪. ಸಞ್ಞೋಜನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಸಞ್ಞೋಜನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಅಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಸಞ್ಞೋಜನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಅಸಞ್ಞೋಜನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಅಬ್ಯಾಕತೋ ಚ ಅಸಞ್ಞೋಜನಿಯೋ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಸಞ್ಞೋಜನಿಯಂ ಅಬ್ಯಾಕತಞ್ಚ ಅಸಞ್ಞೋಜನಿಯಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

೧೫. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ).

ಚೂಳನ್ತರದುಕೇ ಲೋಕಿಯದುಕಸದಿಸಂ. (ಸಹಜಾತವಾರೋಪಿ…ಪೇ… ಸಮ್ಪಯುತ್ತವಾರೋಪಿ ವಿತ್ಥಾರೇತಬ್ಬಾ.)

೭. ಪಞ್ಹಾವಾರೋ

ಹೇತುಪಚ್ಚಯೋ

೧೬. ಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಸಞ್ಞೋಜನಿಯಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಅಸಞ್ಞೋಜನಿಯಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).

೧೭. ಹೇತುಯಾ ಚತ್ತಾರಿ, ಆರಮ್ಮಣೇ ತೀಣಿ, ಅಧಿಪತಿಯಾ ಚತ್ತಾರಿ…ಪೇ… ಅವಿಗತೇ ಸತ್ತ (ಸಂಖಿತ್ತಂ).

ಪಚ್ಚನೀಯುದ್ಧಾರೋ

೧೮. ಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಸಞ್ಞೋಜನಿಯಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೧೯. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ತೀಣಿ (ಸಂಖಿತ್ತಂ).

೨೨-೧. ಸಞ್ಞೋಜನಸಮ್ಪಯುತ್ತದುಕ-ಕುಸಲತ್ತಿಕಂ

೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೨೦. ಸಞ್ಞೋಜನವಿಪ್ಪಯುತ್ತಂ ಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ …ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೨೧. ಸಞ್ಞೋಜನಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಸಞ್ಞೋಜನಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಸಂಖಿತ್ತಂ).

೨೨. ಹೇತುಯಾ ತೀಣಿ, ಆರಮ್ಮಣೇ ಪಞ್ಚ, ಅಧಿಪತಿಯಾ ಏಕಂ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ, ಅನುಲೋಮಂ).

ಪಚ್ಚನೀಯಂ

ನಹೇತುಪಚ್ಚಯೋ

೨೩. ಸಞ್ಞೋಜನಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಮೋಹೋ. ಸಞ್ಞೋಜನಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ಉದ್ಧಚ್ಚಸಹಗತೋ ಮೋಹೋ. (೨) (ಸಂಖಿತ್ತಂ.)

೨೪. ನಹೇತುಯಾ ದ್ವೇ, ನಅಧಿಪತಿಯಾ ಪಞ್ಚ, ನಪುರೇಜಾತೇ ಪಞ್ಚ…ಪೇ… ನಕಮ್ಮೇ ತೀಣಿ…ಪೇ… ನವಿಪ್ಪಯುತ್ತೇ ಪಞ್ಚ (ಸಂಖಿತ್ತಂ, ಪಚ್ಚನೀಯಂ).

೭. ಪಞ್ಹಾವಾರೋ

ಹೇತುಪಚ್ಚಯೋ

೨೫. ಸಞ್ಞೋಜನಸಮ್ಪಯುತ್ತೋ ಅಕುಸಲೋ ಧಮ್ಮೋ ಸಞ್ಞೋಜನಸಮ್ಪಯುತ್ತಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಸಞ್ಞೋಜನವಿಪ್ಪಯುತ್ತೋ ಅಕುಸಲೋ ಧಮ್ಮೋ ಸಞ್ಞೋಜನಸಮ್ಪಯುತ್ತಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಸಞ್ಞೋಜನಸಮ್ಪಯುತ್ತೋ ಅಕುಸಲೋ ಧಮ್ಮೋ ಸಞ್ಞೋಜನಸಮ್ಪಯುತ್ತಸ್ಸ ಅಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ನವ.

ಸಞ್ಞೋಜನಸಮ್ಪಯುತ್ತೋ ಅಕುಸಲೋ ಧಮ್ಮೋ ಸಞ್ಞೋಜನಸಮ್ಪಯುತ್ತಸ್ಸ ಅಕುಸಲಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೨೬. ಅಧಿಪತಿಯಾ ಏಕಂ, ಅನನ್ತರೇ ಸಮನನ್ತರೇ ನವ, ಸಹಜಾತೇ ಪಞ್ಚ, ಉಪನಿಸ್ಸಯೇ ಆಸೇವನೇ ನವ, ಕಮ್ಮೇ ತೀಣಿ, ಮಗ್ಗೇ ತೀಣಿ, ಸಮ್ಪಯುತ್ತೇ ಪಞ್ಚ, ಅತ್ಥಿಯಾ ಪಞ್ಚ. (ಸಂಖಿತ್ತಂ.)

ಅಬ್ಯಾಕತಪದಂ

ಹೇತುಪಚ್ಚಯೋ

೨೭. ಸಞ್ಞೋಜನವಿಪ್ಪಯುತ್ತಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೨೩-೧. ಸಞ್ಞೋಜನಸಞ್ಞೋಜನಿಯದುಕ-ಕುಸಲತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೨೮. ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಚೇವ ನೋ ಚ ಸಞ್ಞೋಜನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೨೯. ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೩೦. ಸಞ್ಞೋಜನಞ್ಚೇವ ಸಞ್ಞೋಜನಿಯಞ್ಚ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚೇವ ಸಞ್ಞೋಜನಿಯೋ ಚ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೩೧. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತುಯಾ ತೀಣಿ, ನಅಧಿಪತಿಯಾ ನವ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನವಿಪ್ಪಯುತ್ತೇ ನವ (ಸಂಖಿತ್ತಂ).

(ಸಹಜಾತವಾರೋಪಿ…ಪೇ… ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ.)

೩೨. ಸಞ್ಞೋಜನೋ ಚೇವ ಸಞ್ಞೋಜನಿಯೋ ಚ ಅಕುಸಲೋ ಧಮ್ಮೋ ಸಞ್ಞೋಜನಸ್ಸ ಚೇವ ಸಞ್ಞೋಜನಿಯಸ್ಸ ಚ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೩೩. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಉಪನಿಸ್ಸಯೇ ಆಸೇವನೇ ನವ, ಕಮ್ಮೇ ಆಹಾರೇ ಇನ್ದ್ರಿಯೇ ಝಾನೇ ತೀಣಿ, ಮಗ್ಗೇ ಸಮ್ಪಯುತ್ತೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

೩೪. ನಹೇತುಯಾ ನವ ನಆರಮ್ಮಣೇ ನವ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

೩೫. ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಚೇವ ನೋ ಚ ಸಞ್ಞೋಜನೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

೩೬. ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೨೪-೧. ಸಞ್ಞೋಜನಸಞ್ಞೋಜನಸಮ್ಪಯುತ್ತದುಕ-ಕುಸಲತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೩೭. ಸಞ್ಞೋಜನಞ್ಚೇವ ಸಞ್ಞೋಜನಸಮ್ಪಯುತ್ತಞ್ಚ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚೇವ ಸಞ್ಞೋಜನಸಮ್ಪಯುತ್ತೋ ಚ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಸಞ್ಞೋಜನಸಮ್ಪಯುತ್ತಞ್ಚೇವ ನೋ ಚ ಸಞ್ಞೋಜನಂ ಅಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನಸಮ್ಪಯುತ್ತೋ ಚೇವ ನೋ ಚ ಸಞ್ಞೋಜನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಸಞ್ಞೋಜನಞ್ಚೇವ ಸಞ್ಞೋಜನಸಮ್ಪಯುತ್ತಂ ಅಕುಸಲಞ್ಚ ಸಞ್ಞೋಜನಸಮ್ಪಯುತ್ತಞ್ಚೇವ ನೋ ಚ ಸಞ್ಞೋಜನಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚೇವ ಸಞ್ಞೋಜನಸಮ್ಪಯುತ್ತೋ ಚ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೩೮. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ).

(ಸಹಜಾತವಾರೋಪಿ… ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)

೩೯. ಸಞ್ಞೋಜನೋ ಚೇವ ಸಞ್ಞೋಜನಸಮ್ಪಯುತ್ತೋ ಚ ಅಕುಸಲೋ ಧಮ್ಮೋ ಸಞ್ಞೋಜನಸ್ಸ ಚೇವ ಸಞ್ಞೋಜನಸಮ್ಪಯುತ್ತಸ್ಸ ಚ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೪೦. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಉಪನಿಸ್ಸಯೇ ಆಸೇವನೇ ನವ, ಕಮ್ಮೇ ಆಹಾರೇ ಇನ್ದ್ರಿಯೇ ಝಾನೇ ತೀಣಿ, ಮಗ್ಗೇ ಸಮ್ಪಯುತ್ತೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

೪೧. ನಹೇತುಯಾ ನವ, ನಆರಮ್ಮಣೇ ನವ, ನಅಧಿಪತಿಯಾ ನವ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

೨೫-೧. ಸಞ್ಞೋಜನವಿಪ್ಪಯುತ್ತಸಞ್ಞೋಜನಿಯದುಕ-ಕುಸಲತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೪೨. ಸಞ್ಞೋಜನವಿಪ್ಪಯುತ್ತಂ ಸಞ್ಞೋಜನಿಯಂ ಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಸಞ್ಞೋಜನಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಸಞ್ಞೋಜನವಿಪ್ಪಯುತ್ತಂ ಅಸಞ್ಞೋಜನಿಯಂ ಕುಸಲಂ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಅಸಞ್ಞೋಜನಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

೪೩. ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ (ಸಂಖಿತ್ತಂ).

(ಯಥಾ ಚೂಳನ್ತರದುಕೇ ಲೋಕಿಯದುಕಸದಿಸಂ. ಸಹಜಾತವಾರೋಪಿ…ಪೇ… ಪಞ್ಹಾವಾರೋಪಿ ಸಬ್ಬತ್ಥ ವಿತ್ಥಾರೇತಬ್ಬಾ.)

೪೪. ಸಞ್ಞೋಜನವಿಪ್ಪಯುತ್ತೋ ಸಞ್ಞೋಜನಿಯೋ ಅಕುಸಲೋ ಧಮ್ಮೋ ಸಞ್ಞೋಜನವಿಪ್ಪಯುತ್ತಸ್ಸ ಸಞ್ಞೋಜನಿಯಸ್ಸ ಅಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೪೫. ಆರಮ್ಮಣೇ ಏಕಂ (ಸಬ್ಬತ್ಥ ಏಕಂ, ಸಂಖಿತ್ತಂ).

೪೬. ಸಞ್ಞೋಜನವಿಪ್ಪಯುತ್ತಂ ಸಞ್ಞೋಜನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಸಞ್ಞೋಜನವಿಪ್ಪಯುತ್ತಂ ಅಸಞ್ಞೋಜನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಅಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸಞ್ಞೋಜನವಿಪ್ಪಯುತ್ತಂ ಅಸಞ್ಞೋಜನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸಞ್ಞೋಜನವಿಪ್ಪಯುತ್ತಂ ಅಸಞ್ಞೋಜನಿಯಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಸಞ್ಞೋಜನಿಯೋ ಅಬ್ಯಾಕತೋ ಚ ಸಞ್ಞೋಜನವಿಪ್ಪಯುತ್ತೋ ಅಸಞ್ಞೋಜನಿಯೋ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ಸಞ್ಞೋಜನವಿಪ್ಪಯುತ್ತಂ ಸಞ್ಞೋಜನಿಯಂ ಅಬ್ಯಾಕತಞ್ಚ ಸಞ್ಞೋಜನವಿಪ್ಪಯುತ್ತಂ ಅಸಞ್ಞೋಜನಿಯಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನವಿಪ್ಪಯುತ್ತೋ ಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೪೭. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅಧಿಪತಿಯಾ ಪಞ್ಚ…ಪೇ… ಆಸೇವನೇ ಏಕಂ, ಕಮ್ಮೇ ಪಞ್ಚ, ವಿಪಾಕೇ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ).

ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ದ್ವೇ, ನಪುರೇಜಾತೇ ಚತ್ತಾರಿ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಪಞ್ಚ, ನಕಮ್ಮೇ ಏಕಂ, ನವಿಪಾಕೇ ಏಕಂ, ನವಿಪ್ಪಯುತ್ತೇ ದ್ವೇ…ಪೇ… ನೋವಿಗತೇ ತೀಣಿ (ಸಂಖಿತ್ತಂ).

(ಸಹಜಾತವಾರೋಪಿ…ಪೇ… ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ.)

೪೮. ಸಞ್ಞೋಜನವಿಪ್ಪಯುತ್ತೋ ಸಞ್ಞೋಜನಿಯೋ ಅಬ್ಯಾಕತೋ ಧಮ್ಮೋ ಸಞ್ಞೋಜನವಿಪ್ಪಯುತ್ತಸ್ಸ ಸಞ್ಞೋಜನಿಯಸ್ಸ ಅಬ್ಯಾಕತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೪೯. ಹೇತುಯಾ ಚತ್ತಾರಿ, ಆರಮ್ಮಣೇ ತೀಣಿ, ಅಧಿಪತಿಯಾ ಚತ್ತಾರಿ, ಅನನ್ತರೇ ಚತ್ತಾರಿ…ಪೇ… ಅವಿಗತೇ ಸತ್ತ (ಸಂಖಿತ್ತಂ).

೫೦. ನಹೇತುಯಾ ಸತ್ತ, ನಆರಮ್ಮಣೇ ಸತ್ತ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ತೀಣಿ (ಸಂಖಿತ್ತಂ).

ಸಞ್ಞೋಜನಗೋಚ್ಛಕಕುಸಲತ್ತಿಕಂ ನಿಟ್ಠಿತಂ.