೨. ಅಕುಸಲಪದಂ

ಹೇತುಪಚ್ಚಯೋ

೨೨. ಆಸವಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಆಸವಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಆಸವವಿಪ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಆಸವಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಆಸವಸಮ್ಪಯುತ್ತಂ ಅಕುಸಲಞ್ಚ ಆಸವವಿಪ್ಪಯುತ್ತಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಆಸವಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

೨೩. ಹೇತುಯಾ ಪಞ್ಚ, ಆರಮ್ಮಣೇ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ. ಸಹಜಾತವಾರೇಪಿ…ಪೇ… ಸಮ್ಪಯುತ್ತವಾರೇಪಿ ಸಬ್ಬತ್ಥ ಪಞ್ಚ.)

ನಹೇತುಯಾ ಏಕಂ, ನಅಧಿಪತಿಯಾ ಪಞ್ಚ, ನಪುರೇಜಾತೇ ಪಞ್ಚ…ಪೇ… ನಕಮ್ಮೇ ತೀಣಿ, ನವಿಪಾಕೇ ಪಞ್ಚ, ನವಿಪ್ಪಯುತ್ತೇ ಪಞ್ಚ (ಸಂಖಿತ್ತಂ).

೨೪. ಆಸವಸಮ್ಪಯುತ್ತೋ ಅಕುಸಲೋ ಧಮ್ಮೋ ಆಸವಸಮ್ಪಯುತ್ತಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಆಸವವಿಪ್ಪಯುತ್ತೋ ಅಕುಸಲೋ ಧಮ್ಮೋ ಆಸವಸಮ್ಪಯುತ್ತಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಆಸವಸಮ್ಪಯುತ್ತೋ ಅಕುಸಲೋ ಚ ಆಸವವಿಪ್ಪಯುತ್ತೋ ಅಕುಸಲೋ ಚ ಧಮ್ಮಾ ಆಸವಸಮ್ಪಯುತ್ತಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೨೫. ಹೇತುಯಾ ಪಞ್ಚ, ಆರಮ್ಮಣೇ ನವ, ಅಧಿಪತಿಯಾ ಏಕಂ, ಅನನ್ತರೇ ಸಮನನ್ತರೇ ನವ, ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಪಞ್ಚ, ಉಪನಿಸ್ಸಯೇ ಆಸೇವನೇ ನವ, ಕಮ್ಮೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ತೀಣಿ, ಸಮ್ಪಯುತ್ತೇ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಮ್ಪಿ ಪಚ್ಚನೀಯಮ್ಪಿ ಅನುಲೋಮಪಚ್ಚನೀಯಮ್ಪಿ ಪಚ್ಚನೀಯಾನುಲೋಮಮ್ಪಿ ಗಣಿತಂ, ಏವಂ ಗಣೇತಬ್ಬಂ.)