೭. ಪಞ್ಹಾವಾರೋ

ಪಚ್ಚಯಚತುಕ್ಕಂ

ಹೇತು-ಆರಮ್ಮಣಪಚ್ಚಯಾದಿ

೧೩. ಸಹೇತುಕೋ ಅಕುಸಲೋ ಧಮ್ಮೋ ಸಹೇತುಕಸ್ಸ ಅಕುಸಲಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ದ್ವೇ.

ಸಹೇತುಕೋ ಅಕುಸಲೋ ಧಮ್ಮೋ ಸಹೇತುಕಸ್ಸ ಅಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಹೇತುಕೋ ಅಕುಸಲೋ ಧಮ್ಮೋ ಅಹೇತುಕಸ್ಸ ಅಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಸಹೇತುಕೋ ಅಕುಸಲೋ ಚ ಅಹೇತುಕೋ ಅಕುಸಲೋ ಚ ಧಮ್ಮಾ ಸಹೇತುಕಸ್ಸ ಅಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಸಹೇತುಕೋ ಅಕುಸಲೋ ಧಮ್ಮೋ ಸಹೇತುಕಸ್ಸ ಅಕುಸಲಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ (ಸಂಖಿತ್ತಂ).

೧೪. ಹೇತುಯಾ ದ್ವೇ, ಆರಮ್ಮಣೇ ನವ, ಅಧಿಪತಿಯಾ ಏಕಂ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ಪಞ್ಚ, ನಿಸ್ಸಯೇ ಪಞ್ಚ, ಉಪನಿಸ್ಸಯೇ ನವ, ಆಸೇವನೇ ನವ, ಕಮ್ಮೇ ತೀಣಿ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ತೀಣಿ, ಸಮ್ಪಯುತ್ತೇ ಪಞ್ಚ, ಅತ್ಥಿಯಾ ಪಞ್ಚ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ಪಞ್ಚ (ಸಂಖಿತ್ತಂ).

ಪಚ್ಚನೀಯುದ್ಧಾರೋ

೧೫. ಸಹೇತುಕೋ ಅಕುಸಲೋ ಧಮ್ಮೋ ಸಹೇತುಕಸ್ಸ ಅಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೧೬. ನಹೇತುಯಾ ನವ, ನಆರಮ್ಮಣೇ ನವ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ದ್ವೇ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ನವ (ಸಂಖಿತ್ತಂ).

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಮ್ಪಿ ಪಚ್ಚನೀಯಮ್ಪಿ ಅನುಲೋಮಪಚ್ಚನೀಯಮ್ಪಿ ಪಚ್ಚನೀಯಾನುಲೋಮಮ್ಪಿ ಗಣಿತಂ, ಏವಂ ಗಣೇತಬ್ಬಂ.)