೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೯೭. ನಹೇತುಂ ಸಹೇತುಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಸಹೇತುಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಸಹೇತುಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಅಬ್ಯಾಕತೋ ಚ ನಹೇತು ಅಹೇತುಕೋ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನಹೇತುಂ ಅಹೇತುಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಹೇತುಂ ಸಹೇತುಕಂ ಅಬ್ಯಾಕತಞ್ಚ ನಹೇತುಂ ಅಹೇತುಕಂ ಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನಹೇತು ಸಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).

೯೮. ಹೇತುಯಾ ನವ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ಪಞ್ಚ…ಪೇ… ಪುರೇಜಾತೇ ಆಸೇವನೇ ದ್ವೇ, ಕಮ್ಮೇ ನವ, ವಿಪಾಕೇ ನವ…ಪೇ… ಅವಿಗತೇ ನವ (ಸಂಖಿತ್ತಂ).

ನಹೇತುಪಚ್ಚಯೋ

೯೯. ನಹೇತುಂ ಅಹೇತುಕಂ ಅಬ್ಯಾಕತಂ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಸಂಖಿತ್ತಂ).

೧೦೦. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ದ್ವೇ, ನವಿಪಾಕೇ ಪಞ್ಚ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ದ್ವೇ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ (ಸಂಖಿತ್ತಂ).

ಹೇತುಪಚ್ಚಯಾ ನಆರಮ್ಮಣೇ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಏಕಂ (ಸಂಖಿತ್ತಂ).

(ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)