೧-೬. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತು-ಆರಮ್ಮಣಪಚ್ಚಯಾ

೩೧. ಹೇತುಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತುಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಹೇತುವಿಪ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತುಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಹೇತುಸಮ್ಪಯುತ್ತಂ ಅಕುಸಲಞ್ಚ ಹೇತುವಿಪ್ಪಯುತ್ತಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಹೇತುಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಹೇತುಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತುಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ತೀಣಿ. (೩)

ಹೇತುವಿಪ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತುಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಹೇತುಸಮ್ಪಯುತ್ತಂ ಅಕುಸಲಞ್ಚ ಹೇತುವಿಪ್ಪಯುತ್ತಂ ಅಕುಸಲಞ್ಚ ಧಮ್ಮಂ ಪಟಿಚ್ಚ ಹೇತುಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಹೇತುಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತುಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ (ಸಂಖಿತ್ತಂ).

೩೨. ಹೇತುಯಾ ತೀಣಿ, ಆರಮ್ಮಣೇ ಪಞ್ಚ, ಅಧಿಪತಿಯಾ ಏಕಂ, ಅನನ್ತರೇ ಪಞ್ಚ, ಸಮನನ್ತರೇ ಪಞ್ಚ, ಸಹಜಾತೇ ಪಞ್ಚ, ಅಞ್ಞಮಞ್ಞೇ ಪಞ್ಚ, ನಿಸ್ಸಯೇ ಪಞ್ಚ, ಉಪನಿಸ್ಸಯೇ ಪಞ್ಚ, ಪುರೇಜಾತೇ ಪಞ್ಚ, ಆಸೇವನೇ ಪಞ್ಚ, ಕಮ್ಮೇ ಪಞ್ಚ, ಆಹಾರೇ ಪಞ್ಚ, ಇನ್ದ್ರಿಯೇ ಪಞ್ಚ, ಝಾನೇ ಪಞ್ಚ, ಮಗ್ಗೇ ಪಞ್ಚ, ಸಮ್ಪಯುತ್ತೇ ಪಞ್ಚ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ಪಞ್ಚ…ಪೇ… ಅವಿಗತೇ ಪಞ್ಚ (ಸಂಖಿತ್ತಂ).

ನಹೇತು-ನಅಧಿಪತಿಪಚ್ಚಯಾ

೩೩. ಹೇತುಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತುವಿಪ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. (೧)

ಹೇತುಸಮ್ಪಯುತ್ತಂ ಅಕುಸಲಂ ಧಮ್ಮಂ ಪಟಿಚ್ಚ ಹೇತುಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ಸಂಖಿತ್ತಂ).

೩೪. ನಹೇತುಯಾ ಏಕಂ, ನಅಧಿಪತಿಯಾ ಪಞ್ಚ, ನಪುರೇಜಾತೇ ಪಞ್ಚ, ನಪಚ್ಛಾಜಾತೇ ಪಞ್ಚ, ನಆಸೇವನೇ ಪಞ್ಚ, ನಕಮ್ಮೇ ತೀಣಿ, ನವಿಪಾಕೇ ಪಞ್ಚ, ನವಿಪ್ಪಯುತ್ತೇ ಪಞ್ಚ (ಸಂಖಿತ್ತಂ).

ಹೇತುಪಚ್ಚಯಾ ನಅಧಿಪತಿಯಾ ತೀಣಿ (ಸಂಖಿತ್ತಂ).

ನಹೇತುಪಚ್ಚಯಾ ಆರಮ್ಮಣೇ ಏಕಂ (ಸಂಖಿತ್ತಂ).

(ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ ವಿತ್ಥಾರೇತಬ್ಬಾ.)