೧-೭. ಪಟಿಚ್ಚವಾರಾದಿ
ಹೇತುಪಚ್ಚಯೋ
೧೧೭. ಮಗ್ಗಾರಮ್ಮಣಂ ಅರಣಂ ಧಮ್ಮಂ ಪಟಿಚ್ಚ ಮಗ್ಗಾರಮ್ಮಣೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.
ಮಗ್ಗಹೇತುಕಂ ಅರಣಂ ಧಮ್ಮಂ ಪಟಿಚ್ಚ ಮಗ್ಗಹೇತುಕೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.
ಮಗ್ಗಾಧಿಪತಿಂ ಅರಣಂ ಧಮ್ಮಂ ಪಟಿಚ್ಚ ಮಗ್ಗಾಧಿಪತಿ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.
ಮಗ್ಗಾರಮ್ಮಣಂ ಅರಣಞ್ಚ ಮಗ್ಗಾಧಿಪತಿಂ ಅರಣಞ್ಚ ಧಮ್ಮಂ ಪಟಿಚ್ಚ ಮಗ್ಗಾರಮ್ಮಣೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.
ಮಗ್ಗಹೇತುಕಂ ಅರಣಞ್ಚ ಮಗ್ಗಾಧಿಪತಿಂ ಅರಣಞ್ಚ ಧಮ್ಮಂ ಪಟಿಚ್ಚ ಮಗ್ಗಹೇತುಕೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಸಂಖಿತ್ತಂ).
ಹೇತುಯಾ ಸತ್ತರಸ…ಪೇ… ಅವಿಗತೇ ಸತ್ತರಸ (ಸಂಖಿತ್ತಂ).
(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)
೧೧೮. ಮಗ್ಗಾರಮ್ಮಣೋ ಅರಣೋ ಧಮ್ಮೋ ಮಗ್ಗಾರಮ್ಮಣಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.
ಮಗ್ಗಹೇತುಕೋ ಅರಣೋ ಧಮ್ಮೋ ಮಗ್ಗಹೇತುಕಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.
ಮಗ್ಗಾಧಿಪತಿ ಅರಣೋ ಧಮ್ಮೋ ಮಗ್ಗಾಧಿಪತಿಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ಪಞ್ಚ.
ಮಗ್ಗಾರಮ್ಮಣೋ ಅರಣೋ ಚ ಮಗ್ಗಾಧಿಪತಿ ಅರಣೋ ಚ ಧಮ್ಮಾ ಮಗ್ಗಾರಮ್ಮಣಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.
ಮಗ್ಗಹೇತುಕೋ ಅರಣೋ ಚ ಮಗ್ಗಾಧಿಪತಿ ಅರಣೋ ಚ ಧಮ್ಮಾ ಮಗ್ಗಹೇತುಕಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ (ಸಂಖಿತ್ತಂ).
೧೧೯. ಹೇತುಯಾ ಸತ್ತರಸ, ಆರಮ್ಮಣೇ ನವ…ಪೇ… ಅವಿಗತೇ ಸತ್ತರಸ (ಸಂಖಿತ್ತಂ).
(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)