೧-೭. ಪಟಿಚ್ಚವಾರಾದಿ
ಹೇತುಪಚ್ಚಯೋ
೧೦೩. ನೇವಸೇಕ್ಖನಾಸೇಕ್ಖಂ ಸರಣಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).
ಹೇತುಯಾ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).
(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)
೧೦೪. ಸೇಕ್ಖಂ ಅರಣಂ ಧಮ್ಮಂ ಪಟಿಚ್ಚ ಸೇಕ್ಖೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸೇಕ್ಖಂ ಅರಣಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಸೇಕ್ಖಂ ಅರಣಂ ಧಮ್ಮಂ ಪಟಿಚ್ಚ ಸೇಕ್ಖೋ ಅರಣೋ ಚ ನೇವಸೇಕ್ಖನಾಸೇಕ್ಖೋ ಅರಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)
ಅಸೇಕ್ಖಂ ಅರಣಂ ಧಮ್ಮಂ ಪಟಿಚ್ಚ ಅಸೇಕ್ಖೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.
ನೇವಸೇಕ್ಖನಾಸೇಕ್ಖಂ ಅರಣಂ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)
ಸೇಕ್ಖಂ ಅರಣಞ್ಚ ನೇವಸೇಕ್ಖನಾಸೇಕ್ಖಂ ಅರಣಞ್ಚ ಧಮ್ಮಂ…ಪೇ… ಹೇತುಪಚ್ಚಯಾ.
ಅಸೇಕ್ಖಂ ಅರಣಞ್ಚ ನೇವಸೇಕ್ಖನಾಸೇಕ್ಖಂ ಅರಣಞ್ಚ ಧಮ್ಮಂ ಪಟಿಚ್ಚ ನೇವಸೇಕ್ಖನಾಸೇಕ್ಖೋ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)
೧೦೫. ಹೇತುಯಾ ನವ, ಆರಮ್ಮಣೇ ತೀಣಿ…ಪೇ… ಅವಿಗತೇ ನವ.
(ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)
೧೦೬. ಸೇಕ್ಖೋ ಅರಣೋ ಧಮ್ಮೋ ಸೇಕ್ಖಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.
ಅಸೇಕ್ಖೋ ಅರಣೋ ಧಮ್ಮೋ ಅಸೇಕ್ಖಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.
ನೇವಸೇಕ್ಖನಾಸೇಕ್ಖೋ ಅರಣೋ ಧಮ್ಮೋ ನೇವಸೇಕ್ಖನಾಸೇಕ್ಖಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)
೧೦೭. ಹೇತುಯಾ ಸತ್ತ, ಆರಮ್ಮಣೇ ಪಞ್ಚ, ಅಧಿಪತಿಯಾ ನವ, ಅನನ್ತರೇ ಅಟ್ಠ…ಪೇ… ಅವಿಗತೇ ತೇರಸ (ಸಂಖಿತ್ತಂ).
(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)