೧-೭. ಪಟಿಚ್ಚವಾರಾದಿ

೯೮. ಆಚಯಗಾಮಿಂ ಸರಣಂ ಧಮ್ಮಂ ಪಟಿಚ್ಚ ಆಚಯಗಾಮೀ ಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಸಂಖಿತ್ತಂ).

ಹೇತುಯಾ ಏಕಂ…ಪೇ… ಅವಿಗತೇ ಏಕಂ (ಸಂಖಿತ್ತಂ).

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೯೯. ಆಚಯಗಾಮಿಂ ಅರಣಂ ಧಮ್ಮಂ ಪಟಿಚ್ಚ ಆಚಯಗಾಮೀ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಪಚಯಗಾಮಿಂ ಅರಣಂ ಧಮ್ಮಂ ಪಟಿಚ್ಚ ಅಪಚಯಗಾಮೀ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನೇವಾಚಯಗಾಮಿನಾಪಚಯಗಾಮಿಂ ಅರಣಂ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಆಚಯಗಾಮಿಂ ಅರಣಞ್ಚ ನೇವಾಚಯಗಾಮಿನಾಪಚಯಗಾಮಿಂ ಅರಣಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಪಚಯಗಾಮಿಂ ಅರಣಞ್ಚ ನೇವಾಚಯಗಾಮಿನಾಪಚಯಗಾಮಿಂ ಅರಣಞ್ಚ ಧಮ್ಮಂ ಪಟಿಚ್ಚ ನೇವಾಚಯಗಾಮಿನಾಪಚಯಗಾಮೀ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೧೦೦. ಹೇತುಯಾ ನವ, ಆರಮ್ಮಣೇ ತೀಣಿ, ಅಧಿಪತಿಯಾ ನವ…ಪೇ… ಅವಿಗತೇ ನವ (ಸಂಖಿತ್ತಂ). (ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೧೦೧. ಆಚಯಗಾಮೀ ಅರಣೋ ಧಮ್ಮೋ ಆಚಯಗಾಮಿಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಪಚಯಗಾಮೀ ಅರಣೋ ಧಮ್ಮೋ ಅಪಚಯಗಾಮಿಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ನೇವಾಚಯಗಾಮಿನಾಪಚಯಗಾಮೀ ಅರಣೋ ಧಮ್ಮೋ ನೇವಾಚಯಗಾಮಿನಾಪಚಯಗಾಮಿಸ್ಸ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಆಚಯಗಾಮೀ ಅರಣೋ ಧಮ್ಮೋ ಆಚಯಗಾಮಿಸ್ಸ ಅರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

೧೦೨. ಹೇತುಯಾ ಸತ್ತ, ಆರಮ್ಮಣೇ ಸತ್ತ, ಅಧಿಪತಿಯಾ ದಸ, ಅನನ್ತರೇ ಛ…ಪೇ… ಅವಿಗತೇ ತೇರಸ. (ಸಂಖಿತ್ತಂ.)

(ಯಥಾ ಕುಸಲತ್ತಿಕೇ ಪಞ್ಹಾವಾರಂ, ಏವಂ ವಿತ್ಥಾರೇತಬ್ಬಂ.)